主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 32027    回應 : 18
文亮語
祈待湯君明到我的會客室
 
湯文亮博士
紀惠集團行政總裁
2015年8月12日

  很多人曾經問我,點解要寫「細價樓爆煲論」,我話已經寫得太遲,應該在去年跟大隊話樓價會下跌三成,但我憑良心做事,用我自己分析來預測樓市,輸贏亦由自己負責,在我發表「細價樓爆煲論」時,市場上只有祥益汪敦敬先生在過去幾年,並沒有睇淡樓市,而汪先生是敦厚之人,不會刻意追撃我的「細價樓爆煲論」,但誰不知殺出林一鳴,一句‘現在買樓好過六個月之後買’,令我不得不應戰,而事實上亦證明我的眼光不準,輸了十圍福臨門就事小,害了一些因此而沒有買樓的人就事大,不過,現在買了樓亦只不過是紙上富貴,有三年SSD禁售價,而三年內,樓宇供應可能已經令市場吃不消,利息一定比現在高出很多,樓價是否會高於在我發表「細價樓爆煲論」的時候,我深表懷疑,根據現時市場形勢,我再話三個月內,所有評論員都會轉軚,今次竟然惹來宗兄湯君明不滿,我有多少奇怪,宗兄不是一向睇淡樓市,幾時轉軚?

  在過去幾年,宗兄睇淡樓市,一直唱跌,但樓市不跌反升,有記者笑宗兄預測不準,宗兄話佢唱淡樓市目的是希望有些業主害怕,佢可以執平貨,到記者問我在過去幾年睇好樓市,是否晿好出貨,我話有事實證明,毋需解釋。大約兩年前,有記者同我講,宗兄叫佢賣咗層樓等跌,我恭喜佢,宗兄咁樣講,佢應該賣咗層樓,樓價跌,再回購賺取差額,樓價升,宗兄自不然會作出補償,但最緊要是要在報紙刊登,這是宗兄的目的,及後,我的確有睇過這段花邊新聞。

  我在明報有一個會客室,希望宗兄可以到來除了暢談樓市之外,還講人生哲理,我在會客室有一些紅酒及威士忌,如果宗兄有什麼特別要求,我會盡力辦妥,我誠心邀請宗兄到我的會客室,時間由宗兄指定,相信讀者與我,一定獲益良多,祈待宗兄光臨。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. I 2015-08-12 09:07:35
我在明報有一個會容室 -> 我在明報有一個會客室
2. Admin 2015-08-12 09:15:11
回1/F, 已作出修改, 多謝提點!
3. 路人甲 2015-08-12 10:03:09

平貨

係, ' 執' 平貨 至啱.
我雖然寫得口語化, 不過好在意D錯別字....! 哈哈!
請修改!
4. Alan Pepper 2015-08-12 11:01:34
湯博士真係很不服啊... 

這我也明白,明明二首成交慘淡,細價一首平過二首,點解指數會升?

其中幾個可能性:

1. 資料數據滯後

2. 供樓的暫時未有或未知道有工作危機。啲老闆都係睇多一陣環境先算。自然流失就最好啦,不過有啲公司(尤其是大公司)都被迫計數,冇計。

3. Inflation 真係取消左應該下跌的部份。

博士唔洗唔服,您不是打牙骹戰,而是將自己心入面嗰句講出嚟。您太出名難免引起外界攻擊。不過您請食飯唔預埋我就有啲唔 happy...

哈哈,講笑

期待你每日的文章...
5. Desmond 2015-08-12 11:06:47
強美元影響陸續浮現,人民幣這兩天下跌了超過3%。


6. 温水煮蛙 2015-08-12 11:29:00

上午8時許,有人發現1名年約50歲男子,於長沙灣保安道18號喜雅2座,大廈中層一單位露台上吊,掛在下層單位露台外,於是報警。消防員到場,向戶主借單位,協助將上吊男子解開,並拉回安全位置,再由救護員送院搶救,惜最終死亡,警員在場調查,事主身份及上吊原因。

喜雅本身為市區重建局的重建項目,由香港房屋協會發展及管理的小型私人屋苑,2014年3月入伙。

1年就有凶宅.

8. Desmond 2015-08-12 12:01:47
細價樓是一個散戶市場,羣衆大都是看已發生之事實,例如在年頭如你跟人說人民幣會貶值,大部份人都不相信,到現在大部人都說人民幣會繼續貶值,樓價情況也會是一樣。




9. Admin 2015-08-12 12:27:03
回3樓, 文章已經作出修改,謝謝
10. 引刀一快 2015-08-12 12:28:49
To  6樓   温水煮蛙兄

上下兩個單位都變埋凶宅,呢位仁兄害死人。
11. 引刀一快 2015-08-12 12:32:43
To 8樓 Desmond兄

我兩年前已經講咗大陸經濟唔好,去年一直講,邊個睬我喞。

好多嘢,就係浮面同未浮面嘅差別。
12. 湯湯 2015-08-12 13:10:00
湯博士和湯君明都是投資高手。又是同宗。湯博士在文章中更稱湯君明為宗兄,可見兩人關係非淺。 
自稱清雞湯的湯君明叫湯博士為猪肉湯。真好奇想知道兩人得此花名的典故。
13. 大寶二寶 2015-08-12 14:11:08
回10 引刀兄

樓下单位千萬唔好比條屍拉落來由佢個单位接走,應該拉番上去上面单位運走,咁樓下就唔會變凶宅囉。


14. 路人皆知 2015-08-12 14:25:09
11F 引刀兄咁唧係點呀?係咪經濟越差樓市會越升呀?差到浮面樓市咪升到PK?
15. 小人物 2015-08-12 14:26:52
博士不妨和湯先生討論下揸咁多cash係香港有乜項目好搞. 難道又用黎投資磚頭?

2015年7月7日

湯君明指樓市暫不會「爆煲」

科達地產主席湯君明表示,依然看好樓市前景,並透露手持約60億元現金,計劃購買地皮、商廈及商舖物業,同時亦擬把淺水灣道121號明苑翻新為服務式住宅。 他指出,因上半年投地策略太保守,下半年將轉為較積極,並將物色市區商業項目及住宅區民生舖位,但強調不會考慮北區住宅項目。 持60億積極掃貨 湯君明認為,樓 ...

(節錄)

16. Oscar Lam 2015-08-12 16:26:47
印象中,大部分時間湯君明都是不買不賣,只是間中執下平貨。亦很少看到他對楼市的評論。

如果湯君明先生愿意和大家分享一下如何把握機遇捞底,相信讀者一定受益良多。謝謝博士安排!
17. To 13 2015-08-12 16:34:09
孖寶兄, 可能樓下都係租客黎呢...
18. 引刀一快 2015-08-13 00:29:32
大寶兄

你錯喇。吊咗喺窗口或者露臺,樓下仲衰過樓上,迷信果part我唔熟,但係心理影響就大到爆,窗口出面掛過屍,你話屋裏面嘅人點瞓?最怕係面向屋內,我諗報警之後,屋主就要約見心理醫生。
19. 引刀一快 2015-08-13 00:39:56
To 14樓

經濟差,樓市冇貼住,你可以考慮唔信邪,去同中國經濟PK下,我只能夠講,你未必輸梗,勇敢面對喇,努力!星矢,突破你買樓第七感,顛覆阿賴耶識,變成阿爺識頼,勇救沙織...