主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 34585    回應 : 20
文亮語
港樓升幅全世界排行十一,星架坡又如何
 
湯文亮博士
紀惠集團行政總裁
2015年8月10日

  去年,香港樓價升幅全世界排行第十一位,升6.6%,排第一是溫哥華,升15%,我相信不少人認為,星架坡排名一定比香港高,原來大錯特錯,星架坡樓價去年不但沒有上升,還大幅下跌15%,而且至今年六月,星架坡樓價已經連續下跌兩年,如果李光耀在生,一定會立刻取消買樓辣招稅,吸引國內人士到星架坡置業,李顯龍將軍還未達這個級數,開徵辣招稅,一般行政長官都可以做到,但撤銷就要有魄力兼個人魅力,李顯龍夠膽推出禁酒令,撤銷就不敢,香港亦是一樣,限奶令幾容易推出,撤銷,官員提都唔敢提,所以,我認為星港兩地都不敢撤銷辣招稅,點解兩地樓價分別又如此巨大,理由很簡單,星架坡有85%市民住在組屋,對私人樓宇沒有需求,單靠外來人士買樓,樓價沒有支持力,唔跌都很艱難,老實說,一年跌15%真的是很犀利,有星架坡在前,香港人不得不小心樓價會下跌,如果連跌兩年,跌幅超過25%,香港將會出現動蕩,樓價如果唔升得太高,跌得就不會太深,社會受傷害程度比較淺,這亦是在最近幾年,香港政府努力壓抑樓價主要原因。

  我反而覺得奇怪,星架坡幾乎什麼排名都攞第一,理論上樓價升幅亦應該第一,即是一個學生科科首名,成績反而不合格。在過去幾年,星架坡主辦無數國際盛事,例如一級方程式賽車,賽艇,羽毛球年終賽,女子網球年終賽等,星架坡政府做咁多嘢,無非都是想多一些人到星架坡居住,投資,在這種情況下,住宅,寫字樓的租金必然上升,現在樓價不升反跌,雖然這是星架坡問題,但港人亦應該為此憂慮,畢竟星港兩地相似的地方太多,又是競爭對手,星架坡樓價下跌,香港亦應該一樣,現在,香港樓價未跌,只因供應未足夠,而我所憂慮的,香港人是否能夠承受樓價下跌三成,我所講的是現在以創新高價買細價的人,在星架坡,這批人躲在組屋裡面,擁有私人物業的人絕對可以承受得起,所以,倘若樓價下跌三成,星港兩地有不同結局,大家不得不小心。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. macau 2015-08-10 08:50:09
how much adjustment in macau. it also suffer from worsening economic
2. Desmond 2015-08-10 09:26:15
澳門由去年中至今年首季(約3季),樓價持續下滑,跌幅累計約有3成
3. yy 2015-08-10 09:35:18
據目前市况,商舖價下跌三成機會較大,要住宅價下跌首要是失業率上升,工資下跌,現在三百萬的開放式單位四百萬的一房單位,還是出幾多賣幾多,不愁銷路呢。
4. 屋村師爺陳 2015-08-10 10:22:55
其實我覺得呢!香港人大把錢,可以承受的不只三成,因為工資比起10年前升左300%有多。

至於剛上車的,因由為結婚、為生兒育女、為校網,就算樓價跌5成佢哋都唔會咁易賣。

另觀星洲狀況,組屋與香港嘅公務員合作社類同,惟一唔同最終不屬自己之分,但習慣有廉價大屋住嘅人,好少居安思危,既無儲蓄嘅習慣,所以星洲樓任佢點跌都好,啲人同港人剛上車果班一樣,「由佢跌,賣咗買唔返,住慣嘅地方唔想搬」
5. 待買樓 2015-08-10 10:56:25
"工資比起10年前升左300%有多。"
十年前大學畢業生一萬多起,現在有三萬多起薪?我打工咗十年,都係二萬頭,看來我已被淘汰了。好快被公屋的最低入息追到。
6. 我反而覺得奇怪? 2015-08-10 11:10:56
新加坡政府無能無黃屍,而香港魅力沒法擋,我們人民要珍惜香港這粒世界之珠!
7. 引刀一快 2015-08-10 11:36:15
因為工資比起10年前升左300%有多。”

樓上兄台,咩工種咁把砲,四倍人工?
8. 西門吹雪 2015-08-10 11:38:03

回4樓屋村師爺陳

如果一層自住,現金流又足夠,當然可以由佢跌,反正樓市二卅年後都係會升。可是博士指出今時今日買樓既好多都係實力不足,未必承受到你所講3-5成跌幅。提醒佢地要小心。

呢度好多人都係有357個物業收租,佢地實力雄厚,小小風吹草動,最多賺小D,亦未至於損手。可是,如果兩口子花了一生積蓄,緊緊夠比手期供樓,呢個時候入市的確有風險。

9. Johnny 2015-08-10 11:48:16
博士自己都識講,新加坡公民可以買祖屋,所以私樓唔系必需品。
但香港呢只要你家庭收入過萬一蚊(而家兩公婆都有野做變會唔超)就無得排公屋,樓唔止系必需品仲系遠遠求大於供既旬野投資商品。香港樓市以後會唔會好似新加坡甘跌法,呵呵你話呢?
10. to 7樓引刀 2015-08-10 12:59:05
昨日毒果上曬報紙,按數據顯示確實10年前10000人工的今日好多都穩30000幾,仲要統計數據都係,身邊朋友全部都係,果時租金5000,依家14000,仲落後人工升幅
11. to 5樓待買樓兄 2015-08-10 13:02:10
你確實已被淘汰,好似你個名咁,改得非常好
永遠待買樓
12. 引刀一快 2015-08-10 15:41:37
To 10樓 兄台

同一個人十幾年人工升幅三倍唔係奇,不過你計錯數呀。

1,呢個唔係香港平均薪金水平,祇係一部份人喺呢十年嘅薪金進展,就好似你個仔1歲到十歲,身高高咗三倍,但係50歲嘅人活到60歲,唔會又高咗三倍卦?

2,用回朔法推論,依傢10000蚊薪水嘅人,十年前係咪3300一個月先?

3,算你數據冇問題,真係個個都十年升三倍。樓市升三倍,同樓市同步升三倍果班人冇問題,但係依傢至出身嘅人呢?要等十年先升三倍喎,到時樓價已經升九倍(假設你理論冇錯),咪一樣買唔到?
13. 待買樓 2015-08-10 15:43:01
能告知那一行有三倍升幅嗎?好想轉行,可以走出“永遠待買樓”的困局。
14. 引刀一快 2015-08-10 15:45:17
To 5樓待買樓兄

俾好友淘汰,好過俾負資産淘汰呀。
15. 到底跌唔跌呀? 2015-08-10 15:54:09
只有昇冇跌?冇可能
16. Desmond 2015-08-10 17:55:10
有些事情要變是可以很快的,例如去年我們還在說人民幣被低估及有上升空間,但今年已說沒有被低估及有下調壓力。
17. CD ROM 2015-08-10 18:45:31
我覺得要攪清楚, 樓價跌3成, 係怕call loan????  怕斷供???

如是後者, 後生仔借盡3.6M, 30年應該現供都唔到15k, 2口子應該點死都死到返來啦. 唔好忘記佢地仲有家人呢個後盾~~~~~ 
18. 屋村師爺陳 2015-08-11 08:31:11
回Simon1,所言亦有理。

湯生一向用心良苦

緊緊夠比「手」期供❌;緊緊夠比「首」期供✅


19. 好多事 2015-08-11 12:25:22
新聞報導話有多名消防處退休人員,還未分配到公屋單位下,被指佔用宿舍遭迫遷而提出司法覆核。
聽到報導心裡不是味兒,退休仲要為有瓦遮頭而傷神,多年公務員生涯比上不足比下有餘,薪足糧準嘅專業人仕,當打時只要你肯,政府就畀埋免息貸款買樓,未退休已供滿。
點解有能力有機會嘅時候啲人唔把握,情願讓歲月無情流逝,都要去等去揾認為最大嘅利益,到頭來流離失所。之所以要有自置居所,係對家人的一份關懷愛護。
以上話題並非針對個别人士,而係有此心態都合用。
20. 我是沈默港青,不是廢青。 2015-08-12 12:19:19
香港的GDP自從十多年前就年年下跌。生産力由占全中國的25%跌到今天的2%。今天香港對中國的重要性可謂可有可冇。二十年前,香港大學生人數小却被認為人才鼎盛。今天香港却是人才短缺,要到處輸入人才。年青人還不識去努力,反而要破壞。香港工資又點可以反過來大升?看看內地今天的年青人和學生的學習態度就知點解內地人的工資可以升到追近香港了。