地產博客 > 文亮言 返回
瀏覽人次:17152    回應:19
文亮言
訂金太少會做成樓價飆升
 
湯文亮博士
紀惠集團行政總裁
2019年6月13日

  不時有人問我,香港樓價點解會升得咁厲害,連政府的辣招都壓唔住,我的答案很多人不會相信,但其實是真的,就是地產商的高成數按揭,如果政府禁止地產商或者財務公司提供高成數按揭,樓價想升都難,不過政府是絕對不會這樣做,否則就會被人話干預自由市場運作,不過,大家可能沒有想到,即使訂金太少,亦可能會做成樓價飆升。

  大約一個月前,有學者話新樓5%訂金太高,如果買樓的人發覺計唔掂數要撻訂,損失會很慘重,收1%訂金就差唔多,我話千祈唔好,現在樓價已經節節上升,如果地產商只收1%訂金,買樓的人顧慮減少,大不了損失1%訂金,樓價會更加飆升,尤其是用招標方法賣樓,所以,臨時訂金5%,大訂10%是最基本的要求,絕對不能下降,這是一個很小的議題,根本沒有市民關注,事情就不了了之。

  最近逃犯條例搞到香港亂晒籠,睇情況政府是不會撤回,有國內地產商在不久前以高價投得啟德地皮,亦以社會矛盾,經濟不穩為理由宣佈放棄訂金,損失2,500萬,很多人都會認為2,500萬訂金是很多,但相比地皮的價值111億來說,只是0.23%,在這風頭火勢,撻訂亦是正常,但對香港踩多腳就似乎不應該,如果訂金是5%或者是5億元,高銀金融是否會撻訂,相信將會是一個疑問,如果唔撻訂,當然不會說社會矛盾,經濟不穩。

  當大家知道高銀金融撻訂之後,很多人問我,點解一幅超過百億地皮,政府可以收咁少訂金,這點我也不知道,一般人都以為政府最少會收5%訂金,如果不是因為撻訂,我相信是沒有人知道政府可以收咁少訂金,因為按照一般情況來說,政府是不會收咁少訂金,今次或者是特別安排,如果這是政府的正常慣例,當日海航買啟德地皮時就應該撻訂,4幅地加加埋埋亦只不過是付了訂金一億元,撻訂好過日後咁辛苦融資。

  由於政府收咁少訂金,高銀金融夠膽高價投地,萬一遇上一些不可抗力事件,或者融資有困難,就算撻訂損失也很輕微,0.23%訂金,聽都未聽過。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十郎 2019-06-13 11:32:28


      估佢唔島。

2. 十一哥 2019-06-13 12:12:49
肥彭條女前車…不單止冇後鑑、而家仲衰多幾錢重、大錢袋揾個…就攞幾十球玩串個派地、咁計…呢度大把網友夠斤兩去玩百億大刁、20零球…過下癮又出哂名…除笨有精。

3. 十一哥 2019-06-13 12:26:28
史東~十X~好深喇、毒納菲揸董~好少搭手公司實務大刁…何况提出撻訂、咦 ! 有玩味 !
4. 十一哥 2019-06-13 14:40:16
睇淡嘅大錢袋…自己唔想搏、但又唔想靚位比人執雞、整間一蚊公司…輸多少part就可以洗過牌等第二鋪。


5. 鳥5 2019-06-13 14:45:35
十哥,港元D息又開始緊張,今年有條件追加拉近美息。。。上年年坐下預判
6. 鳥5 2019-06-13 14:47:17
屋漏兼逢夜雨, 兩兄弟, 唔知幾時重逢..
7. 真真薯片 2019-06-13 15:41:56
0.23%訂金搞地產項目真係講都冇人信,最好搞人查返以往正苦既招標文件係點寫,當中可能大有文章
8. 當中可能大有文章 2019-06-13 15:44:26
邊有文章,唔通話呃左堅叔上車咩?
9. 十郎 2019-06-13 15:47:48


      佢地唔記得左美國加息冇跟 , 一聽見減息就笑到跌落地。美國減香港都可以加㗎。

10. 美國減香港都可以加㗎 2019-06-13 17:00:45
十哥,哩個問題其實早前討論過,連金管都話仲有一萬億外匯基金票據,咁搬走千零億美金要幾耐又可以如何搬就係下一個問題。
11. 十郎 2019-06-13 18:12:00


      10樓------我可能是諗多左。我嘅理解係(即係唔肯定), 1萬億的主人並非香港人 , 如果要走就一個電話時間夠晒。另外銀行要用到呢d錢 , 要比利息的 , 銀行係剃刀門楣 , 出又刮 , 入又刮 , 駛唔駛加息 ?中美戰爭利率同滙率都係武器 , 美國係政治白痴 , 經濟博士 ,從過往經驗睇 , 我諗佢嘅切入點係呢兩點。推倒內地及本地樓市 , 比較容易及收效大。三十年前已經有宋洪兵的貨幣戰爭 , 一早等佢喇。

12. 鳥5 2019-06-13 19:23:24
十哥,你有料到,一萬億係美國佬08年拎過嚟。。。 不過唔會全新嘅有啲係實際用途
13. 鳥5 2019-06-13 20:07:25
十哥, 貨幣戰有見地 係有機會發生不過應該係出年嘅事 暫時US$都仲係好強, 喺死之 前後, 有機會玩。。 達美國佬仲有一副牌 佢係完全黃金儲備最大國家 未知會點...
14. 鳥5 2019-06-13 20:11:22
香港地產個雞棚,頂5到2年。。。
15. 鳥5 2019-06-13 20:13:04
如果以大陸樓呢幾年嘅波幅, 香港人頂唔順... 如果未上車 最後召集...千祈唔好上
16. 如果要走就一個電話時間夠晒 2019-06-14 01:16:33
十哥,那麼財閥為何還不打這個電話呢?
17. 十一哥 2019-06-14 08:38:35
十哥   海南老表實得哥就準到冇朋友、呢單衹不過係唔同版本、銀主揼迫力、十X哥功力深…梗要擺隻棋喺債仔屋企…名堂就係毒辣飛揸筒。
呢種波…冇咁上下評級家當、正牌銀號冇沾得、托水龍8厘起跳10厘過外好常見、跑道起樓要有~正經~回報起碼守10年、8厘息口利叠利(呢個債仔冇乜經常性~大~入息)計下都暈暈地、地契又唔淮賣散、如果過程中升唔夠~走唔甩、債主就要焗哽貴口磚頭。
18. 十郎 2019-06-14 09:50:18


      十一哥 , 8厘息 , 利叠利。十年就起個孖 , 唔好玩呀。做債主好過落手落腳自己做 , 借得過呀。

19. 債主就要焗哽貴口磚頭 2019-06-14 10:37:41
十一哥, 高仔一直都唔夠茄殊, 都不是今日的事, 獨董家在香港, 唔同老細可以走佬, 向+X度返黎果一百億要找好多條數, 仲有幾多淨呢? 為兔身陷港航翻版, 見勢色唔對梗要揮旗.