地產博客 > 文亮言 返回
瀏覽人次:20579    回應:4
文亮言

招標是不是賣樓最好方法

 

湯文亮博士

紀惠集團行政總裁
2019年4月15日

  近日招標搞到地產界滿成風雨,政府最後都要出招管制,我唔知道政府是有心抑或無意,在復活節賣樓黃金檔期才出手,將地產商的賣樓步伐打斷,復活節都唔知道用唔用招標賣樓,一般人可能唔知道,復活節其實是小陽春尾聲,如果復活節唔賣樓,五月六月被稱為五窮六絕,鬼佬都會話「Sell in May and walk away」,除非大幅降價,否則銷售情況不會太理想。

  有老友問我講,政府並不是有心整蠱地產商,為了監管新樓銷售,已經成立了一個新樓銷售監管局,專人監察地產商在推銷新樓時有沒有違規,可惜用人不當,銷監局專員是從食環署調過來,以管理小販手法來管地產商,根本九唔搭八,所以,就算政府內部認為今次是銷監局失職,但我不會同意,我認為是負責政府人事任命的部門失職,搵管理小販的人管地產商,能夠做好成績都冇人信。

  如果大家認為招標是賣新樓的最好方法,其實是錯到不得了,因為每一次招標所得到的價,都是反映是最高價,如果樓市沒有變化,招標價只會愈來愈低,所以地產商唔想公開真實樓價,甚至會愈賣愈貴,不過回贈就會愈來愈多,誰不知政府棒打鴛鴦,我相信如果地產商公開過去幾個月招標賣樓的折實價之後,就會發覺樓價太過參差,樓下隨時會貴過樓上20%,一定會出現很多訴訟,我都唔知道點樣收科,其實,在地產界這並不是什麼秘密,不過一般評論員都唔會講,就算自認講真心話的評論員都唔會講出真相。

  今次除了買新樓的人是受害者之外,不少買二手樓的人,亦因為睇到每一次新樓盤招標出售,售價愈來愈高而買樓,他們可能是最大受害者,因此他們不可能要求地產商賠償亦不可能取消交易,如果他們睇清楚新樓價,可能比所買了的二手樓低了一截,想唔暈都唔得。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 真真薯片 2019-04-15 10:14:38
招標賣樓,賣得慢而價錢高,地霸鍾情招標,代表地霸要價唔要量,慢慢賣,最緊要賣得貴

即係話,地霸根本唔怕空置稅,繼續囤貨,不過以前囤四成,將來囤兩成,兩成貨尾既5%,即係總成本加1%,加返落樓價度就得
2. 自我陶醉 2019-04-15 10:25:08
其實招標同回贈都唔係咩新鮮事,按政府現時嘅法規,根本講唔出點解豪宅可以招標,非豪宅唔得,要阻唯有靠修例,稻高一尺,魔高一丈,漏洞多籮籮,有啲係有心,有啲係無意,改完亦會再有新招。


*****
自我陶醉
2015-12-10 08:53

回贈其實即係變相減價,唯一只係令攞到回贈嘅客,表面上攞咗着數,而且,同區投資者感覺唔到跌價,仲有着數攞,才會考慮繼續入貨,這是溫水煮蛙,贈下多啲,增下多啲,心裡暢快。
3. 真真薯片 2019-04-15 10:31:50
自醉兄講得冇錯,除非定義到乜野係豪宅,但係定義一出,可能地霸全部地起晒豪宅,仲大鑊

跟住隔幾年發現唔惦,賣地條款又會寫明幾多%唔可以起豪宅。。咁玩落去,先唔理最後會演變成點,但係拖時間期間,地霸淨係收租同升值已經贏晒,由貪憎到依家,已經拖左7,8年,正苦就黎呃足人十年,人生有幾多個十年比正苦呃?
5. 引刀一快 2019-04-16 08:12:58
以管理小販手法來管地產商,根本九唔搭八

不一定,如果大陸揾城管做中紀委,仲有邊個夠膽貪污?