地產博客 > 文亮言 返回
瀏覽人次:21698    回應:14
文亮言

不能睇少國家救市威力

 

湯文亮博士

紀惠集團行政總裁
2018年10月23日

  上星期五股市在收市前拗腰反彈,唔需要聽任何小道消息都知道國家救市,我不明白香港的股市評論員,居然莫視國家救市的威力,紛紛撰文莫講話國家無能力救市,就算有能力,效果都會很輕微,甚至只會是股票投資者走貨的機會,於是我又發揮做第十個人本色,認為千祈唔好睇少國家救市威力,我來不及撰文反駁,唯有身體力行,買股票以支持國家救市,買什麼,當然是港交所,點解要買港交所,因為國家救市,成交量一定會大增,港交所是最先的受惠者。

  星期一上午恒指大升超過600點,不少人認為是國家以全力救市的威力,我又不同意,因為以國家實力,怎樣也不可以和市場對抗,國家只可以等到股市在最低迷時宣布救市才有顯著效果,除此之外,亦可以證明有很多人根本口是心非,公開叫大家減持,但很可能他們暗中吸納,如果沒有那些人買股票,恒指很難在一個上午就升了超過600點,大家千祈唔好唔忘記,昨日應該是股市風雨飄搖的日子。

  但又不能怪那些叫人出貨的評論員,因為在過往,當國家隊出動,反而是持股人士走資的好時機,這些事亦發生過不知多少次,甚至連國家救市,都會成為股市下跌的藉口,我相信今次股市大升,最大原因是因為有很多在較早前沽空股票的人急於要補倉,否則,升勢是不會如此凌厲,在今次以後,我相信如果有官員表示救市,投資者都會嚴陣以待,不會認為是股市下跌的藉口。

  其實,大家千祈不要忘記一件事,就是股市從高位下跌了一段時間,跌幅亦接近三成,不但沒有收歛跡象,而且愈跌愈深,如果國家任由股市下跌,不少正常投資股票的人都會損失慘重,老實說,國家可能只是出口術,還未有實際行動,但投資者已經自動醒覺,與國家對抗,即是與自己的荷包過唔去,投資者是聰明人,他們知道怎樣做,所以在評論員一致唱淡之下,股市仍然大升。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2018-10-23 09:46:51
阿爺係力大冇窮嘅~超~超級大戶、睇住夠低先食、食飽谷高就派、呢點就係~捧拆拆~嘅精義所在、比大鱷表演…阿爺不如自己擔綱…食鱷魚肉。

2. 資本帳唔開放 2018-10-23 10:05:50
阿爺大條道理向下炒, 再發新公仔紙, 舊公仔紙已經藉特洛伊流向世界, 取代帝幣之日近矣。
5. 十一哥 2018-10-23 11:53:48
跟到拍子就行雲流水、亂咗拍子就落花流水。

6. 亞Q 2018-10-23 11:54:46
對抗瘋老頭貿易戰狂加關稅 , 壓低人民幣是一個方法 , 放任股市下跌人民幣自然跟隨下跌 , 不過咁做又會招惹花旗佬話你係匯率操縱國家 , 所以久不久都要出吓口術托市 , 正常不過 ! 因此股票後市都係抽上抽落居多 , 食多少波幅算喇 .
7. MC 2018-10-23 13:20:53
恆指今日又跌噃500-600 點, 已經打回原形,所謂國家救市都係無鬼用!除非貿易戰有轉機或美國聯儲局停止加息, 相信港股會継續尋底。
8. 鳥5 2018-10-23 15:16:28
如果跟15年跌一萬救市至見底,约需時十個月左右(即1日26日十1O個月约為下個月至12月中Landing)坐下都係覺得年尾22500左右Landing)熊2定熊3則有待觀察。。曾氏 通道底IO月尾為20000
9. 十郎 2018-10-23 15:40:50


      國家隊救市 ?

      我老友馮仁坤話 , 國家隊買得晒全國股票咩 ? 股票跌夠就會停架喇。琴日搶貨果班人 , 幫大戶換位 , 辦晒蟹。給人happy 多一日都比 , 冇義氣。


10. 真真薯片 2018-10-23 16:04:46
通車日大跌,令人諗起亞投行,通車前既急升,似係阿爺有所準備,預左有人伏擊
11. 十郎 2018-10-23 16:23:29


      財哥有平樓收喇。

12. 特印舖 2018-10-23 16:32:21
無他, 護盤完畢, 特印舖又開動
13. 十一哥 2018-10-23 19:31:01
唔好聽得多就真係以為國家隊會護盤、冇護盤呢樣嘢㗎、獲利先係目標、睇住個市嚟開~莊閒、國家隊任務係食鱷魚肉、唔係做水魚、要向阿爺交數㗎。

14. 自我陶醉 2018-10-23 19:40:30
倘若貿易戰持續升溫,守得住兩萬已經要還神,哈哈哈! 

美股大冧令特朗普軟化也許會是唯一轉機。
15. 十郎 2018-10-23 20:55:28


      我驚侵侵實行靠害性加息 , 多過佢會正常化。

17. LC1 2018-10-24 00:42:15
今日就跌足 800 點,唔係話中國唔西利,最重要既係,有無野勁得過中國既政治層,即係你會覺得中國好勁,但係其實佢話事既人,就唔只一個,而且係長期由二爭一,跟據人性既特點,大婆又爭二奶,二奶又爭大婆噤計,中國E幾十年,係無可能有政府介入就成功,這個局面,問題係一向中國如果有供同敵人都可以槍口一致這個局,到現含還能不能成為中國統一口徑的理由? 今天就是一個比較反映現實的一天。