地產博客 > 文亮言 返回
瀏覽人次:23838    回應:10
文亮言

加息好似飲啤酒

 

湯文亮博士

紀惠集團行政總裁
2018年4月18日

  有經濟學家話我並不了解加息,並且認為香港今年最多只會加一次息,希望能夠到我公司詳加解釋,其實,有什麼好解釋,各人有各人觀點,經濟學家要說服的是一般打算買樓的人,至於今年加息的機率,我認為加一次或者加五次或以上機會是均等,是微乎其微,加兩次或者四次的機率亦是均等,是有可能會發生,至於加三次的機會就最大,但如果問我有什麼理由,我又真的是說不出來,不過,我肯定開始加息之後,香港加息的次數比美國頻密,即使美國不加息,香港亦會加息。

  我知道經濟學家不會相信沒有數據的理論,於是我用實際行動來表達我的意見,約了經濟學家在放工後與幾位朋友一齊飲啤酒,經濟學家天文文,地文文講他對於香港不會加息的理由,不外乎是存款太多,雖然這幾日港元兌美元到達弱方保證,金管局接了百多億元,但這只是暫時性,他見到我毫無反撃能力,於是不停地講,又不停地飲,一杯又一杯啤酒到肚,其實,經濟學家不知道我正在應用投資者的策略,等,究竟等什麼,等他去廁所。

  經濟學家去完廁所回來,就輪到我講,加息就好似飲啤酒,最初的兩三杯是不用去廁所,但開始之後,繼續飲當然要繼續去,但即使唔再飲,都一樣要去廁所,當1,800億港元存款走了大約1,000億之後,香港銀行就要加息,自此之後,美國加息香港一定要跟隨,就算美國沒有加息,香港亦要繼續加,否則存款有可能繼續離開,情況就好似飲啤酒一樣,經濟學家沒有話我講錯,不過不懂得用數據來證實自己所說的理論,只懂得用屎屎尿尿來作比喻,太沒有文化,經濟學家有所不知,這其實是表達的最高境界,辛棄疾話,眾裡尋他千百度,覓然回首,那人郤在燈火闌珊處,這並不是屎屎尿尿,這是複雜簡單化。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
3. 飲杯 2018-04-18 10:26:11
美國加息 = 飲啤酒,香港加息 = 去廁所,妙哉
4. 鳥5 2018-04-18 12:28:36
收債還未計人,D果对企業融資影向還大, 回向年尾提速。。。至於香港財長同相关人。。。唉!影向美元流向,香港向美元排老幾?,今明2年全球 博弈, 陳財長 自己份預算案自己份預算案都估到離題, 佢中嘅資係估中.....
6. 無言 2018-04-18 17:01:26
現在疴一次尿,個後市會安全小小!否則,百忍成虧!
7. 中環人一個 2018-04-18 17:03:05
博士用飲啤酒比喻,易明又實用,好!
8. CD ROM 2018-04-18 17:46:14
好妙既比喻~~~
9. 真真薯片 2018-04-18 20:44:12
我認為港銀加息,美元指數急升,港服暴跌,三件事會一齊發生,三鬼拍門下,港樓乾跌兩三成絕不為奇

但係呢件事發生前,林鄭由個市係咁升,如果升到185,跌3成就係129,即係同2016年低潮差唔多,做個雙底再升,都唔奇,不過正苦長期堅持低供應,跌完死晒浸低防守力業主,貨又轉入強者手,之後只會升得更勁

至於呢一刻山雨欲來咁款,除左居屋,其他樓都唔洗考慮,不過正苦推居屋計劃非常完善,4400個居屋,2900個預留比重建戶,然後一半比綠表,冇殼靠自己死儲首期既白表本土家庭,可以比心機慢慢抽
10. LC1 2018-04-18 22:47:42
加息樓市升定跌,日本樓市有多少啓示,香港跟加息,是否會跌,應該睇香港經濟基楚,樓上話跌 30% 到 129 ,其實都係香港人GPD 由 10 年升到現在既升覆,即係 樓如果係 129 的話,基本上唔會脫左香港人買樓既能力,假設 CCL 會上 200 點,先跌 30%,噤後市還是一片光明,所以個市唔係 240 、260 跌落黎而係 210、220,我覺得都重係相對安存。因為環看世界,唔係只有中國同香港係噤貴。要大爆同長爆,我諗應該無乜可能。
11. LC1 2018-04-18 22:57:34
果日同個frd 傾開,中國GPD 同美國差唔多,是否有排追,其實只要中國中產同富豪人口超過美國,噤其實己經可以講係超過左美國,因為中國人口比美國人口唔係講緊一倍同兩倍,而係四倍同五倍,假設以前其他國家都以美國為消費大市場,以現中國gdp 黎計,中國中端同高端市場就己經超過左美國,同樣,深圳廣洲既gdp 己同香港平頭,而且勢必再向前,而落黎香港買樓既人,其實其人數己經多過香港可以買樓既人,你唔洗除開平均GDP,因為從來買樓既就係中產以上,E 個係香港唔能夠跌既原因,因為香港係中國向外投資既第一站,而中國己經有房限,如果要為港最壞打算設限為 CCL 120 ,噤上限又有無人真正可以估計到國內增長同富豪數目呢? 
13. 引刀一快 2018-04-19 22:37:18
一直琢磨湯先生嘅弦外之音 。

啤酒去濕利尿!分分鐘屙凸。
14. AU 2018-04-20 08:53:31
啤酒既有泡沫,使人興奮微醉又利尿,博士生鬼佳作也。