地產博客 > 文亮言 返回
瀏覽人次:41720    回應:19
文亮言

三年後才買樓

 

湯文亮博士

紀惠集團行政總裁
2018年3月30日

  今早收到一個短訊,有一對年輕夫婦話我替他們解決了一個難,原來他們打算買一個二千萬的住宅單位,亦合資格在銀行借錢,但覺得樓價太貴,前日睇到我在明報的文章話匯豐三年內可升至150元,於是將準備買樓的首期連連花稅大約1,200萬,全部買哂匯豐,不但昨日已經做妥,並且與業主續了三年租約,收取匯豐的股息已經夠租金,在未來三年又不用供樓,他們將會相當輕鬆,兩公婆昨晚睡得很甜,所以發短訊多謝我。

  其實是他們自己識諗,在三年以後,無論政府有沒有推出新樓空置稅,只要保持供應量,地產商一定會賣樓,樓價就算上升,升幅亦會有限,如果樓價繼續上升,二手樓成交量就會繼續減少,物業代理見到勢色不對,就會轉為唱淡樓市,其實已經開始了,有物業大代理話現在是收割期,不是播種期,亦有大代理話現在買樓的人要有準備,樓價隨時會下跌一成,至於加息,三年後最少比現在多2%,這是業主的煩惱,不是租客的煩惱,就算匯豐股價沒有上升,只要樓價沒有上升超過一成,就只是打成平手,因為三年租金可以彌補樓價升幅,寫到這裡,菲傭話有人送來一個大果籃,食完再寫。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 真真薯片 2018-03-30 11:54:48
首期既股息夠交租有兩個前題

1/ 只限大單位, 因為首期成數高, 舊錢夠大所以收既股息多, 如果係600萬以下得兩成120萬首期, 連稅140萬每年收4-5厘即係得5-7萬息, 就遠遠交唔到每年廿幾萬租

2/ 都係只限大單位因為大單位呎租較低, 租平過供先可以咁玩

簡單講, 呢招只限上等人用, 普通人請入飛抽居屋, 抽唔中就繼續搶私樓, 或者等美元大反彈先再睇位入市
2. 真真薯片 2018-03-30 12:07:02
大家估下3年後海旋賣剩幾多單位同招標成交價係幾多?

在下一直預言2, 3年後香港到處都係浪澄灣, 今日似乎已成定局, 空置稅? 呢個正苦已經呃左我地8年, 仲有人信?
4. Luguo 2018-03-30 13:12:29
如果楼价跌,汇丰股价也跌,可能幅度更大。
6. 十一哥 2018-03-30 14:50:42
老湯~果籃嘥銀、請食早餐得嘞。

真哥   好嘢嘔下仲值錢、千祈唔好出高價…費事唔知點佢絶你。
空置稅點拆招  ?  易啦!我開乜價你都肯買…味益你囉、你比唔起唔通送比你咩、咁樣正苦點丫卵池我空置呢?

7. 向泛民说不 2018-03-30 16:57:01
2楼,加拿大都有空置税,但是楼价一样升。
唯一是大量填海,提高供应。填海是增加存量,就是要发展棕地,也要填海,这样发展商在棕地补地价下妥协。那些环保团体根本就是代表大发展商利益。
唔好为反而反。你好朋友浪子已经觉醒啦。
8. 三年後的结局 2018-03-30 18:38:06
三年後,𣿬豐股價跌了四成,而樓價比現時又再貴了四成(每年升12%),這對年青夫妻輸剩的錢只能買一間上環劏房。

2015,2012,2009, 2006,2003,三年又三年,每一次三年前大家都話三年後才買樓。結果......😭😭😭
9. 購買力 2018-03-30 19:18:40
排山倒海的購買力的形成,就是因為一大批有力上車的人士,長期都觀望及等待樓價大跌。他們等同買了Put 輪,結果輸了時間值耗損(不斷交貴租),而且被夾了淡倉,部分人最終認輸要用更高的價錢去平倉,又搞到樓價更上一層樓。

如果沽空贏硬,世上沒有窮人。
10. 自我陶醉 2018-03-31 00:01:45
其實呢度好多盲好只係識買樓,連股票投資係咩都唔知,淨係知自己買親都輸。哈哈哈! 

仲有一班地代日日同你洗腦,講嚟講去都係話唔買樓冇發達,要瞓街。 

如果全副身家只買一隻股,風險實在太多,唔值得試。早幾日有篇文章好適合唔識股票,又有興趣學嘅人,懂得運用的話,你用供30年樓嘅息投資股票,30年後閒閒地都夠錢買幾層。 有興趣可以自己參詳一下。

https://www.marketwatch.com/story/save-1000-a-year-retire-with-millions-2018-03-26

天助自助者,唔洗日日望政府打救嘅,老實講一個連立法會都搞唔掂嘅政府,廿年來都原地踏步,你仲可以指望佢幫你做啲咩?

11. 回自己陶醉 2018-03-31 01:59:39
從1967年暴亂計起,過去五十年香港的確有好多樓市盲好是靠買樓,買鋪,買工廈,買車位發達。所以香港人叫樓叫做磚頭,而股票就叫做牆紙。股市專收叻人,最怕你唔認叻!

香港是地產港,揸磚頭會發達是常識。香港男仔冇樓揸手,去未來外母家連都冇得入。


12. 最怕冇人唱淡 2018-03-31 02:03:26
樓價又破頂。最怕冇專家唱淡,越多專家唱淡越多人入市搶樓。

專家唱淡,已經成為升市前奏。


13. 發達方程式 2018-03-31 09:53:36
「長情業主升值不輸比超人」

人人樂道,長實七二年上市持貨至今,計計埋埋股息收入等,賺足五千倍,不過,持有物業亦犀利,有九龍塘業主持貨四十九年,即七三年入市,亦錄得物業升值千二倍,仲未計折算市值租金收入,可見持物業有如持有好股,真係發財方程式也。

《中產報》講,九龍塘牛津道屋地5.6億沽。豪宅交投活躍,九龍塘牛津道屋地,剛以5.6億元售出,該物業具重建價值,樓面呎價逾29155元,原業主為長情業主,持貨接近半世紀,物業升值1190倍。
市場指,牛津道9號獨立屋,佔地10671方呎,該物業樓齡49年,地積比1.8倍,可重建樓面19208方呎,平均樓面呎價29155元。市場消息指,新買家為港商,於內地擁有生意,今番購入物業,不排除重建自用。上址原業主為朱氏老牌家族,於1973年購入物業,持貨45年,帳面獲利5.5950億元,物業升值1190倍
14. 呵呵 2018-03-31 10:04:26
又係講故事時間。

話說旺角街市有個賣菜婆盲字都唔識多個,在街市揾到錢就只識買樓,其他完全唔掂因為佢唔識,其實佢都經歷過73年魚翅橯飯的年代但佢當時冇陪人癲,剩到錢就買樓。

佢個靚太客就有位公子喺銀行做,在當時係幾威的階層,靚太成日同賣菜婆講佢投資賺好多,重教賣菜婆賣埋層樓去跟佢投資,賣菜婆話自己唔熟唔做冇理靚太,後尾幾年後靚太冇去買菜可能搬離旺角了,賣菜婆有日去對面海茶餐廳食野去厠所,經過後欄看到洗碗女工好面善,睇真下原來係當年靚太,賣菜婆當唔識冇叫佢,佢重話靚太可能係事頭婆請唔到人洗碗焗住自己做喎。
15. 輸九成 2018-03-31 11:58:24

大約收取4-5釐股息, 作整數計5釐. 預計3年後總收取 180萬股息 (股價差價3年後再計算)
以月租3萬計, 期間3年租金大約洗費1百08萬, 3年賺取 78萬元
即今天2000萬樓, 賭3年後不可升穿2078萬.   (4%升幅)。這對夫妻輸的機會好大。
16. 馬雲話 2018-03-31 13:44:01
馬雲在一個会議上話 ;沒見過一個靠炒股票发財的,一個都没有
18. 孟波 2018-03-31 17:25:04
好多人乜都唔識只識買樓。

問題係唔係每個人都有本事去買樓,有機會做樓蟹,樓奴。
19. 引刀一快 2018-04-01 03:48:55
To 11樓

咁你1967年有冇買呀?唔使講呢D事後孔明,如果我1984年睇中嘅大陸酒我有錢買,依家發過買樓多多聲,當年我的確係睇中,但係年少無“資”,當然冇得投資,咁今日會唔會買一大堆放住等升值呢?唔一定會喎,道理好簡單,就係此一時彼一時,買港樓好,不過似乎唔係今日。
21. 年輕夫婦 2018-10-15 12:11:33
謝謝指教
22. Desmond 2018-10-15 12:50:48
請問現家是否考慮止蝕?
23. 獅子吼 2018-10-25 08:13:05
致:各滙豐投資者
大家眾志成城,支持滙豐回到80元,各位加油呀!
滙豐係香港人的集體回憶,我們信心唔可以動搖,加油呀!
大家支持吓