地產博客 > 文亮言 返回
瀏覽人次:26488    回應:8
文亮言

點解有四成千萬富翁不睇好樓市

 

湯文亮博士

紀惠集團行政總裁
2018年3月25日

  明報陸振球兄出了一個post 話,雖然香港千萬富翁上升15%,達到68,000人,但當中有四成並不睇好樓市,而最諷刺的是,香港千萬的財富大多數從物業升值得來,很多人不明白這個道理,如果閣下是賭徒,就會知道箇中道理,贏了大錢的賭徒,注碼多數是細細注,甚至會認為莊家太旺,索性唔賭,懂得保持勝利果實就是最佳賭徒,那些以往不敢下注的,見到其他人贏了錢心熊而下注,同時會嘲笑那些贏了錢而離開的賭徒,認為他們膽小,唔夠膽乘勝追撃,老實說,我現在亦有這個情況,經常被人笑我膽小,唔夠膽買樓,其實,現在才瞓身買樓才是膽小,他們見到物業升值,其他人贏了大錢才加強他們買樓的信心,而最奇怪的是,當他們有信心的時候,樓市就會轉勢,賭場也是一樣,當那些以往持不定賭徒,當他們肯定莊家勢弱而下注,往往那個時候就是臨界點,莊家形勢就會轉強,殺那些把持不定,一向不肯下注的人來一個人仰馬翻。

  現在有樓的人睇淡樓市,並不是代表他們要賣樓,只是他們減少投資物業,反過來說,現在睇好樓市的人,在以往根本有很多機會買樓,但都被他們自己用各種不同的理由否定,現在他們買樓,其實是沒有信心表現,只不過是見到其他人賺錢而加強他們買樓的信心,所以,有四成從投資物業而成為千萬富翁的人不睇好樓市是極之正常,信不信由你,如果樓價下跌一半,那四成人當中,大部分會轉而睇好樓市,反之現在睇好樓市的人到那時候會轉而睇淡樓市,睇好睇淡其實是不重要,睇結果才最重要,現在入市,隨時千萬富翁都會被搣柴。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 巴 2018-03-25 06:51:50
依家買樓都要五成首期。拿腳投票。反而這些訪問都係問卷,唔通真係會移民,我又唔信。
2. 行政干預 2018-03-25 10:06:55
試下立即撤銷所有辣招,睇下班千萬富翁買不買樓。
3. 十一哥 2018-03-25 10:23:27
香港千萬草根點衹6萬8…20萬8就差唔多、有水又生到水嘅唔會走、想走嘅係肯賣樓就有過千萬、唔賣就得個住、賣就營生謀利冇能力、留係香港唔襟搣、移民生活維皮低…千萬輕鬆有排搣。


4. 笑話 2018-03-25 11:17:25
今天在香港只有一千萬身家好心就不要叫富翁。
5. 樓上正確 2018-03-25 11:39:42
千萬?連中產都不如
6. Humble 2018-03-25 11:44:12
千萬,只能買西區納米劏房盤,屬貧窮線以下
7. 十郎 2018-03-25 11:49:20


      新木屋區
      
      我叫燙房戶做新木屋區 , 港英己經剷除晒所有寮屋共山邊木屋 , 誰不知特區又使木屋復活 ,  唉 ! 悲哀。香港盈餘1700億 , 連大連細 , 平均每位市民佔約25,000元 , 我都唔知怎樣解讀。


8. 十郎 2018-03-25 11:52:10


      十一哥中晒 , 今日有冇貼士 ?