地產博客 > 文亮言 返回
瀏覽人次:27444    回應:11
文亮言

樓市雖然瘋狂,但暫時未有危險

 

湯文亮博士

紀惠集團行政總裁
2017年5月28日

  荃灣海之戀萬人空巷,有人話樓市癲過97,亦有人話,這只不過是地產代理做勢,將入票申請的人集中在75分鐘之內報到,倘若每一位申請人都有三幾位親友陪同,加上物業代理,做成萬人空巷局面絕對不難,有記者問我樓市有冇危險,我話暫時未有,主要是因為地產商願意為買家提供八成半按揭,即是地產商都睇好樓盤,樓市睇落瘋狂,但沒有危險。

  有人話政府要遏止今次升市是很容易,只要收緊地產商八成半按揭,老實說,這的確是一個有效方法,但政府千祈唔好做,因為新樓銷售熾熱,代表供應量真正的釋放到市場,而且會有連鎖反應,有很多買新樓的人,即使他們採用八成半按揭,在財務上毌須賣走自住單位,但如果唔賣,就要付15%印花稅,換句話說,新樓提供二手樓供應量,政府點解要出招壓抑地產商賣樓,助他們一臂之力才是正確做法,所以,金管局收緊二手住宅按揭成數,買樓唔該買新樓。

  當新樓入伙,一定會有人被迫要賣他們的自住單位,屆時他們就會發覺,不容易賣到理想價錢,唔好講創新高價,甚至比市價低亦很難出售,但如果在六個月內唔將自住單位賣走,他們不能退回已付的15%印花稅,二手樓樓價亦會開始回落,這就是政府的目的,唔將樓市變得瘋狂,樓市是不會滅亡,但無論如何,只要地產商依然願意提供八成半按揭,樓市是沒有危險。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 瘋狂與滅亡 2017-05-27 23:59:34
究竟有幾多人用了二按買海之戀和天寰?
據說很多買家只用兩成首期入市,再借一按和二按。兩三年後真的能再升20%?如果不能,二按就會變成一把刀,到時真的一頸血!
2. 真真薯片 2017-05-28 00:28:27
大家都用仔女人頭買樓, 應該冇乜人需要退15%印花稅

不過用發展商高按計劃上會, 3年後如果轉唔到過銀行, 就會進入超高息月供時段, 到時就真係考驗班業主既供款能力啦
4. Ben 仔 2017-05-28 10:06:17
根本無須理呢班買家他日點死,正所謂他日的源於今日的因,一切都是自取。
香港特區政府一手製造今日的樓市大龍鳯,有可能相信它都想見到他日的果。
嘻嘻!
5. 真真薯片 2017-05-28 12:37:47
海之戀話比市場知, 萬五蚊呢口價起碼有一千台買家會入市

不過睇個勢, 買海之戀既下場應該同當年一手買名城, 首都咁差唔多, 要捱價一段時間
6. 十X 2017-05-28 14:11:04
誠哥每次賣樓都計得好盡,99%win盡市場,想在他的盤拿到著數的機會最多只有過1%!三年後,我相信不少今天玩二按的人,會哭著離場,最後更賣價低而拖累其他今天說自己有實力的業主!
7. 大淡友 2017-05-28 17:32:00
如果Trump要大搞基建,美国佬肯定好快要大印鈔,如果唔系錢從何来? 博士咁有信心美国一定可以狂加息?香港樓價跌硬?
8. 真真薯片 2017-05-28 21:16:35
博士講既“暫時”未有危險其實一定正確, 因為一定係港股/大陸樓跌先, 港樓先會跟住調整, 係股市同大陸樓未有調整之前, 基本上唔洗諗港樓會跌, 等股市跌一成後要討論港樓幾時跌都未遲
9. 十一哥 2017-05-28 23:16:28
呢個地球、危唔危險係睇實力嘅、贏就一定有人輸…輸亦一定有人贏咗去、物質不滅定律嘛!冇沙士邊有而家咁多平民富翁呢!

唔牙煙係X哥都係睇15%上落、有乜依郁先殺15%part當buffer、升呢 ?  望都望升啦!做生意㗎、咁多屋…自己住得哂咩?


10. 路人xx 2017-05-29 05:58:24
薯片兄,
股市比十年前跌了7千點,同一時間,樓價怎樣發展?
11. 引刀一快 2017-05-30 11:32:45
2006-2007一年樓價怎樣發展?1997-2003樓價又怎樣發展?買美股簡單還是買美樓簡單?有D人俾人話樓市塔利班就係咁解,强加於人嘅硬銷模式,又要用臨時化名。
12. 向飯民說不 2017-05-30 12:21:26
引用下to be or not to be,08年之後,全世界量寬,令乜都可以炒餐飽,今日彭博社報到3個恆大股東發大財。好像中國炒得好嚴重。其實鬼佬的比特幣不更嚴重嗎?可以炒到超過2000美金。一個unit 可以買2oz黃金。最近彭博社日日吹多倫多泡沫,比美國貴一倍。

根本這是世界性的泡沫。誰先爆,誰後爆,先爆好d,還是遲爆好d呢?

過去泡沫經濟的經驗,高位是很難估頂,現在的牛市是牛市3期的開始,還是頂部。誰知道呢?如果只是開始,資產價格很快就會double,如果頂部,資產價格可能突然腰斬。投資者要為自己負責,不要被黃C洗腦,乜都怨政府。