繁 / 简 / ENG
App下載
代理登入
主頁

搵樓/成交
搵樓
綠表居屋
一手新盤
買賣成交
租賃成交
臨時買賣合約
一手消耗表

業主放盤
放盤主頁
搵地產代理
刪除樓盤

宅谷按揭
博客
博客主頁
所有回應
地產論壇
註冊成為會員
新聞

數據公佈

置業手冊
置業流程
租樓 vs 買樓
一手 vs 二手
睇樓書
居屋百科
村屋
物業起底
化妝樓
凶宅
驗樓 DIY
即時估價
按揭計算機
英中詞彙
英文縮寫
置業避雷針
租屋指南針
相關網站
VR睇樓

關於我們
地產博客 > 文亮言 返回
瀏覽人次：28878    回應：16
文亮言

現在買樓的都是賭徒

 

湯文亮博士

紀惠集團行政總裁
2017年5月27日

　　昨日中原指數十四連升，長實賣樓又萬人空巷，我唔敢接電話，因為唔知道用什麼理由解釋，林一鳴話，現在買樓的人八成冇樓，我一半同意，但並不是四成人冇樓，而是他們雖然冇樓，但是他們的父母有樓，做父母的將物業加按給子女買樓已經成新常態，買了樓之後，今年的父親節就非常溫馨，明年就難講，母親節分分鐘會變成冇親節。

　　我認為現在買樓的都是賭徒，首先同地產商賭，三年後的樓價一定高過現在，他們可以將住宅單位從地產商的高成數按揭轉去銀行，如果樓價唔升，他們便有麻煩，可能連累父母親，因為，父母除了將物業加按之外，並且替兒女在新買的單位簽了私人擔保，樓價唔升是有麻煩，但仍然可以解決，最多將新買的單位賣走，但樓價下跌就大件事，因為父母已將住宅單位加按，如果按得太盡，銀行是有權追收差額，任志剛說的居安思危，就是這個意思。

　　除了同地產商賭之外，現在買樓的人仲同耶倫賭，認為耶倫只會在今明兩年加息，2019年就唔敢加，老實說，他們的確大膽，講到加息，耶倫都唔敢同自己賭。

　　還有同他們的老闆賭，三年之後不但不會炒他們，而且仲會升職加薪，其實，做老闆的有苦自己知，不少老闆因為銀行要求，買下了金額龐大的累積期權合約，已經輸到暈咗，國泰不會是唯一的受害者，被離職的600人，大部分都是做得嘢員工，因為大公司炒人，第一批大多數是做得嘢，三年後炒的就難講，並不是老闆想炒，而是被迫炒他們，但賭仔性格，千祈唔好勸他們，否則打架都會。

更多...
 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論；
  2. 禁止以名稱/暱稱/綽號/同音字等批評或映射任何人士、機構、公司；
  3. 禁止發佈有關招聘、推銷、廣告等內容；
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。
會員登入
登入ID 或 網名
密碼
註冊成為會員
忘記密碼
1. 向引刀‧土著‧自醉‧浪子‧阿井 說不 2017-05-27 09:21:33

財女手筆：雙非18歲＝樓價神話

經常聽到好多支持樓價嘅原因，包括香港有18萬公務員、港樓供不應求、通脹有升無跌等等，當中當然有盲撐，君不見幾多中產買唔到樓。近期聽到內地投資者講，香港樓價「上帝都推唔跌」，原因係雙非即將18歲！
舊年起，內地人買樓印花稅大幅提高至15%，只有無樓嘅香港人獲豁免雙重印花稅。內地人想買樓，Sorry，要畀樓價15%稅，不過，雙非B唔駛，18歲就可以借名額俾內地阿爹娘親一炮過買樓，唔少內地人相信港樓已經同內房一樣，只係會升空。

早幾年有報章分析過，香港過去25年出生數字，話同樓價走勢相關系數高達80%，不過香港有幾多細路仔出世，大家都知，出生率忽然大升機會好細，早前大部份係雙非B出世。自從2001年，終審法院對莊豐源案判決起，雙非不停湧現，去到2012年梁振英話雙非落閘，到2013年1月本港醫院開始停止接受雙非孕婦預約生仔，中間12年，大大話話一共有20.4萬雙非B。唔少內地人話，香港樓仲有得升，因為由明年起，雙非B將會踏入18歲，正式可以免稅買樓。
由2001年至2013年，有20萬雙非新力軍，即由2019年至2031年，每年夠18歲嘅雙非大約有萬幾人，可以用首置名額分批入市，對港樓影響力一定好大，為港樓升市再添一個神話。

依家有公屋，見auntie就算冇雞脾，都一定有雞翼食！有後生仔女一夠18歲就用盡方法排公屋，到今年成為上班族幾年，夠期結婚，又有單人公屋，可以用綠表買二手居屋，浸淫係大家嘅羨慕目光，以為完全係人生大贏家呀？點知，原來綠表只係一張「扑傻瓜」遊戲嘅入場券！

Christine 今年底同男朋友Roy拉埋天窗，諗住男朋友有公屋綠表，今生今世都應該唔駛再為層樓煩惱，買二手居屋實食無痴牙啦，住屋唔駛再擔心，實係開心快活人。

「傻豬豬，我哋去睇居屋啦，我阿爸阿媽話可以幫下手，我地目標港島400萬以內居屋啦好無？」Roy雄心壯志，諗住一定得，同女朋友Christine 一齊進入「扑傻瓜」遊戲......

第一間鰂魚涌4xx呎居屋，上年今日賣300萬，今日叫價350萬，都可以接受，Roy同Christine睇完覺得幾好，返屋企再計計計計，計到爆頭、計到爆血管，Ok，去馬，「傻豬豬，我哋不如買囉」，點知一say yes，業主話400萬，無4字頭唔賣。Ok，揀第二間。

第二間，筲箕灣差唔多大細居屋，綠表叫價380萬，無問題，樓齡新，買二手居屋仲可以做95按揭，「傻豬豬，我哋......」Roy嘢都未講完，經紀已經打電話嚟話：「440萬，業主話起碼430萬先好搵佢傾」。

第三間、第四間、第五間。。。「傻豬豬......」Roy同Christine已經陷入一個十八層輪迴大地獄，搵樓、睇樓、加價、唔到「傻瓜價」唔肯賣。

未補地價、綠表買二手居屋，每間開價貼近自由市場價，所有二手樓盤只係「裝飾放盤」。

上年如果有綠表，買二手居屋其實好有so，二手市場仍然百花齊放，今年業主唔急賣，既然政府已經整死咗二手市場，無晒供應一潭死水，咁咪綠表樓當白表樓賣，只要有「傻瓜」肯出價。

綠表資格，係變態樓市下，都變成雞肋，自動放棄精心得來嘅「優惠資格」，定買白表樓？

2. Landowner18com 2017-05-27 09:22:31
博士又想阻人發達，哈哈
4. 自我陶醉 2017-05-27 09:34:51
賭其實唔緊要，最重要係輸得起先賭，唔好輸埋條命。
5. 十郎 2017-05-27 09:50:43


      加按買多一層，即是賭孖展，不知收拾了幾多叻仔？網友話：亞媽教唔好借錢去賭錢。

6. Ben 仔 2017-05-27 10:33:12
哈哈!
博士應該恭喜呢班上咗亡命列車的樓奴!

7. 鳥5 2017-05-27 13:26:19
又真係好奇怪，(大炒人計)第一批炒係做到野war，人事部通常係最後部門，奇怪現像。。。???不過生還果D就要做大量工作，都係冇乜着數。。
9. 香港土著 2017-05-27 15:14:57
『賭仔性格，千祈唔好勸』

智者之言！！
10. 向引刀‧土著‧自醉‧浪子‧阿井 說不 2017-05-27 15:29:31
前幾年賣樓獲利變現，之後租樓等跌再回購的都是賭徒，睹仔性格，千祈唔好勸！
11. 升市莫估頂 2017-05-27 16:41:47
樓價明年一定跌？博士咁有信心？ 未來三年再升5成呢？
13. 路人xx 2017-05-27 18:28:42
看回應箱一面倒的負面情緒，似乎睇淡樓市的人也不少，如果人人睇好代表見頂，也許現在未進入這狀態⋯⋯
🐸
14. 真真薯片 2017-05-27 18:57:25
早幾年北上廣深急升一輪, 然後靜左幾年冇升, 供款開始難, 點知政府一野去庫存樓價升一倍, 又可以再加按供多幾年

幾年前香港新樓賣緊萬3, 4, 即係依家入伙果批都唔見有入伙變銀主, 不過依家萬五-兩萬幾買果d又會點呢? 真係睇多兩年先知

照正常估計, 港樓係唔會自己爆煲, 一定係美股/港股/大陸樓爆先, 香港先跟跌, 依家全部係高位, 大家可以睇定d
15. LYC 2017-05-27 21:24:07
現在情況是大部分專家（包括博士），報章都在驚嚇買家樓市就爆，將會大跌。事實係所有買家都超有錢，供款佔入息比率極低，根本冇賭徒入場。
可笑的是自醉和土土信以為真，因為他們根本想入場去賭都冇能力呢，根本不了解樓市現在情況！
16. 有錢不買樓而租樓住的就不是賭徒？ 2017-05-27 22:39:30
請博士賜教！
17. 現在Full Pay 買樓的又算不算是賭徒？ 2017-05-27 22:43:38
股市賺了錢，套股full pay 用阿仔名買樓，也是賭徒？
18. aa+ 2017-05-27 22:54:15

Hi, LYC,


Tell us more abobt the true  market la !!!!!! 

19. 瘋狂與滅亡 2017-05-27 23:52:05
究竟有幾多人用了二按買海之戀和天寰？
據說很多買家只用兩成首期入市，再借一按和二按。兩三年後真的能再升20%？如果不能，二按就會變成一把刀，到時真的一頸血！