地產博客 > 文亮言 返回
瀏覽人次:27128    回應:49
文亮言
小心息狼
 
湯文亮博士
紀惠集團行政總裁
2016年11月20日

  我本來認為在特朗普奪得美國總統寶座之後,在各州份出現反特朗普熱潮的情況下,特朗普會要求耶倫暫緩加息,以便全力應付反特朗普熱潮,經濟評論員亦以此為理由,預測十二月加息的百分比稍為降溫,但這股突如其來的熱潮來得快,去得也快,美國人終於知道,特朗普是一個本土主義者的生意人,所做的事情始終對美國人有利,不過,如果沒有反特朗普熱潮,加息是在所難免,息狼將會在12月14日重臨,大家不但要有心理準備,而且要有足夠實力應付今次加息潮,息狼是不會單獨行動,今次是會以整個群體出撃,在美聯儲局在12月加息之後,明年有機會加四次息,即是每兩次議息,就會有一次宣布加息,如果耶倫繼續做美聯儲局主席,加息的速度比較慢,倘若由其他人做就很難預測得到。

  經過漫長低息歲月,息狼終於來臨,好彩香港大部分業主亦早有準備,就算沒有準備,金管局都替他們做了壓力測試,加息在3%以內,大家都可以捱得住,3%以上就很難講,即使是3%,每月供款就會多五成,樓市一定會受到極大衝撃,雖然有很多專業人士話如果加息,首當其衝的是美國,所以,加息只會是象徵式,加一兩次0.25%之後,就會暫停,香港甚至可以唔跟隨美國加息,這個論點我不表同意,就算香港可以暫時不跟隨美國加息,最大理由就是太多熱錢溜入香港,大家亦要知道,那些熱錢可以進入,亦可以離開香港,當熱錢溜走,香港就要立刻開動加息引擎,而且將會是很久之後,利息才會有機會下調,而加息對香港樓市影響,唔需要我講,大家都知道是極之負面,如果加3%,樓價下跌兩成是絕不出奇,或者,政府在較早前出招壓抑投資需求,其實是救了很多準備買樓收租業主,最不幸的是息狼也是狼,是會聯群結隊,所以,不會只加一兩次息,就算有所準備,大家仍然要小心息狼。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 自我陶醉 2016-11-20 09:10:44
明年美國議息會議一共有8次,其中4次會有記招,開會時間表如下:
Jan/Feb 31-1
March 14-15*
May 2-3
June 13-14*
July 25-26
September 19-20*
Oct/Nov 31-1
December 12-13*

*代表有記招
2. 三奶奶 2016-11-20 09:17:42
引刀師傅果然厲害,高好多層次。
3. 引刀一快 2016-11-20 10:18:54
三奶奶仲厲害喇,三隻奶。
4. Jerry 2016-11-20 10:52:03
自醉兄早晨:

閣下認為17年聯儲局會加多少息?耶倫很大機會做到屆滿後便走人。trump可以插最多四個人入局,不知鷹定鴿?有人話美國國債20萬億,加一厘息都唔掂。Trump上場,姑勿論佢真係想兌現承諾,無奈阻力重重。就講美企重返本土,也是不切實際。蘋果也說了,在組裝方面,美國根本找不到人才。(不過未來都係機械人玩哂)一個破產四次、走稅、言而無信既人真能令美國返生?美企大規模回歸,通賬重臨?


5. Oscar Lam 2016-11-20 10:56:01
多謝博士提醒!
6. 引刀一快 2016-11-20 11:00:32
Jerry兄

你自己心目中都已經有答案,不如直接講喇。
7. 路人XX 2016-11-20 11:00:51
我們這裡每個物業投資者都有負債,都怕加息,但我們所有人的負債加起來,也沒有20萬億美金。似乎有人比我們更怕加息。
8. Jerry 2016-11-20 11:07:24
引刀兄:

我向來對所有可能既答案持開放態度。大膽假設小心求證

9. 阿Q 2016-11-20 11:10:13
點解我借錢要做壓力測試,美國發債借錢唔駛做壓力測試?
10. 鳥5 2016-11-20 11:46:13
博士,3厘以後係危險線,樓價歷史高位,當時係以加3厘為壓測。。香港同美國會跟5足但好貼
11. 十郎23mn 2016-11-20 11:51:52


      據知美國債務,係用債券形式借入,是定息的,所以加息對現存債務的利息支出,沒有影響,影響的是將來發債的息率,即是影響將來債務的支出。現存債息升,係債價跌,大家都明白。

      據知聯儲局,不是官方機構,是華爾街銀行家的組織,我的想法是好像銀行公會一樣。我非專業人仕,如果有錯誤,請不吝賜教!

12. 十郎 2016-11-20 11:55:41


      打錯左留名,連認證碼都打上去。Sorry.

13. 自我陶醉 2016-11-20 11:55:41
引刀兄,一日到黑都有人玩分化,可以不理。


Jerry 兄早晨!

小弟覺得佢是否救到美國並唔重要,重點係佢可唔可以推動佢倡議嘅減稅和基建方案,這些都是通脹高危項目,一有通脹,耶倫想唔加息都唔得。 新一屆參衆兩院都會係共和黨天下,要推減稅並唔難,若果成事,股票市場會先來個急升。不過,由於特朗普係個亂車嘅大話精,講嘢有幾成真冇人知,這個不確定性冇人可以估到。

至於債務水平高同加息冇直接關係,按聯儲局規章,息口係用嚟防通脹,增就業,跟本唔會考慮債務水平,由於錢係任佢印,佢哋大可繼續印錢,直至爆煲一刻,只要有心理準備通脹會飛天便可。 情況就好似啲人靠開信用卡㩒舊債一樣,爆煲前一刻一樣可以身光頸靚,十分風光。

14. 鳥5 2016-11-20 12:03:01
貿易戰佢又會傻到同中國打 不過一減稅 就可能掂到~通脹 (加息死穴咁就控制唔到加幾多) 軍費又唔敢減,油價又見底,通賬機會都大。 18萬億又唔想找數。。5加息好似冇乜出路
15. Jerry 2016-11-20 12:36:34
謝謝自醉兄分析。

傳說狂人同共和黨不和,然而減稅方案成事機會大。

16. 向飯民說不 2016-11-20 12:41:33
自醉,你和引刀真系一唱一和,不过谁玩分化,大家心里有数。

不过今次我都相信会加息,而且加的会很快。美国大选之前,9月分耶伦仲讲紧可以接受通胀,利息可以等阵先加,当时以为希拉里会上台,点不知道特朗普一上台,就马上改口风,这就是精明的打工仔,完全配合老细的想法。只是联储局应该是政治中立,现在好明显受政治影响,又真的不知道怎样说了。

点都好啦,你地淡友,其实有无想过今次,资金流入美国,全世界货币都会贬值,港币相信会处于强势,资金流走,金融业估计难揾食,同时因为港币强势,自由行,水货客没有了,香港人仲可以靠咩食饭。仲有引刀估计有不小人民币投资,人民币贬值对你讲其实都系先打300大板。到时楼价可能真系大跌,你又有无能力买呢?


17. 無奈 2016-11-20 15:36:40
美自大選以來,市場一直在捕風捉影,頻開冷盤,害人不淺。事前講得有條有理,事後又盡皆孔明。

如果特朗普這樣就能將通脹推高,日本經濟起死回生有何難呢,過去20年太虧了。

市場在炒作中。

小心不加息。

醉兄解釋得很好,不過,jerry兄對特朗普能力的質疑亦有同感
18. 無奈 2016-11-20 15:36:47
美自大選以來,市場一直在捕風捉影,頻開冷盤,害人不淺。事前講得有條有理,事後又盡皆孔明。

如果特朗普這樣就能將通脹推高,日本經濟起死回生有何難呢,過去20年太虧了。

市場在炒作中。

小心不加息。

醉兄解釋得很好,不過,jerry兄對特朗普能力的質疑亦有同感
19. Jerry 2016-11-20 16:36:51
無奈兄市場就是這樣的,所以作為投資者要看清楚大方向,也要留意風向有否改變?

先不要理會那些陰謀論、政治等因素,回到聯儲局指引上,加息與否只看以下兩個因素:

1. 通賬(自醉兄提及)
2. 美國經濟狀況

通賬升跌取決於狂人的減稅和大興土木計劃,美國現時低失業率好大原因係低技術勞工找不到工作職位,並已放棄找尋工作。如果狂人既基建大計係聘請這些工人回流,那麼工資增長便可控制,通賬便不會大幅上升,反之亦然。

以現時美國既經濟狀況到底能否承受利率大幅上升?美企能承受多少加息?加息對經濟又會造成多大影響?(好的或壞的)

過去聯儲局的多次搬龍門,就是在這兩個因素下拉拉扯扯,今後係狂人帶領下,又會如何?


20. Sugar 2016-11-20 17:37:37
Jerry 兄高見 !
21. 自我陶醉 2016-11-20 18:04:32
Jerry兄,

別忘記他說過要將大量非法移民趕出美國,這些都是廉價勞工,這樣做不但會增加本地就業機會,而且會推升工資水平,對控制通脹不利。 而在他說過的政綱裡,全都是增加債務推升通脹的政策,看來他完全沒有一點通脹控制的概念。

無奈兄,

我也同意以他的性格,根本不適合搞政治,做到4年我都覺得佢好叻,但我最擔心嘅唔係通脹,而係地源政治,尤其是同北韓嘅關係,癲人對狂人,大家都有核武,後果實在難料。

向飯兄,

閣下是屈原的後人嗎?你覺得我們在分化誰,不妨講清楚。

22. 阿Q 2016-11-20 18:39:09
特朗普講咁多政策,除咗話佢自己收一蚊人工可行之外,其他都難以實行。首先,美國實質經濟是否好轉?同大選一樣,唔好信統計數據,睇事實。如果美國經濟有好轉,特朗普就唔會有咁多支持者。加息,喺含淚加息,唔喺經濟好咗引致通漲加息,喺吹水吹漲加息。美債18萬億,淨還債息用四份一財政預算,減税,基建再多7萬億債,但最近果次美債賣得麻麻,各國央行減少買入美債,再加大發債,賣唔賣得去?中國現在呱呱叫,美國加息美元升值,走資嚴重,要救市。是真是假唔重要,重點喺減持美債。世界已經不一樣,中俄,沙地及海灣各國成功打破石油美元格局,美元霸權没落,美債越來越難銷。特朗普説出失落的中年白人男人心底話,而杜特爾特說出小國心底話 “只有中國可以幫菲律賓。美國當我哋喺狗,掟一舊骨去我哋攞唔到嘅地方比我哋。”仲有,TPP同北約喺美國做搞手,而家話唔玩就唔玩,叫奥巴馬去安撫盟友,可以點講? 話“唔駛擔心特朗普講D嘢,美國人講嘢唔好信。”我結論喺,除咗特朗普收一蚊人工之外,減税,基建,起圍欄都要先借錢,美國喪到冇盟友兼冇朋友,淨番日本,新加波,南韓同台灣,你問我借,我問佢借,佢問你借。結果攬炒一齊死。香港有中國因素,息狼會整到有D痛,但屬於有快感嘅痛。
23. 向飯民說不 2016-11-20 18:56:23
自醉,我就好小同你争论,不过引刀那种思维,在中国正被美国老围堵的时候,他竟然话去同俄罗斯争霸。简直就是无知。

1。用和平手法去制裁俄罗斯,大佬连美国佬都只是有限度的制裁,中国人制裁俄罗斯真系有点儿枉作小人。

2. 用武力去抢,用常规武器去和俄罗斯打,大佬,中国从来没有打过现代化的战争,凭什么会赢,不要忘记79年的打越南,只是惨胜,有些人还认为是失败的。

3. 条引刀又好搞笑,话用核弹,真系无人性咯,一旦打起核弹,我和你都有可能受害啦。

反而2年前,美国佬在乌克兰发动颜色革命,将俄罗斯推向中国,帮中国发展高科技军工,在之前,俄罗斯一直都拒绝。现在终于得偿所愿。中国要发展一带一路,发展经济,最重要就稳住俄罗斯。

但是引刀条友,就经常挑拨离间,真的像他那样去做,中俄交恶,中国点发展经济,一面被美国佬围堵,一方面又和俄罗斯交恶,到时就真系孤独。
24. 向飯民說不 2016-11-20 19:00:10
自醉,你既然知道屈原,那么就该知道,中国现在不是去挑衅俄罗斯,而是连俄抗衡美国的围堵。

不要死读书,什么远交近攻。地理上美国是远,但是其航空武舰战斗群不断在中国沿海挑衅。反而俄罗斯的主力在欧洲。在这个概念下,远是俄罗斯,近才是美国。
25. 十郎 2016-11-20 20:45:08


      質疑歸質疑,利率無可避免向上是事實。

      1------量寬及超低息,是人為地扭曲經濟,任何人為扭曲動作,包括釋法,均被形容為不應,不濟同不妥。扭曲經濟有不妥就人皆共知。

      2------量寬及超低息,係催生通漲的得力助手,但是美國通漲似有若無,百思不得其解,之後記起美國的數據不值得信,佢周時督數,兼且還有廉價中國貨供應。當奴選前狂言要徵收中國40%關稅,現在尚有師兄當真地討論。

     3------70年代美國惡性通漲,一直到80年代都不能降服這只怪獸,直至當時的聯儲局主席“沃爾克”(注意係稱主席,因為不是官的),他是消滅怪獸英雄,他的方法是將利率定在通漲之上加兩厘,例如通漲是7%,利率就9%,當時利率最高曾達到16%,難怪當時供樓曾經20幾厘。代入現在環境,如果通漲是1%,利率可以是2%,因為不是惡性通漲,我估高1%。

29. 引刀一快 2016-11-20 23:21:28
點解一定聯俄抗美?R頭


俄羅斯揀邊個做隊友?呢個係問題。

中國恰極都有班人死心塌地黐住蘇聯,如向飯之流,但係美國夠力將俄羅斯一劍封喉。

蘇聯揀邊個?

對俄羅斯更千載難逢嘅係,依家美國送秋波。


30. 自我陶醉 2016-11-20 23:56:42
向飯兄,

你唔係啩? 你覺得引刀兄在這裡吹幾句就可以分化中俄?  太不可能吧! 哈哈!

阿Q兄,

賣債同賣樓一樣,賣唔賣得出係睇你叫咩價,所以債有冇人買係睇你肯付幾多息,最垃圾嘅債一樣會有人買,國債又點會賣唔去。

31. 引刀一快 2016-11-21 00:57:53
自我陶醉兄

我估計,特朗普上台會立威望,如果旗開得勝,往後施政得心應手的話,好多奇葩怪招都夠膽實行,否則,國內矛盾都有排佢煩,往後一定乖乖地。依家最好估下佢上台會最先動嘅舉措。



32. Jerry 2016-11-21 08:11:36
回21/F 自醉兄:

哈哈, 忘記了他的偉大政綱。

我對他的言行一直有保留, 但真係估佢唔到。

如博士所言,加息不得不防。
33. 自我陶醉 2016-11-21 08:46:54
引刀兄

佢好似打算做的第一件偉績將會係先將有犯罪記錄的非常移民趕走。


Jerry兄

剛聽聞富士康的郭台銘正在考慮將中國的iPhone 生產線搬去美國。
34. 向飯叔好得意 2016-11-21 10:56:27
睇向飯叔寫啲嘢真係……唔知好嬲定好笑

唔熟歷史(或者是被片面之詞洗腦?)
鐘意亂扣帽子上綱上線(呢樣野連阿叔你至愛嘅黨都唔允許架,瞓醒喇)
法西斯式主觀(港豬,國民黨,民進黨,南韓,日本,玻仔,印度佬,美帝及所有西方人,基督徒,回教徒,猶太裔,福利主義……無誇張,全部你都鬧…同啲希特勒,墨索里尼,近衛文麿啲9 up有咩分別?差在你係崇高嘅中國人同埋你無軍權淨係對住個keyboard…)
我間唔中走入來都見到呢啲病態,阿叔啊活咁多年,生活及對世界的認識應該給你更廣闊全面嘅胸懷。幾廿年人你又應該有十幾層樓收租,一星期睇返一本書(咩題材咩國家都好啦),我諗會對你好㗎
35. 向飯民說不 2016-11-21 11:23:56
自醉,不要低估网络战,梁游之所以可以上位,虽然不是传统饭民,但是就是因为得到高登票源,先有可能上到位。激进的高登饭民一直都唔buy传统饭民。

至于黄尸打手一直在各网络区都有很多。手法其实都是差不多。我在本地网站,外国中文网站都见到有类似引刀的原论,有时真系发现copy and paste。引刀一个人当然影响不到什么,但是背后的势力才严重。你没有看到美国选举,现在有机器回帖,你以为跟网友在吵,其实背后是部机器。

真是好多谢抬举,看来有很多人开始抹黑我了。

34楼,可不可笑我就无所谓了,我的目的是令香港人觉醒,不要+下+下被利用。
36. 向飯民說不 2016-11-21 11:27:11
34楼,你表达能力有问题,要看多点书啦。
37. Jerry 2016-11-21 11:38:34
自醉兄:

哈哈,可能佢聽到trump 既呼聲,聽說他想競逐總統一職,學狂人,有趣。

小弟認為無論係中國制造2025或工業化4.0,全自動化及機械人才是趨勢。郭生早已引入機械人生產,成功商人總是不斷求變。

小弟還想提出兩點會影響通賬既因素:

人口老化(人口政策)
科技既發展



38. 阿Q 2016-11-21 12:24:04
香港加息,樓市有减辣做缓衝。美國加息要不停加大發債填數。耶倫最近的一次會議警告,沉重債務是非常危險,聯儲局有責任為國家長遠利益做決定,不過呢两句唔啱現在炒作氣氛,所以報紙冇報導。各國央行減持美債,現在手持美債好多喺食物鏈最下層嘅散戶,佢地貪息高。近日美債蒸發咗成萬億,債息才抽升。炒上炒落炒政策,美國結構性問題受困於四年一次大選,開始容易落實難。加息,發債,再加息,再發債,再多幾次後,港元喺時候同美元説再見!

39. 引刀一快 2016-11-21 12:41:56
To 34樓 兄台


向飯一向發表嘅嘢都好有獵奇性。
40. 自我陶醉 2016-11-21 12:42:27
Jerry兄

真正生意人點會唔識看風駛𢃇,係咪都講定先實冇死,唔洗到蘋果在美國搵咗第個先嚟後悔。不過特朗普的橋好多數都唔work, 最緊要見好就收。

在你的發達秘笈裡,容許我多加一項:無人駕駛車技術
41. 引刀一快 2016-11-21 16:10:10
向飯

你係咪喺高登唔夠人抽,所以日日走嚟呢度挑機?
42. Jerry 2016-11-21 16:15:12
自醉兄:

要數發達秘笈, 你的總比我多^^

無人駕駛會令幾多司機失業? 你是否早早買入TESLA 或相關股票? 發達啦! 
 AI,全自動化,大數據這些東西真的會令很多人失業,當然也會創造一些新的行業。揾食困難啊!


43. 引刀一快 2016-11-21 16:42:34
睇好無人駕駛技術,同Tesla有咩關係?奧迪呀!
44. 自我陶醉 2016-11-21 17:27:04
Jerry兄,

第日莫講話司機,配藥員,水吧,侍應,銀行Teller都可能冇得撈,到AI 年代,連股票外匯Trader 都要番屋企瞓覺,因為有一個無貪婪,無恐懼,唔洗加人工,而且24小時唔洗瞓嘅物體,將會坐咗你個位。 絕對會係巨變。



引刀兄,

這個是非常龐大的市場,每間公司都在競賽, 未分勝負,除了汽車硬件,還有CPU, 操作系統等都會受惠,Tesla 也是前列分子。

http://www.businessinsider.com/how-tesla-enhanced-autopilot-and-full-self-driving-system-will-work-2016-10

45. 引刀一快 2016-11-21 18:21:43
自我陶醉兄


Tesla係已經見到嘅,奧迪係遲D先上陣嘅,咁你覺得邊個值博?
46. 向飯民說不 2016-11-21 19:18:59
引刀,我在高登都系CDROM,不过见到高登灭声的手法啦。其实香港大部分的讨论区,都被饭民垄断,而同时对不同意见的人,就马上冠上5毛,block account。而这些就是日日叫言论自由的人。
47. 向飯民說不 2016-11-21 19:25:17
机器人最多是帮助有钱人赚更多钱,就像全球化一样,这就是soros-希拉里那一批的哲学,他们同时欺骗大众,以为全球化因为和机器人,为有钱人赚了很多钱,可以向富人加税。问题是这批富人,类似巴菲特,soros,根本就唔会交税,他们最懂得避税。结果是中产下游。

所以不要以为机器人可以帮助解决人口老化,他们抢走了你的工作机会,同时商家赚到钱,又会放在避税天堂里。
48. 引刀一快 2016-11-21 22:32:49
我就係知喇,向飯,你喺高登屁都唔敢放,先至走嚟呢度製造敵我矛盾,既然你話“香港大部分的讨论区,都被饭民垄断

咁你就更應該打破佢地嘅壟斷,任何論壇都唔應該係一言堂,如果你有guts過去同佢地fight,我一定定期翻墻過去睇熱鬧。
49. 阿Q 2016-11-21 22:52:09
捐身家都喺避税嘅一種,10多年左右乜都轉番曬嚟。
50. 向飯民說不 2016-11-22 14:20:19
引刀,你究竟明步明白咩叫灭声啊。好像大班的论坛,他根本容不下亲政府的言论。仲有港台的论坛,也是一样。唔系你无guts问题,是你会被灭声。

比如你老兄经常讲粗口就无问题,本人回你1,2句,就有你d巴打弹出来要灭我声。已经有好几次啦。不过这里版主还算好,还未灭本人声。
51. 向飯民說不 2016-11-22 14:23:52
49楼,所以犹太人几无耻,他就话要慈善,还叫人捐钱给他们做慈善,其实那些钱都是去了他们的口袋。

还记得两年前的巴菲特和bill gate几高调,仲来中国做宝药党,叫中国富商捐钱。当时香港黄丝仲要攻击中国富豪,不做慈善。
52. 引刀一快 2016-11-22 14:58:20
人地係咪block你account先?向飯,成日話滅聲,你唔夠人講就要認命喇,真正影響到年輕人政見嘅地方你唔夠膽出聲,喺呢度夾硬安D名堂俾人,有咩用?