地產博客 > 文亮言 返回
瀏覽人次:29962    回應:17
文亮言
大選之後(1)做個勇敢的美國人
 
湯文亮博士
紀惠集團行政總裁
2016年11月10日

  昨日美國總統大選,如我所料特朗普贏咗,很多人問我點解話特朗普會贏,究竟知唔知道特朗普是癲,我話,特朗普點會係癲,如果係,就冇可能做到總統候選人,除非,全共和黨的人都係癲,我是以一個生意人角度分析特朗普競選過程,以全程捱打,在最後時段才發力,殺希拉里一個措手不及,雖然民調顯示,希拉里一直領先,但我認為民調不可盡信,就算民調沒有做假,希拉里亦只不過是贏控球時間,根本並未入球,而且,太早發力,所講的只是集中特朗普緋聞,其實是讚美特朗普,以老特副尊容有咁多靚女埋身,必定有過人之長,不是讚美又是什麼。

  不少人話,特朗普做美國總統,對全世界都唔好,這點我不明白,現在是美國選總統,不是選世界總統,全世界好唔好唔關美國事,只要美國好就可以,所以美國人要選一個對美國好的總統,這就是特朗普勝出的原因。

  有消息話,在點票期間,加拿大的移民網站爆棚,這點我又覺得奇怪,美國人點解要移民,除非他們重注押在希拉里,買了很多墨西哥披索,沽了很多日圓,準備走佬,否則,為什麼要移民,難道他們不知道,做美國人易,唔做美國人難,有錢唔做美國人更加難,講移民的大多數是精英,想唔做美國人,特朗普就會同佢地計數,所以,唔好話唔做美國人,乖乖地等八年,有可能民主黨會再度執政,唔通又再移歸美國,汪阿姐早悉天機,一早唱了一首做個勇敢的中國人,原來這首歌有美國版本,就是做個勇敢的美國人 Trump Trump Trump。