主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 28742    回應 : 4
文亮言
只會鋤弱扶強的物業代理
 
湯文亮博士
紀惠集團行政總裁
2016年10月26日

  有年輕朋友同我講,物業代理好似永遠同佢作對,當他有需要急於買樓的時候,老實說給物業代理知是相當迫切,希望物業代理可以助他一臂之力,最好鋤業主幾口價,誰不知結果他是要付出高於業主叫價,後來,他買了新樓,在入伙時,因為新樓是屬於第二個物業,沒有銀行能夠替他承做合理按揭,所以,他惟有賣走他以前買入的自住物業,當時,亦有人有興趣,但他無意中將實情講俾物業代理知道,結果又被代理鋤價,最後成交價比市價平了5%,年輕人問我箇中道理,點解物業代理在他買樓時就要加佢價,賣樓時就鋤佢價,是否同佢有仇,而他自問沒有減佣,又沒有要求代理請飲請食,點解物業代理咁樣對佢。

  我這位年輕朋友其實是太老實,將真實情況講俾物業代理知道,唔俾他們加價鋤價就有鬼,大家應該知道,物業代理性格,包括小弟在內,都是鋤弱扶強,客戶有迫切性,無論他是業主抑或買家,都一定會被鋤價或者要求加價,就算強如大如地產商在賣新樓時都會被物業代理鋤價,否則,現在的新樓盤就不會以貼二手樓市價發售,買新樓的人應該多謝物業代理,如果他們唔鋤價,不少新樓盤最少買貴兩成,絕對是有功有勞。

  我相信大部分人都會認為物業代理這種鋤弱扶強性格沒有大俠風範,應該是鋤強扶弱,不過,如果物業代理有大俠風範,就準備食西北風。法國拿破崙打仗,與敵方決戰前夕,部下希望拿破崙祈禱,懇請上帝幫助他們打勝仗,拿破崙唔做,他會回答部下話上帝將會幫助大炮多的一邊,根據拿破崙說法,上帝也是鋤弱扶強,又怎能夠話物業代理沒有大俠風範,只會鋤弱扶強。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 真真薯片 2016-10-26 09:50:35
在下既經驗係, 你比足誠意同代表講你想買, 佢就當係臭四, 冇盤比你或者比垃圾盤你

你屌爆佢, 係佢d靚前落佢面, 仲屈佢請飲請食, 佢反而博老命同你搵靚盤, 當你係vip, 非常奇怪
7. 香港土著 2016-10-26 22:32:50
地代對住地產商都會鋤價???
10. 井 2016-10-26 23:56:52
【深圳置業要捱70年】

國家統計局發佈 9 月 70 個主要城市的新建住宅價格統計數字。

各城市普遍房價上漲 30% 至 40% 以上,其中深圳的漲幅就達到 34%。

有美國調查公司統計,深圳住房的平均價格,達到居民平均年收入的 70 倍,通常這個比例在 3 至 6 倍被視為正常水平,而內地出現這樣的數據,顯示老百姓已經很難有能力置業。

#有線新聞 #深圳 #置業 有線中國組
11. 引刀一快 2016-10-27 00:07:54
地產中介係一個鬥爭激烈嘅行業,冇開足夠嘅單連企都冇碇企,因此好多求生特性被植入反射神經,甚至DNA。

一切源於開單,開單唔成什麼都是空談,你急買啫,點知賣家係咪急賣,抬高價咪包佢急急腳賣囉,仲包保幸運兒係你添。

推心置腹?唔係唔得,道行夠咪得囉。