地產博客 > 文亮言 返回
瀏覽人次:35113    回應:16
文亮言

應該趁低息時候優化債務

 

湯文亮博士

紀惠集團行政總裁
2016年9月26日

  有很多人現在買樓,所持理由就是趁低息時候買樓,可以享受日日賺息差,如果買樓咁大件事,只是著眼於賺息差,我實在替他們擔心,因為如果利息上升,他們除了會日日蝕之外,物業資產還會相應地向下作出調整,令到買樓的人會得一個較為合理回報,現在買樓的人,他們便會蝕得好甘,因為除了日日蝕之外,還要面對物業資產貶值壓力,做物業投資,千祈唔好學袁紹,曹操話袁紹見小利而忘義,我們千祈唔好只睇到小利而睇唔到危險,唔好因為日日有息差賺而買樓,投資物業的最終目的是賺大錢,日日有息賺只不過是令到買樓的人看不到投資物業風險,而且我們現在見到的是最好現象,只有轉壞,而不會更加好,利息已經低無可低,物業資產價格早已泡沫化,如果大家仍然沈醉這個現象,當利息上升,就會變成日日蝕之外,物業貶值更加會令到業主沒有能力保持手上擁有的物業,所以,資深投資者並不會在利息低迷時增持物業,反而會反其道而行,減持物業,優化債務,當利息上升,物業貶值,今日賣樓所得到金錢,明日會買到更優質,更超值物業,這亦是逢三退一精髓。

  今日賣樓,一定要有極強心理質素,除了損失日日賺錢的機會之外,還要面對物業在短期內升值壓力,但我覺得,這個情況不會長久,在上星期美聯儲局議息,雖然沒有加息,但耶倫已經作出了明顯的暗示,預告今年內一定加息,香港業主聽到唔加息便立刻反價,其實,耶倫只是將加息時間延遲三個月,怎麼會說成是不加息,如果業主對加息那麼敏感,當加息來臨,他們是否會大幅降價求售,我估計是不會,到那時候,他們又會話加得幾多,我認為業主如果有迫切性賣樓,應該趁此機會,不但唔加價,減多少亦沒有所謂,如果沒有迫切性,就加價兩成,反正最後都是反價封盤,我老實說一句,絕大部分投資者早已優化債務,當跌市來臨,他們就會再次出動,擇肥而噬。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
4. 向博士及各位網友請教 2016-09-26 11:03:51
本人有一間自住樓,2013年10月簽臨約,12月頭成交,那麽SSD的三年罰款期幾時到呢?
再請教,因那自住樓是單幢式,全幢樓70伙,樓齡34年,應快要大維修,本人應趁SSD期一到,趁現在市旺,賣出單幢樓換入小屋苑嗎?
5. 路人甲 2016-09-26 11:34:15

TO 4 

 3年罰款期是計PRELIMINARY 臨約果日起手計!
7. 路人甲 2016-09-26 11:36:55

TO 4 樓

賣出單幢單而換任何屋苑或大樓, 都一樣有機會要大廈維修的啊!
所以, 要先問清楚目標單位是否已進行維修?

今年10月都已經屆滿啦, 唔會罰. 可以考慮嘅. 不過博士叫人唔好入住, 我唔知道, 怕俾錯意見. 但如果係換樓, 都可以唸定囉.....
8. 我愛火酒 2016-09-26 11:48:02
真心想知道老美吹左咁耐, 今年就算真係加到一次息, 下年還有本事再加嗎?
10. 向博士及各位網友請教 2016-09-26 12:00:11
To 5 & 7 路人甲, 謝謝您的意見。但那是自住樓,如果賣掉不買回,我就要租樓,博士也說過自住樓不能賣呀。ps. 那單幢樓已接大維修令,以及窗台邊有漏水問題,及電梯不能直達。聽大家說要趁市旺才有機會賣走劣質貨再換入優質貨。苦惱中,請指教。
12. LYC 2016-09-26 12:42:22
我覺得係計成交日期,還有2-3個月,到時先算吧。
到時都未必賣得出,諗多無謂!
13. 井 2016-09-26 12:53:04
hk.on.cc/hk/bkn/cnt/news/20160926/bkn-20160926003015128-0926_00822_001.html


侷住蝸居苦不堪言 攝影展道盡基層辛酸

14. Eclipse*~ 2016-09-26 15:44:43
簽臨約已過 SSD, 但真係唔易賣。我都放緊樓(我和男友諗住搬埋一齊搬大D),其實好多人睇,但真係會問價嘅唔多。個個 agent 問我放唔放租 -_-
15. RY 2016-09-26 15:49:43
H plan減了不少,相差也有0.3-0.4%吧。就算加息,個plan都平咗了。
幾時都勤力,有新plan也會轉按或轉plan。
買買賣賣有成本,本人取長缐投資多。
儲到再添,也不愛新樓,管理費貴。
買二手樓,裝修自己風格,市場好多選擇。
16. CD ROM 2016-09-26 17:19:17
師兄, 咪攪錯重點, <要趁市旺才有機會賣走劣質貨再換入優質貨> , 呢d係講三層以上物業投資者既逢三退一心法, 並非apply落自住樓, 請別妄動!!!

Assume你換自住一換一, 你所講既大維修同窗台問題, 即係幾錢? 你換樓一賣一買要幾錢? 你計晒數未?

再講自住樓, 旺市or淡市, 向上or向下換, 取決很大程度係你自身狀況. 
18. 蓄芳待來年 2016-09-26 17:59:11
樓上CD兄:
同意得不能再同意了。
換自住樓,同一段時間買賣,根本無賺蝕可言。換樓係為改善居住質素,只要收入穩定,能力許可,我贊成換。假設遇跌市,樓上師兄層舊樓一樣吾值錢,何來賺蝕?換樓負擔也許大咗,但呢個係改善居住質素嘅代價。
20. 不見了123 2016-09-26 21:42:51
回應1 2 3被删了嗎?
21. 向博士及各位網友請教 2016-09-26 22:00:37
7, 14, 15, 16, 18樓的網友,thank you.
22. 123 2016-09-27 07:45:10
TO20回乜呀回魂
23. Eclipse*~ 2016-09-27 08:33:44
其實井係唔係打手?無啦啦在唔同 thread 內狂玩剪報,但貼嘅嘢離晒題🙄
24. 好 2016-09-27 08:35:32
我都做緊轉加按,我以入息審計,按多出來的錢俾老婆做資產審計借樓價3成,因為佢無收入。