地產博客 > 文亮言 返回
瀏覽人次:26338    回應:32
文亮言
香港人是否夠膽去廣州追債
 
湯文亮博士
紀惠集團行政總裁
2016年9月22日

  朋友有欠債人住在廣州,他有齊晒所有法律文件,近日打算派人上廣州追債,如果欠債人不還債,就叫人貼街招,問我有沒有可靠的追數公司替佢做嘢,仲話收到之後,重重有賞,我同佢講,千祈唔好這樣做,分分鐘惹禍上身,不但收唔到欠債,可能仲要俾一大筆賠償,派去收數的人如果俾公安捉住還好,否則,隨時連命都冇,收數公司損失一條人命,條數都唔知點計,廣州欠債,當壞帳撇左便算數。

  朋友不服氣話,近日香港有很多貼街招追債事件,大多數涉及香港人國內欠債,點解國內人在香港貼街招追債就可以,香港人到國內追債就不能,即使那些欠債是真實的,香港容許國內人跨境執法,這是近日的熱門話題,是否涉及政治才不可以跨境執法,涉及財務糾紛就閣下自理,我同佢講,千祈唔好勞氣,這是香港人自己攞嚟,不少非法追數公司主動到國內搵一些與香港人生意有糾紛的國內人,只要求一份授權書,便會返香港進行追數行動,根本不會查證那些欠債是否真實,當然,他們追數的費用是相當高,而且,他們還大義凜然,開口埋口就叫在香港的人做老千,除了到他們的公司及住所搗亂之外,還亂貼街招抹黑香港人,最近有一個個案連CY都抺黑,追債的人知道,香港警方認為這是金錢糾紛,是不會採取行動,久而久之,在香港的人惟有私下解決,賠錢解決有,用武力解決亦有,在國內的人見到香港人打香港人,笑到見牙唔見眼,在國內,這樣的事絕對不會發生,追數公司收到錢那些國內人固然有得分,收唔到錢,甚至追數的人惹上官非,就與他們無關,唔通那些追數人夠膽回國內追數,其實,香港的追數人相當蠢,無憑無據替人追數,同恐嚇勒索沒有分別,不如自己做,毋需分錢俾國內人。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Tony lam 2016-09-22 09:14:02
多謝老湯提點、比咗一半條見習老千、再上廣州追數、咁蠢就真係要學埋條老千咁自切嘞 !

儍刀  你學壞師啦!海味舖切咗先話斤係両、手法out咗嘞、同你講係廣州、你一味答市中心、比咗半你揸手先話我知、你梗係咁比條郎呃咗、你自切、先至撇你、同情…都係同情…
2. Tony lam 2016-09-22 09:22:59
犬養井   返家鄉飲哂福島核廠漏出嚟D水先啦!仲漏緊㗎 ! 你飲得哂先講、咪流出去益哂全人類呀!
3. Tony lam 2016-09-22 09:26:03
土著   咪咁小學鷄啦!你就係咁嘅思維、至攪到上唔到車墊咗喺底囉!
4. 引刀一快 2016-09-22 09:47:53
琳琳

你走數仲詆毀人,正式係人辦。

廣州係你自己講嘅,價對貨對,你都抵賴,真係唔要面。
5. Tony lam 2016-09-22 10:23:28
刀娘子    可能我真係隊得你又痛又快、揾D三沙市中心咁荀嘅嘢益我、樓股升到滾滾馨、計緊食幾多番和味D、咁遠嘅荀嘢益自己啦!諗起你咁趣怪就笑、多謝你…衹有多謝…
6. 引刀一快 2016-09-22 10:23:38