地產博客 > 文亮言 返回
瀏覽人次:25554    回應:9
文亮言
什麼是井噴—我的版本
 
湯文亮博士
紀惠集團行政總裁
2016年9月17日

  以前有人在地產網講樓市,講來講去都是三幅被,話樓價會出現井噴,升到你唔信,升到你迷信,跟著樓市就會大跌,我從來沒有駁斥,因為,我覺得他們一開始就講錯,樓價是不會出現井噴現象,不過,他們講得多,講到由唔信變迷信,有人唔同意,話王弼都講井噴,其實,王弼用他們的語言去解釋井噴,有我不入地獄,誰入地獄心態,我沒有王弼胸襟,直接了當話樓價是不會出現井噴,不過,樓市就會出現井噴,供應量井噴。

  當樓價飆升,便會吸引到地產商投地建房,而政府為了壓抑樓價上升,便會積極開拓土地,話雖如此,投地建房並不是一時三刻可以做到,在這期間,樓價是會繼續上升,當樓價上升到一個市民不能夠負擔的價格,需求以及成交量就會減少,地產商有見及此,便會瘋狂出貨,甚至割價求售,供應量急劇增加,是可以用井噴現象來形容,而我點解話不能夠用井噴來形容樓價上升,因為樓價是一個數字,是一個結果,井噴的應該是需求量,令致樓價飆升,大家可以唔信我的版本,但不能夠迷信。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2016-09-17 09:32:32
因為樓價是一個數字,是一個結果,井噴的應該是需求量,令致樓價飆升 ”

恍然大悟,的確係,唔多人搶又點會貴?
2. 井 2016-09-17 10:23:48
強國網民對「愛國」呢個話題,有幾咁狂熱,唔少人領教過,唔表態?你唔愛國!唔嗌口號?你唔愛國!唔貼地圖?你唔愛國! 

就係因為咁,要證明自己愛國,只需喺適當時候嗌嗌口號,做吓致敬手勢,強國網民必定歡迎你! 
之但係,若然你做咗啲喺網民眼中,所謂「大逆不道」嘅事,強國網民一定鬧爆你! 
噚日iPhone 7正式開賣,但綜觀整日微博,奇怪拎「新玩具」出嚟貼相嘅藝人,少之又少。其實又難怪,舊年喺強國勁受歡迎嘅林志穎,只係稍稍拎部iPhone出嚟,都俾玻璃心嘅強國網民狙擊,結果要匆匆刪相,就知威力有幾咁大。 
不過,都總有「勇者」冒險身先士卒嘅!講緊嘅就係呢排成日上內地真人騷嘅容祖兒(Joey),噚晚佢就放咗張同iPhone 7貼面合照上微博,唔難估到強國網民嘅反應…… 
「說好的愛國呢?」 
「為什麼要買iPhone 7?國產手機不好嗎?」 
「見你一次打你一次?」 
「早點滾咯!」 
「乾脆移民啦,還在中國等死咩??」 
「不愛國,背叛中國,不要臉!」


3. 烏5 2016-09-17 10:32:22
好一個學者,有意思。
4. Desmond 2016-09-17 18:22:46
樓價井噴這個名詞只在這個網站看到,其它地方很少見。
5. 自我陶醉 2016-09-17 19:43:02
在酒樓裡,廚子問一位年輕服務員:“下班後係否與我一齊去玩?”

服務員用唔鹹唔淡廣東話答:“你攬下都得嘅!”  廚子非常高興:“嘩! 攬下都得?發達喇!”

服務員笑著答:“唔係攬下都得,係你個腦攬下都得。”

井噴的確是有,但絕不是唯一的見頂形態。樓價井噴? 攬(諗)下都得啩! 哈哈哈!
6. 烏5 2016-09-17 20:26:55
好,,好,,噴井求,喷井供一價升左。。甘遲D無噴井求一供應無小,價會點呢?
7. 噴 2016-09-18 00:08:40
噴就噴 遲D各國收水就噴血
8. 人類總是犯同樣的錯 2016-09-18 00:10:29
人類總是犯同樣的錯
唔瘋狂點會買到平貨
9. 引刀一快 2016-09-19 00:01:22
6樓 烏5兄

供有限,慾無限,樓價早晚上火星。