地產博客 > 文亮言 返回
瀏覽人次:25068    回應:18
文亮言
政府早已知道土地不足
 
湯文亮博士
紀惠集團行政總裁
2016年9月12日

  近日樓價再度飆升,矛頭竟然指向上任特首曾蔭權沒有搵地,而曾特首反駁話土地實在很難找,今次,是我第一次聽到曾蔭權講樓價飆升是因為土地供應不足,但曾在位時說樓價上升是因為炒家將樓價炒起,並不存在土地供應不足這個問題,所以制定辣招SSD打擊炒家,但供應不足問題不解決,樓價始終會飆升。

  既然曾特首早已知道土地難搵,相信其他官員亦知道,點解沒有官員提醒CY樓價飆升是因為土地供應不足,應該努力開拓土地,就算要出辣招,都應該訂出一個期限,當供應達標,政府就要撤招,而非一定要將樓價下壓至民不聊生時才撤招,令到現任政府由於忽略供應不足問題而繼續出招,在短時間內樓價表現穩定,似乎是將問題解決,但現在任何人都知道,辣招只能治標,不能治本,但就會令到政府以為樓價飆升問題得到解決,浪費了辣招為政府爭取的時間,土地問題在我2010年出版的<<讀歷史,了解香港地產>>寫得很清楚,但政府沒有理會,直至2013年才以招標代替勾地,如果繼續沿用勾地,今日樓價已經升到唔知幾高,政府要加辣再加辣,即使如此,政府已經浪費了三年寶貴時間,今日曾蔭權講出事實,算還給物業投資者一個公道。

  政府出招的確將一些炒家滅絕,他們是炒樓價下跌的業主,當時有不少業主相信辣招可以將樓價下壓三成以上,而將自住物業賣走,他們當中有不少現在仍然要租樓住,這是政府始料不及,而那些將物業賣走的業主在不同場合要求政府繼續出招,CY又如他們所願,不過,已經沒有大規模的拋售行動,樓價沒有下跌,在逆週期措施及供應增加之下,樓市升勢已經緩和,甚至出現下跌,增加供應才是治本之道,雖然近期樓市回復升勢,但在供應增加之下,升幅亦有限,政府亦不需要再出招,以此來說,辣招真的是白出。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 向引刀‧土著說不 2016-09-12 11:50:59

按息戰續集:鬥搶客 滙豐中銀齊降貸款門檻

09月12日(一) 11:00
  • 【on.cc東網專訊】 新盤買家福音!銀行再出招,下調最低按息要求,H+1.4%門檻僅需200萬港元貸款額。

    銀行按揭戰愈打愈熾熱,滙豐及中銀香港(02388)兩大龍頭引領戰線向細價樓進發。

    據了解,兩間銀行上周起,將最低H加1.4厘按息的一手及二手物業門檻降低,其中兩間銀行均將新盤按揭的貸款額要求,由最初1,000萬元大幅降至200萬元。

    低按息更擴至二手物業方面,若要批出H加1.4厘按息,滙豐貸款額要求為650萬元或以上,中銀香港更低至400萬元,較8月下旬時,貸款額達1,000萬元亦僅批出H加1.45厘,明顯更優惠。

    滙豐發言人表示,滙豐會定期留意按揭市場。優惠利率視乎個別客戶與該行關係而定。中銀香港則回覆指,該行會密切留意市場發展,並不時檢討提供予客戶的按揭服務條件,以保持業務的競爭力,最終按揭條件會視乎個別客戶情況而定。 

    銀行界人士解釋,儘管新盤開價貼市,但以現時的新盤入場費普遍400至500萬元計,200萬元貸款額門檻可謂僅屬象徵式,實際上已覆蓋絕大部分新盤市場,並預期未來仍會朝普及化的方向發展,意味H加1.4厘的二手物業貸款額門檻或短期內再降。

    大行帶頭出招搶生意,中小行隨即跟貼,消息稱,華僑永亨、工銀亞洲及創興銀行(01111)批出H加1.4厘的新盤按揭要求,降至300萬元貸款額,永隆銀行更只需要200萬元貸款額即可。

    3. 浪子心聲 2016-09-12 12:29:09
    曾蔭權近日的言論令人感覺有點奇怪,他好像為自己過去的房屋政策辯護,但他竟然說出他當年是沒有講真話,真可笑他明知當時樓價上升上是因供應不足,還在電台大大聲講炒家令樓市乾升,一個不說真話的人,還有人相信他今天還是講出心底話嗎?
    4. 物業初哥 2016-09-12 13:02:42
    這回3樓

    便是官字兩個口的意思
    5. 真真薯片 2016-09-12 13:28:38
    重複?
    6. 引刀一快 2016-09-12 13:53:31
    浪子心聲兄

    大陸人入市係重要一環,唔知價兼唔睇價,係推高樓價最高效率嘅一個財源,土地供應同炒家是否並存,關鍵係大陸買家算唔算炒家。
    9. hongkong people 2016-09-12 21:52:58
    前曾特首真可憐,落台咁耐都仲俾人生咬住唔放,咁多年後,樓價係咁升,錯嘅仍然係佢,睇怕廿年後樓價貴,都係佢嘅錯; 樓價貴莫非只係土地供應嘅問題??  

    各國係咁QE, 熱錢犯濫, 美元港元貶值,長期低息, 再加強國擁重金投資港樓, 全部唔關事, 只有土地供應係禍首, 令至樓價高企, 所以只係曾特首嘅錯, 梁振英上台四年,無力挽曾特首上台七年種下嘅錯, 不過CY都無錯, 錯嘅仍然係曾特首; 但我又奇怪,點解從來冇聲音話係老懵董嘅錯? 佢在位七年,不但冇開發新土地, 仲一炮過用曬所有土儲去推嗰個搞死香港嘅八萬五,將燒炭文化推至極緻, 不過老懵董都冇錯, 錯嘅仍然係扭轉樓市跌市,挽救香港經濟嘅曾特首.    

    老實講,曾特首唔係冇錯, 但係公平D講, 三任特首佢做得最好,對香港有心亦最有能力, 但佢唔係聖人, 佢預計唔倒各國係咁QE,長期低息, 同強國效應, 冇好話俾我你預計倒囉, 如果係就話埋俾我聽往後幾年乜野走勢, 咁勁就真係食粥食飯都靠你.

    好心放過佢啦, 雖然佢已冇江湖地位,亦冇利用價值, 大家憑良心啦! 唔洗人踩我又踩, 如果唔係做多多善事都補唔番.  香港人咁樣 點值得一個有能力又有心嘅人為香港做事呀! 唔好再咁不知所謂!
    10. QE 2016-09-12 22:05:15
    QE 再來
    11. 元朗人 2016-09-13 06:59:59
    9/F 女仕,

    小弟十分同意閣下意見,经歷過負資產(包括小弟)实应讚賞感激曾特首。

    太多人善忘也涼薄,世道如此不足為怪。Having said that,博士文章也是另有所指,借題發揮而已。
    12. 向飯民說不 2016-09-13 11:13:13
    不要黑甚么大陆炒家啦,97年,香港炒家一样疯狂。
    13. 向飯民說不 2016-09-13 11:15:55
    曾特首最大问题是暗地里帮黄丝,所以中央先会对他穷追猛打。可惜的是,黄丝一样不放过他。现在两面不是人。
    14. hongkong people 2016-09-13 11:25:38
    善忘, 涼薄係香港人嘅寫照, 而家再加低能弱智就洽如其分地概括咗9成半港人。悲哀!
    15. hongkong people 2016-09-13 11:30:18
    飯兄,

    我唔知曾特首係唔係有心幫黃絲, 不要對佢哋嘅表現的而且確比較懦弱。姑息等如養奸, 種禍了! 但對佢其他平價我都比較正面。


    16. hongkong people 2016-09-13 11:39:24
    其實中央未必對佢窮追猛打, 不過CY 對佢就一
    定窮追猛打, 睇CY 喉舌東方日報咁多年不遺餘力大事渲染貪曾貪曾, 樓市前朝種禍, 不开發土地, 年年月月, 大話都變真理, 可笑至極, 但一般港人又樂於被洗腦, 拾牙慧, 又貪曾一番, 睇見咁嘅狀況, 令我覺得香港人真係質素勁走下波。。。
    17. 向飯民說不 2016-09-13 13:03:18
    16楼,东方打曾特首,应该同689关系不大,主要的是私人问题,以前曾特首做差佬时打击了东方的黑势力。现在东方报仇而已。
    东方一样日日黑国泰。
    香港传媒好无耻。
    18. 善忘 2016-09-13 14:42:39
    印象中沙士過後樓價跌至谷底,經濟差,民不聊生,燒炭跳樓時有所聞,數十萬人上街,救樓市之聲不絶。常特首就係咁嘅背景下去干預樓市,故有孫九招等。
    今時今日樓價高企,大家將責任推给十多年前嘅特首似乎有欠公充,或者易被人利用。



    19. PETE 2016-09-13 15:18:41


    to : 18. 善忘 2016-09-13 14:42:39
    印象中沙士過後樓價跌至谷底,經濟差...

    不敢苟同,香港社會在未有咁民萃和政治化時,為未來公屋或私樓也好,應盡量收地作儲備。他在位時好好先生,造就今日嘅困局。

    20. 2047 2016-09-13 23:48:51
    21. hongkong people 2016-09-14 10:18:09
    Pete, 

    回歸時,不民粹,老懵董一言堂,用盡土儲,連豪宅海景地都起埋公屋,居屋,亦唔見得有开發土地,增加土儲,佢無責任?