地產博客 > 文亮言 返回
瀏覽人次:32481    回應:24
文亮言
小心加息
 
湯文亮博士
紀惠集團行政總裁
2016年8月30日

  有老友問我點睇利息走勢,我話很容易睇,因為只有加息一條路,問題是幾時,老友話知道,他的意思是幾時加息,我話如果快的話,美聯儲局九月已經有機會加息,慢的話,過了美國大選,無論是特朗普抑或希拉利做總統,都有很大機會加息,老友話很擔心,我認為毋需擔心,亦擔心不來,加息的事,遲早會發生,倒不如希望美國佬早些加息,加到夠,加到他們自己都頂唔順,就會出現一個利好因素,就是減息,如果唔加息,不但這個利好因素不會出現,我們還經常被加息這個問題困擾,既然要面對,不如在有能力,有準備的時候面對。

  在去年底,當美聯儲局加了第一次息之後,不少評論員預測今年會加四次息,我話美國今年內只會加一次息,就是在大選之後,當時有記者問點解,我話很簡單,很多人都睇得出,耶倫是為了保住美聯儲局聲譽,迫不得已才加息,跟著用上了步伐緩慢來形容加息速度,所以上半年不會加息,下半年焦點集中在美國大選,大多數不會加息,直至大選之後,新總統立下馬威,一定會加息,耶倫本來尚有一戰之力,但美國唔知在那一方面的數據轉佳,耶倫現在已經放風話會加息,所以,我認為年底前加息的機會很大,大家小心加息。

  老友問我還有沒有第二個理由,他並不是太接受我所講的,我話有,不過,結果就好似黃興桂射十二碼,一係入,一係唔入,他會接受或者絕對不接受我第二個理由,就是最近沒有一個官員提醒我們要小心加息,在過去幾年,不同官員,不同時間提醒市民小心加息,結果是他們白費心機,現在沒有官員提醒市民小心加息,大家就要小心加息,老友同意,不知道大家是否同意。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2016-08-30 09:27:17
只要撤BSD,加兩厘息都唔駛怕喇,官員定過擡油。
2. 2種加息 2016-08-30 09:28:50
美元同黃金脫勾之後,有2次重大加息

第一次 

列根 就任總統初期,玩強美元加息. 最後美國政府開支太大,經濟根基唔好,2~3年之後就整個廣場協議,強逼其他國家貨幣升值,變相又玩番 "弱美元" .

第2次

克林頓年代又搞過一次加息強美元. 因為冷戰結束,美國大減軍事開支.所以加息之後,美國經濟無受到影響,可以一直維持"強美元"  直至 小布殊第2任期.
3. Desmond 2016-08-30 09:41:04
同意,看來今年加息一次的機會比較大。
4. AH-HO 2016-08-30 10:24:54
如果只說供樓,其實香港銀行已經為大家準備好了。之前好多按揭都是H+1.7%,過去幾個月時間銀行不斷減息,宜家應該去到H+1.45%,減左0.25%,就算美國真的加息,都只是還原基本步。
5. 打工仔 Andy 2016-08-30 10:31:04
同意博士睇法! 
大家都要好好部處迎接加息!
6. 無言 2016-08-30 11:55:09
息就肯定會加,係睇加幾多次同幾大幅度,總加幅不超過兩厘,問題應該不大。唱好,唱淡不及自己盤數。投資同投機係兩回事。
7. 路過的人 2016-08-30 13:03:20
請問如果美國加息,做H按揭計劃的會有多大影響。Hibor會立刻飆升嗎?還是對那些P按揭的人影響多一些呢?

之前美國加了息,香港銀行有跟嗎?
8. 123 2016-08-30 13:34:19
大多數人認同市場預期加息但股市同樓市都會穩步增長,某某魔君表示已盡放手上股票恭喜他咁有見地既明燈股樓預期繼續升
9. CD ROM 2016-08-30 16:03:08
金管局已強迫一般用家/小投資者做左加3厘息既準備, 如果要做加超過3厘的準備, 請問大家呢個情況會出現又有幾大呢???
10. 自我陶醉 2016-08-30 18:14:17
聯儲局唔知發咩神經,突然開個FB專頁,當然被人鬧到反艇,話佢壓低利息,基本上聯儲局已經冇哂信譽,特朗普曾經話上任就會炒耶倫魷魚,我係耶倫就會九月加息喇,萬一佢真係上台都唔洗即時Motorola (冇得撈喇)。九月加定唔加,梗係要睇數據喇,星期五非農就業數據可能會有啲啟示。

真係世事無絕對,仲記得舊年十月有人開開心心話耶倫就快要行負利率,之後又話耶倫加錯息,眨一眨眼,佢可能又要再加錯息多一次喇! 

11. 好 2016-08-30 18:48:31
贊成負利率,問銀行借錢仲有利息收。
12. 打工仔 Andy 2016-08-30 21:02:05
自醉兄 

有道理, 其實損人利己的事美国佬好喜歡做!
13. 123 2016-08-30 22:38:23
hk.on.cc/hk/bkn/cnt/finance/20160826/bkn-20160826161110229-0826_00842_001.html
14. 123 2016-08-30 22:48:02
匯豐同中銀減按息至H+1.4厘股市又向上升真是想樓市下跌都難
15. 自我陶醉 2016-08-30 23:00:33
打工兄,

其實佢哋只係攞大家做實驗,根本冇人試過QE同超低息,亦冇人知work唔work, 現在Fed balance sheet撐到咁大,都唔知點收科。咁多年來,實質經濟冇咩起息,QE已經證明唔work, 只係將個bubble吹得更大,有調查話美國中產階層正在消失中,一係向上流,但更多是向下流,除咗最有錢嗰班,大部份美國人都係受害者,都應該係時間要用番fiscal policy, 如果唔加番息,一推fiscal policy, 通脹就會爆上天。

16. 打工仔 Andy 2016-08-31 00:02:29
自醉兄

分析得好好! 
EQ 對實體經濟幫助的確不大, 有朋友話我知,早幾年美国佬為左救市, 佢地 EQ 以外仲大力救助當地樓市, 直至樓市翻生, 股市翻生後就無再推優惠了!

要壓通脹加息的確有效, 希望加息不會太快太多吧!

17. 香港土著 2016-08-31 00:28:57
個人認為,美國加息唔可能快,因為美國經濟只係keep住慢升。但嚟緊一次加息,「震感」會比上年嗰次强,對香港而言更甚。上次流走幾百億美金,哩次可能double。
18. 打工仔 Andy 2016-08-31 00:48:58
香港土著兄

我估走資應該不會太多, 可以咁講, 资金流入可能對冲了流出的资金!
19. 香港土著 2016-08-31 11:41:33
Mr.Andy,

好,大家各有觀點,到時賽後檢討啦。
20. kts 2016-08-31 12:01:39
美國最叻系制造一個更大嘅bubble 去冚住而家個bubble
21. 向饭民说不 2016-08-31 12:20:53

20楼,其实这个手段,美国佬一早就知道,美国开国的时候就知道了,不过因为政治原因,所以不敢明目张胆的对付自己国家人民,只有剥夺其他国家的资源了。过去几+年,我地见到了,美国佬洗劫了日本,东南亚和南美。暂时中国还是避了一劫。但是美国佬肯定是不会放手,会在中国埋下木马,到处散布谣言,然后沽空中国。

“如果美国人民最终让私有银行控制了国家的货币发行,那么这些银行先是通过通货膨胀,然后是通货紧缩,来剥夺人民的财产,直到有一天早晨当他们的孩子一觉醒来时,他们已经失去了自己的家园和父辈曾经开拓过的土地。”

——托马斯,杰斐逊(《独立宣言》作者)

22. 引刀一快 2016-09-01 20:57:38
向飯

“”
“我地见到了,美国佬洗劫了日本”

敵人嘅敵人,唔係朋友咩?
23. 向饭民说不 2016-09-02 00:35:48
引刀,又系度轉移視綫。

日本是美國的馬仔。美國佬想點洗劫點洗劫,仲有美國人强奸日本仔,日本仔仲要覺得是享受。郎情妾意,點敵人的敵人呢?
24. 引刀一快 2016-09-02 13:47:44
哈哈哈哈