地產博客 > 文亮言 返回
瀏覽人次:30946    回應:33
文亮言
萬事俱備,只欠精工
 
湯文亮博士
紀惠集團行政總裁
2016年8月29日

  樓市在年初時成交量偏低,樓價下跌,業界有人呼籲政府減少供應,否則,供應太多是會壓死樓市,我話千祈唔好,提供足夠供應量是政府責任,即使供應稍多,地產商是會調節售樓速度,如果聽從業界人士所言,減少供應,倘若樓價掉頭回升,政府又不能夠即時增大供應量,樓價就會飆升,市民又會將責任歸咎於政府,結果政府沒有聽取任何意見,陳茂波我行我素,供應由未來三至四年從八萬三增加至九萬二,仲話可能會增至十萬,本來,應該有無數反對聲音,但情況有變,大家都收口,俾心機去做生意。

  樓市在國內去庫存,英國脫歐,利息暫時不會上升,經濟環境轉佳情況下,突然間扭轉劣勢,樓價開始反彈,衝破今年初的樓價指數似乎可以說是沒難度,於是又有人擔心,現在已經增加供應至超過所需,點解樓價仲繼續上升,於是我學孔明向老友解釋,當日,曹操集結八十三萬大軍於赤壁,孔明與周瑜商量如何破敵,分別在掌心寫了一個「火」,正當他們兩人都非常開心,周瑜突然間想起,如果用火攻,以當時風勢,江東亦會被波及,如何對得起江東父老,於是吐血,但未身亡,孔明話有良方,欲破曹公,必用火攻,萬事俱備,只欠東風,佢可以借東風,請周都督學香港物業投資者,等下,忍下。

  我同老友講,欲壓炒風,需用土供,萬事俱備,只欠精工,老友唔明,其實很簡單,即是話要壓止樓市炒風,一定要增加土地供應,現在土地供應已經足夠,但要時間才可以見到效用,精工代表時間,我想用勞力士或者其他牌子,但好似冇精工咁押韻,我叫老友無需擔心,下半年新樓盤多如潮水,地產商是不會浪費購買力,樓價很快就回穩,老友話但願如此,語氣好似沒有信心,我都是一樣,不過唔等,我們又能夠怎樣。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 打工仔 Andy 2016-08-29 10:02:32
睇見標题仲以為博士講手錶, 哈哈哈! 
2. Desmond 2016-08-29 10:06:34
自從用手機看時間後,已不載手錶了。
3. 向飯民說不 2016-08-29 10:47:56
越来越少人用传统手表了,传统手表以变成了饰物,只有高价表还可以生存。

在汽车工业上,传统汽车也正面对电动汽车的挑战。这几年的技术改进。令电动汽车的竞争力大增。不能不佩服巴菲特,08年已经买入大陆汽车股,在电动汽车上大陆汽车的竞争力是非常大的,电动汽车的配套问题也只有像大陆那样才有可以大规模的发展。还有大陆可以生产出比外国人更便宜的汽车,所以日本很快会没落。
而香港人呢?嘴里日日叫大陆车会爆炸,相信又只能透过买股票,自主生产就难了,就像航拍机一样,在科技大毕业的只有去深圳先发展起来。其实电动汽车同航拍机计算是差不多的。
香港人的法律又制约了发展。只有继续发展金融业。
4. 七十後小弟 2016-08-29 11:07:01
博士的文章,有內涵,又輕鬆幽默,難怪博士人氣蒸蒸日上。
5. 鳥5 2016-08-29 11:53:20
同意,政府要打莊,錢同-貨,星架坡如是,現貨要到出年中後,精工問題。。。好貼似。。
6. 木子 2016-08-29 12:20:14
"勞力是"無止境, 只有"恆家產"是永恆
7. 向引刀‧土著說不 2016-08-29 12:55:41
想美國加息咩?香港要減息啵,你吹咩!冇料扮四條,淡友收皮。

hk.on.cc/hk/bkn/cnt/finance/20160829/bkn-20160829123118166-0829_00842_001.html

銀行開打新一輪按揭戰 傳中銀香港再減按息

08月29日(一) 12:31

【on.cc東網專訊】 銀行按揭戰升溫,銀行界消息指,中銀香港(02388)近日再減息最多10點子,由H加1.5厘,減至最低見H加1.4厘,分析認為,該行是近月市佔率被滙豐反超前後,遂趁第3季出擊,盡量爭取今年內提取貸款的客戶。

消息稱,一手物業貸款額達400萬元或二手物業貸款額達1,000萬元或以上,中銀香港的按息低至H加1.45厘;若一手物業貸款額逾1,000萬元,按息則可低至H加1.4厘。以今日1個月拆息定價0.24厘計,H加1.4厘的實際按息為1.64厘。

《東網》就此消息向中銀求證,惟暫未回覆。

有大型銀行零售銀行部主管稱,無意帶頭打按揭戰,但若同業有減息行動則會跟隨。據了解,其他大行已向地產代理「放風」,若客戶在中銀香港獲得H+1.4厘按息,可以即時「上訴」嘗試獲批同等低息。



8. 真真薯片 2016-08-29 13:38:34
其實政府冇乜貨, 幾個鐵路大盤理論上港鐵拍板就可以推, 689明年先選特首, 佢都要留返d彈藥出年先推盤做勢扮多供應, 否則明年拉票時CCL報緊150佢真係唔知講咩口號好, 但係留前鬥後既話, 依家就捱晒打, 唯有禁制叫地鐵推住個元郎大盤頂住先, 不過千零個唔頂得幾耐, 擠埋牙膏一個月應該就賣晒, 講到尾689手上冇乜牌可以出, 比人睇住黎食
9. 香港土著 2016-08-29 17:55:17
7樓地代,

減息,其實我都開心架,我會借樓按,但唔會買樓投資。
10. 向引刀‧土著說不 2016-08-29 19:11:00
9樓 : 冇料扮四條,淡友收皮,傻B引刀‧土著兄只適合以下價位咋!

hk.on.cc/hk/bkn/cnt/finance/20160829/bkn-20160829165838893-0829_00842_001.html

旺成咁?美孚事故單位都賣市價 每呎過萬 (睇片)

08月29日(一) 16:58
【on.cc東網專訊】 荔枝角美孚新邨交投勁旺,曾發生事故另類單位,呎價都過萬元轉手。市場消息稱,屋苑吉利徑單號曾發生事故單位,實用面積465方呎,發生事故後單位曾間作多個房間出租,其後原業主裝修單位自用,叫價500萬元放盤,近日以483萬元轉手,實用呎價約10,387元,屬屋苑市價。

東網就上述單位於3間大型銀行進行網上估價,但僅得一間願為上址估價,估價為約434萬元,是次成交價比估價11.3%;單位原業主持貨逾十餘年,帳面賺近360萬元。

事實上,美孚新邨本月交投轉旺。美聯吳志輝稱,屋苑本月已錄43宗買賣,平均實用呎價約10,506元,成交量較上月全月逾59%,平均呎價亦升3%至4%;屋苑蘭秀道12號中層A室,實用面積653方呎,剛售730萬元,實用呎價約11,179元。
11. CD ROM 2016-08-29 19:13:29
古語有云,窮到燶,帶精工。  博士唔知聽過未?

所以係香港,藍同白色面既勞,都無咁好賣呀。。。
12. To 11 2016-08-29 19:23:41
No correct. You can't easily get the following.

13. 向飯民說不 2016-08-29 20:37:12
10楼,不要看小引刀和土著,你看双失青年湖北旗住豪宅,开靓车,几富贵。
14. 吹水王 2016-08-29 20:39:26
To土著咪吹水啦你意思是同財仔做樓按然後將貸款投資其它D乜乜咪當呢度D人係冇常識啦,財仔年利息二十幾厘真是很想知你投資乜野有好高回報亂吹都要有邏輯呀
15. 引刀一快 2016-08-29 21:25:13
CD ROM兄

窮到燶,戴精工

闊到死,戴愛彼

豬肉屐,戴金石

打骳腳,戴伯爵

弊,唔知得罪幾多人呢?
16. 引刀一快 2016-08-29 21:25:27
CD ROM兄

窮到燶,戴精工

闊到死,戴愛彼

豬肉屐,戴金石

打骳腳,戴伯爵

弊,唔知得罪幾多人呢?
17. 引刀一快 2016-08-29 21:29:43
To 10樓

你用完我先買,保證個個月初一十五放你契家婆入去“憑吊”。
18. 打工仔 Andy 2016-08-29 22:02:45
引刀兄

仲有: 窮人帶精工, 無錢帶星晨 ! 
小弟平日都係帶精精! 哈哈哈!
19. 香港土著 2016-08-29 22:29:10
14樓,

財仔我就未借過,所以唔使同我擔心。講得樓按,梗係同銀行借啦,呃呃騙騙哩味野,留返比你d兄弟啦!
20. 吹水王 2016-08-29 22:52:04
梅姐名曲風的季節歌詞吹呀吹讓這風吹,一路係咁吹
21. 引刀一快 2016-08-30 03:40:15
Andy兄

我覺得你應該帶伯爵喎,因爲你好多好多年前已經“打骳腳”。

我呢?準備買隻海鷗戴。
22. 打工仔 Andy 2016-08-30 10:34:01
引刀兄早晨

唔好玩我啦! 香港有海鷗買呀, 不過都唔平喎! 
23. CD ROM 2016-08-30 16:21:38
12樓師兄, 呢隻宜家係香港list price已經買到啦, 你應該post最新既白地通, 果隻就真係要炒價喇.............

打工仔兄, 最新消息李首富已經轉帶星晨, 你都可以考慮下wor~~~  不過同意愛表人點都要有隻精工, 無論平貴. 當然你果隻我唔排除係全球限量50隻既Rose Gold GS.............

刀兄, 海鷗係黃金有間舖幾多! 反而係大陸我差唔多無見過..............
24. 引刀一快 2016-08-30 16:44:02
Andy兄,CD ROM兄

唔駛講,引刀隻海鷗,必須喺廣州南方大廈買,戴海鷗就係戴情懷。

海鷗係天津廠,老牌子,我要戴住隻平霸海鷗陀飛輪,坐係愛群大廈嘅窗邊,揸住隻清平鷄嘅鷄髀,飲亞洲沙士汽水,睇住珠江川流不息嘅游河船。

廣州呀廣州,大陸呀大陸,尋味再尋味。
25. 香港土著 2016-08-30 18:31:23
14/20樓才俊,

尊重下歌手得嘛?!風的季節係小鳳姐唱架!得閒聽多下LMF啦, 句句都係同你哩類才俊度身訂造架。


26. to 25樓 2016-08-30 20:08:40
都未答20幾厘息你點俾架?
27. 打工仔 Andy 2016-08-30 20:56:18
CD 兄
幾皮買精精不如買勞!
28. 香港土著 2016-08-31 00:06:41
26樓天才,

麻煩去19樓望望,答左可以再答乜春呀~~~ 銀行樓按點解要20幾厘?
29. 引刀一快 2016-08-31 02:38:48
香港土著兄

呢個係屈原嘅遺裔,譯名為:

屈德鷲· 屈。

另外,風的季節呢首歌,佢冇話原唱係Solar已經好好。


30. 香港土著 2016-08-31 07:07:21
刀兄,

你地講錶講得真開心。我就完全冇研究…… 老婆中意男裝錶,所以買左幾隻一齊帶。
31. 引刀一快 2016-08-31 10:20:58
香港土著兄

尊夫人咁野性嘅戴錶方式,又真係幾有土著feel喎,哈哈。

我完全唔識錶嘅,貪得意答下嘴啫,不過兩年前就睇中海鷗陀飛輪,好平,三千有找,玩味中國,我相信會係未來嘅潮流。
32. 打工仔 Andy 2016-08-31 10:34:18
引刀兄

海区 準嗎? 
33. 引刀一快 2016-08-31 10:41:19
ANDY兄

戴錶,需要準嗎?

想準就帶蘋果錶,網絡校正,識得閏秒添噃。

海鷗係一種情懷,換個角度,就係唔捨得畀十幾皮嘢買名牌,畀兩三千扮吓文藝青年都好吖。