主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 33508    回應 : 28
文亮言
雞,全部都是雞
 
湯文亮博士
紀惠集團行政總裁
2016年8月22日

  最近有一隻只得一句話的歌大熱,但我叫男同事唔好對著其他女士唱,叫女同事千祈唔好唱,開心的時候百無禁忌,一定沒有問題,如果大家執著,隨時反臉都有可能,唔使我講大家都應該估到,那首歌一定是「雞,全部都是雞」。

  樓價回升,絕大多數評論員,分析員都大跌眼鏡,我當然亦不例外,有老友話我乜咁雞,我唔明白,原來佢話我水皮,樓市唔係升就係跌,咁容易估都估唔中,我當然不能夠反駁,不過,我又不擔心俾人話雞,因為我是雞,全部都是雞,或者我這樣說是不對,亦有幾個人或者基金預測今年樓市會上升,例如大摩預測有5%升幅,林一鳴以及汪敦敬亦能準確預測樓市上升,他們在加息陰影,供應大增,經濟環境不佳的情況下,仍然預測樓市有升幅,不能夠不配服。

  雖然有評論員話有一些因素是估計不到,所以未能預測準確,例如來自國內購買力,英國脫歐等,我認為我們毋需找藉口來掩飾預測錯誤,基本上在國內去庫存之後,就應該知道有大量購買力從國內湧至,無論豪宅,商業大廈,甚至細價樓均有捧場客,在需求突然上升,令到那些打算賣樓的人封盤不賣,盤源缺少,做成樓價上升,至於英國脫歐,令人覺得美國在兩三年內不會加息,耶倫示曾經講過類似說話,其實,美國是否加息與英國脫歐無關,最主要是睇美國自己經濟情況,各項數據是否理想,美國政府以及人民是否能夠抵擋加息,所以,即使在年初時能夠預知英國脫歐,都不會預測不加息,香港樓市上升,而事實上,今年初預測樓市會下跌的人,包括在下,全部都很水皮,毋需猾辯,雞,全部都是雞,在這篇文章,雞是形容非常水皮,並不是大家平時所想的意思。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 舍神 2016-08-22 09:28:56
已很了不起了,湯生大度識自嘲而已。
任何對市場的預測,細浪是無法預測的,一年的變化跟本在整個大勢是微不足道。

今早有報道說深圳已超香港,幾年後貴過香港,是指日可待。大家可靜思下未來5年或十年的大勢。
2. 引刀是只雞 2016-08-22 09:30:41
引刀是羣雞中的雞王。
3. 啦啦隊 2016-08-22 10:41:35
的確係呢,引刀從來都無估中樓市走勢,都算係雞群中嘅戰鬥機,一出戰就墮機果隻。
4. Alan Pepper 2016-08-22 11:16:36
博士,你都係叫人2015年唔好買樓啫,全中啊!
5. Alan Pepper 2016-08-22 11:25:43
博士,我有朋友2015初年將自己的物業賣出,因為已經賺過百萬,本來我叫佢唔好賣,一邊交租一邊收租,但最終將物業賣出。我叫佢盡快搵返啲嘢買,起碼有一個對沖,個月交租唔係辦法。佢呢半年都好積極睇樓,但最終都冇下決定。

本來上周末他打算買樓,但說樓價已經升左15%,錯失了 2016 年最好入貨機會,覺得好唔抵。請問博士及各位有什麼高見給我這位朋友呢?長遠來說,我都係叫佢買,但只差幾天,就已經貴了咁多,好難同佢開口。而且又唔關我事,你係出於關心,怕好心做壞事呢 😅
6. 股票投资人 2016-08-22 12:59:40
個人感覺, 香港仍然是一個吸引人的城市, 仍然有其他地方人過來香港生活工作
7. LYC 2016-08-22 14:12:40
只差幾天,已經升了15%。隔離個傻仔還在吹現在跌了兩成!
再過多幾個月,咪再升多150%,哈哈!
8. 路人甲 2016-08-22 14:17:13

最近又入貨了! (^^)
人棄我取!
各自換貨!

希望不要升咁急......還想再入..... (DREAMING) 呵呵
9. 二少 2016-08-22 14:29:15
恭喜路人甲兄,我都入咗票……
10. Eclipse*~ 2016-08-22 14:44:35
我下屬同佢屋企人今年三月買咗元朗某大屋苑(三房大單位)、低至 $6000 呎。而家佢哋放緊間幾年前買落嘅 Yoho Town(兩房)貼緊市價、係咁有人睇...所以話 timing is everything  
11. 鳥5 2016-08-22 16:48:02
博士, 唔好話自己雞喎 ,大方好冇錯喎 !短期升跌 只有神知 !你話呢嗰跌果時 李超人都冇乜買個地 ,估貨就多
12. 鳥5 2016-08-22 16:48:03
博士, 唔好話自己雞喎 ,大方好冇錯喎 !短期升跌 只有神知 !你話呢嗰跌果時 李超人都冇乜買個地 ,估貨就多
13. 金樓玉衣 2016-08-22 16:49:43
到左今日, 仲估今年樓市會跌既, 係雞都不如.
14. 引刀fa1 2016-08-22 17:36:49
一定會係雞,係死雞,死雞撑饭蓋。

15. 收買佬 2016-08-22 17:46:06
>到左今日, 仲估今年樓市會跌既, 係雞都不如.

why not ? 我又唔信只升不跌。水浸下樓房步向金融產品化,爆升暴跌好閒事。各國政府唔係睇到呢點都唔會咁多行政手段去控制波幅啦。

利申:得供晒的自住樓,打算入市。賭氣估計CCL先見70,殺一輪然後再直升200+, Hehehe :)
16. CD ROM 2016-08-22 18:11:24
我有少少相反意見, 如果樓買來係要用的話, 真係唔好太被外在形勢所形響...

特別係好多地理限制既話, 其實盤源好有限, 氣氛差指數低果陣, 你想要既地方可以無盤或只得d差貨... 咁比你睇中市又如何呢?
17. Sam 2016-08-22 21:13:18
引刀係隻儍雞
18. 引刀一快 2016-08-23 01:33:41
日日換新名果D,係咩?係鵝,哈哈哈哈
19. 引刀一快 2016-08-23 01:40:00
16樓 CD ROM兄

自己嘅使用價值,同市場上租客嘅使用價值,往往係混淆嘅。

所以我一直話剛需隨財需走。
20. 收買佬 2016-08-23 09:57:47
>我有少少相反意見, 如果樓買來係要用的話, 真係唔好太被外在形勢所形響...

的確係,不恰當點講,當買咗公用股,放係床下底and/or定期收息咁~~

但"投資與投機"嘛,真係每個人&每個盤都不同計法了~~
21. 收買佬 2016-08-23 09:59:59
>日日換新名果D,係咩?係鵝,哈哈哈哈

其實引刀大佬你得罪咗佢哋d 乜?你老人家所講的都係一派之見,唔啱聽就唔聽好了,犯不著洗板式圍插呀?(小弟所見有感,不喜請勿插插啊)
22. to 21. 收買佬 2016-08-23 10:23:49

為什麼你大佬引刀會比人圍插? 因為佢既無恥, 論壇人盡皆知, 你, 真係跟錯大

 

23. 引刀公公 2016-08-23 10:28:56
to 21. 收買佬

引刀個的9up都可以叫一派之見? 以引刀公公說法, 一係你係佢分身, 或者你同佢一樣on 99.

24. 向飯民說不 2016-08-23 11:20:10
22樓,美國民主基金會爲達目的,不擇手段,在各個討論區,都會有幾個卑鄙無恥的打手。說的話似是而非,喜歡放毒,放負能量。他們的目的不是和你爭論,而是洗一些無分析能力的腦。就像香港的廢青,估計有10萬人被洗腦到不懂分析是非黑白。他們甚至大聲的叫要發動革命。

大佬,香港的人均壽命是全世界no1.説明香港的整體生活水平,醫療水平,住屋水平平均全世界no1. 就是住屋,也不是差。甘仲搞咩革命。
25. 哈哈 2016-08-24 21:22:03
呢度真係好多連無腦廢青都不如既畜生

佢地係俾狗更低等因為狗野食唔會鬧人,畜生係為左野食乜都會做

26. 向饭民说不 2016-08-25 00:07:34
一個岩士唐食足十八年,獎牌無數
佢一個都完勝中國啦

27. 向饭民说不 2016-08-25 00:11:01
美國人爲達目的,不擇手段,我越來越相信。

幾年前,有人說911是美國人自編自演自導,我當時會說胡説八道。

但是今日我會説,不可能排除這個可能,因爲美國佬這個惡霸,這些拜上帝的,都是非常狠,什麽事都敢做。
28. 我愛火酒 2016-08-25 16:49:12
沽空自住上唔番車就要食雪雞