主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 31483    回應 : 9
文亮言
中國女排是否用上了洪荒之力
 
湯文亮博士
紀惠集團行政總裁
2016年8月19日

  中國女排爆大冷贏了巴西,有評論員話中國女排用上了洪荒之力,這個說法我同意三分一,落場的球員的確用上了洪荒之力,另外三分一應該歸功於教練郎平夠膽起用新人,連惠若琪都只是間中做發球手,落場的球員大多數是新丁,沒有大賽經驗,亦沒有心理包袱,只要不被對手將績分拋離,在最後關頭就會超越對手,在足球場上這種戰略被弱隊廣泛使用,以巴士戰術守至最後十五分鐘,然後反攻,到那時候,強隊比較心急,只會強攻而疏於防守,隨時有機會被弱隊取勝,巴西女排在第五局後段就出現這個弱點,為求取勝,開波就比較進取,連失兩個發球,為輸波埋下伏筆。

  巴西隊亦為中國女排贏波送上三分一功勞,她們所屬組別比較弱,巴西隊五戰全勝兼不失一局,導致有驕兵心理,對手又是在另一組別排第四,以為又是另外一場3比0,教練亦沒有制定克制中國隊打法,當輸了一局時才發覺自己是可以輸波,心理在來不及調整之下多輸一局,最後輸了給中國隊,我認為如果巴西隊稍為重視中國隊,將取勝戰果制定在3比1而非3比0,當她們被扳回一局,心理上就不會受到重創,再打一次,我都認為巴西隊可以輕易擊敗中國,不過,比賽就是這樣的,值得一提是巴西一名肥仔觀眾,在第五局巴西隊落後時喊得淒慘,睇到都傷心,中國隊擊敗巴西之後,下場對荷蘭,準備坐亞望冠,今晚睇波。

  在物業投資場內,當市況向好時,我們不時見到一些長勝將軍發表言論,所有不利因素都可以視而不見,當市況調整,即使幅度不大,他們便不知所措,將不利因素放大,急急忙忙沽售手上物業,在市況調整後回升便怨天怨地,甚至退出物業投資市場,這是長勝軍弱點。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 向饭民说不 2016-08-19 15:07:52
中国赢荷兰啦。
2. CD ROM 2016-08-19 16:07:51
尋晚塞爾維亞也贏了美國入決賽, 十分精采~~~ 靚女主攻手吸晴之餘, 還有MVP的表現!!!
3. Tony lam 2016-08-19 19:06:36
美國婆跌棒、都即時嚟過、單跑計時、前所未見、如果老表話跑過、實比人話唔識國際標準。

美國泳手作古仔老屈人打劫、咁老練咁淡定、仲夠膽話衹因年紀小 ?  調轉係老表實比人唱到全民皆賊。

呢D就係真正洪荒之力嘅表現、唱衰自己國家、出到去人地衹會當你係契弟。

由窮到富由弱至强、以前食硬你、而家冇得耕、心理點可能平衡 ! 而家個個酸溜溜、人人眼紅紅、證明中國有料到 ! ! !
4. 引刀一快 2016-08-19 21:25:26
作打劫故仔呢單嘢,巴西官方將事件曝光咗,而唔係暗啞底河蟹,已經係好有骨氣。後面果句唔駛我講埋岀嚟喇,此乃腸也。

中國金牌倉全面俾人削牌數,為咩冇聲出?人人酸溜溜但係唔怕你,正係最痛苦嘅地方,最嚴重嘅問題,外交事倍功半。

大陸微信全民都睇緊憤概緊嘅嘢,香港人亦應該關註下。

好多大陸人自己都檢討緊,呢樣嘢難能可貴。


5. 西瓜波 2016-08-20 10:49:48
加息啦!        加息啦!        加息啦!
今年加2次,下年加5次。
6. 洪荒之力 2016-08-20 13:48:25
哈哈我只知道為了打擊樓價,香港政府已經盡力洪荒之力。
7. 引刀一快 2016-08-20 21:51:29
紅潮之力,力壓洪荒之力,中國咁深厚嘅中醫學問,點解唔用中醫手法推遲?

中國前幾屆女團花劍,個女仔俾人連刺十幾劍,贏緊嘅分輸凸,明顯又係大姨媽顯靈,好嘅唔靈醜嘅靈。
8. 西瓜波 2016-08-21 14:47:18
話政府已用盡洪荒之力去打壓樓價真係笑死人,如要樓價死,政府兩三吓政策就已經玩完啦,傻仔。
10. 引刀一快 2016-08-21 16:50:52


衷心感謝世界球壇第一巨人,驚世比利烏鴉嘴為中國女排發出最有力援護攻擊。

中國女排,繼續加油!