地產博客 > 文亮言 返回
瀏覽人次:36596    回應:90
文亮言
現在賣樓的人是自以為了解樓市
 
湯文亮博士
紀惠集團行政總裁
2016年8月16日

  近日樓市回暖,不但樓價上升,而且成交量大增,同時間銀主盤減少,証明現在賣樓的人,大多數是業主而非銀主,理論上業主是毋需賣樓,有人問我點解會有人賣樓,我話很簡單,那些人大多數是賺到夠,就算唔等錢用,都賣樓套現,大家可以睇到,不少現在出售物業都是在2003年買入,有數倍甚至十倍升幅,買樓亦是明智決定,他們當然不是睇淡樓市,何況他們還有其他物業,賣走一個半個,逢三退一而已。

  不過,亦有很多現在賣樓的人自以為很了解物業市場,認為樓市不會繼續上升,美國有機會加息,香港經濟環境不佳,供應源源不絕,而政府又不會撤招,種種不利原因將陸續出現,所以他們賣樓,這叫做因了解而分手,不少人在離婚時所講的說話,原來作為賣樓理由一樣講得通,那些人有一個共通點,就是當他們賣樓之後,就會對其他人發出警告,並以身體力行為現身說法,其他人又怎樣能夠反駁,其實,要反駁就非常容易,因為他們已經沒有持有任何物業,他們睇淡亦是正常,反之,他們睇淡又唔將物業賣走才不正常,一個市場,有買有賣,有合理成交量才是健康,任何人評論巿場,只不過是他個人的觀點與角度,不會有人真正了解市場,因為,市場亦會因人類行為而波動,以恐懼而言,可以令人買樓,亦可以令人賣樓,所以才會有成交,如果市場訊息是非常清晰,反而會做成一面倒情況,會令樓價飆升或者急跌,視乎訊息的定位,現在,市場出現買賣訊息並不明顯,那些賣了樓的人,只不過是他們自以為很了解市場。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 123 2016-08-16 10:55:29
其實現在業主賣樓並不覺得是不正常或自以為是的行為 ,如果只是揸貨不出等同紙上富貴
2. to 傻b 2016-08-16 10:58:24
其實,要反駁就非常容易,因為他們已經沒有持有任何物業,他們睇淡亦是正常,反之,他們睇淡又唔將物業賣走才不正常。

廣州傻b仲唔快d賣廣州樓?唔賣,一系你不正常,一系你心地壞,自己唔賣,成日系度叫人地賣,吹跌個市,自己入貨。
3. 金樓玉衣 2016-08-16 11:02:32

引刀, 今日湯生篇文駁到你應一應.

引刀咪成日睇淡大陸又唔將大陸物業賣走, 我一早話咁係inconsistent, 大家睇睇湯生點講"他們睇淡又唔將物業賣走才不正常"

另外, 昨天引刀又叫人睇睇成交量先好講. 今日湯生答你"近日樓市回暖,不但樓價上升,而且成交量大增"

3. 引刀一快 2016-08-15 14:01:16

二手盤又唔同一手樓,業主鍾意一個電話就去馬,一個電話就可以收番。,二手盤量絕對同市況有關,非常彈性。

睇睇成交量先,放盤少係因爲業主睇勢封盤,還是係賣晒?

香港人數目係咪突然多咗,還是俾大陸同胞買晒?
4. 引刀一快 2016-08-16 11:05:15
怪之班嘍羅猛齣口術造勢喇。
5. 引刀一快 2016-08-16 11:06:19
怪之班嘍羅猛出口術造勢喇,原來係咁。
6. 引刀一快 2016-08-16 11:12:57
金樓,你意思係,湯先生叫人賣自住樓?
7. 引刀一快 2016-08-16 11:14:40
答咗我先喇,咪又做逃兵呀嗱。
8. to 引刀 2016-08-16 11:17:05

引刀請不要侮辱湯博士, 在人地論壇尊重別人, 亦是尊重自己. 湯博士一直無私奉獻, 你話湯博士要班嘍羅出口術造勢是什麼意思? 湯博士到左今日仲要出口術? 你引刀真係狗口長不出象牙.


5. 引刀一快 2016-08-16 11:06:19
怪之班嘍羅猛出口術造勢喇,原來係咁。
9. 引刀一快 2016-08-16 11:19:00
金樓,“成交量大增”係比例上,要同二手盤量跌幅對上的話,就要攞個實數嚟做參照。

香港土著兄話你弱,你就應該嚴謹D,咪俾人睇死先得㗎。
10. 路人甲 2016-08-16 11:19:23

或者啲人係出左D樓, 換馬呢 ! 娃哈哈! 
愈換愈大!!
逢3退1  !!
11. 金樓玉衣 2016-08-16 11:25:20

引刀, 玩我唔緊要, 請不要玩湯生, 請問湯生邊一句叫人賣自住樓?

你又不是第一天在此論壇, 應該知道湯生從不會叫人賣自住樓. 你唔尊重前輩, 我亦不想再跟一個品格下九流的人討論.

最後贈你一句, 湯生之前都講過的: "尊重別人即是尊重自己", 你自己好自為之.


6. 引刀一快 2016-08-16 11:12:57
你意思係,湯先生叫人賣自住樓?
12. tree gun 2016-08-16 11:29:07
引刀, shame on you, shame on you.
13. 向引刀‧土著‧黑馬‧自醉說不 2016-08-16 11:48:35
上述幾位傻B淡友覺得港樓冇前景,持有或購置物業並不能得到閣下預期的 平安、快樂 的話,大可以將資金帶去期貨市場,投資於 玉米、黃豆、黃金、恆指 之類,時間短、回報高等特性市場。更加沒必要花時間上地產網研究院,研習幾年時間於香港樓市,虛耗寶貴的發達光陰,浪費每天可於大酒店享受左攬右抱、歡樂自助餐飲勝乾杯的美好時光,更沒必要上地產網冇料扮四條由朝到晚廢嗡!並且就由得香港班業主資產階級『戇居茂利不知所謂』吧!
14. 人在天堂 錢在銀行 2016-08-16 12:12:34
認同, 舊樓唔放, 就冇人會接舊樓。

新舊同價, 年輕人應多買新樓... ...

地產商開心, 年輕人開心, 舊樓業主又安心... ...呵呵 -.-"
15. Tony lam 2016-08-16 14:19:32
論壇變成地代/高位攬咗砂炮嘅友仔、同冇樓友開片擂臺、冇樓友望跌等上車、地代就認為唱跌壞佢衣食、真係跌時冇樓友會更猶疑、再爆上成交衹會更淡薄、地代仲頭痕。

高位出現大成交時就要小心、但而家成交咁淡冇洗擔心、有貨繼續揸住開心、投資者實識計過睇幾耐想賺幾多先落叠、自住比得起唔會錯、但睇到人地撈到底、但自己摸咗頂、就會浪住好多年 !
16. 向引刀‧土著‧黑馬‧自醉說不 2016-08-16 16:49:40

中聯辦掃樓,中資上市機構在港掃樓又「掃地」,清潔香港(淡友)冇煩惱。

樓市GOGOGO上火星。

hk.on.cc/hk/bkn/cnt/finance/20160816/bkn-20160816163429369-0816_00842_001.html

國務院已批准《深港通實施方案》

08月16日(二) 16:34
  • 【on.cc東網專訊】 據內媒報道,國務院總理李克強表示,國務院已批准《深港通實施方案》。

    18. 紅魔鬼 2016-08-16 16:58:50
    今天,我夠膽講,係脱歐後買左樓既人,壓力ㄧ定比冇樓既人壓力大好多,你地可以話我錯,但係事實就是這樣。
    19. 123 2016-08-16 17:27:54
    若只是低成數按揭貸款的業主根本沒有甚麼壓力買樓基本上是長期投資而冇樓的人從來沒有參與何來壓力呢等同沒有買賣股票恒指升跌都跟他有何關係呢!
    20. 換貨? 2016-08-16 17:33:29
    如果你有層市佢嘅次級樓(非自住但過了SSD,銀行估價已高過買入價)、你會趁而家賣樓換貨(換一層平D細價樓放租)還是係放租? 還是係賣咗佢放返錢落股票? 深港通應響了我哋嘅 decision...
    21. 紅魔鬼 2016-08-16 18:03:32
    其實乜通通都好,都係將大陸既錢走去香港溝亂,絕冇好處,趁係最後ㄧ個好消息,醒目既就要跟風散貨,10月15日,世紀金融凶兆日。
    22. 紅魔鬼 2016-08-16 18:07:27
    123

    真正買左樓而冇壓力既人有幾多吖?唔好自欺欺人啦。
    23. abc 2016-08-16 18:08:22

    22. 紅魔鬼

    多既我就唔識, 論壇就起碼有一個叫引刀既, 佢話自己大陸大把樓, 佢老哥有能力, 所以冇壓力. 你可以請教下佢.


    24. 林師奶 2016-08-16 18:25:34
    希望你能接受我所說的事實。

    我是2014年3月份買了自住樓的,沒有自己的房子時,每一年多就要想著搬不搬家的問題。我們一家是因爲孩子讀書從港島搬去沙田,再搬去大埔。我一家已經是比較好運,一個單位比一個單位大,房租幾年都沒有增加。但不確定性有時候帶來了不安與壓力。而我年紀開始大了,對搬家開始有點厭煩,想穩定一些。

    而我下定決心買樓是因爲我個女跟我說; 媽媽,家小一點不要緊,不要再搬就好了。

    買了房子最初就怕房價掉,怕老公埋怨我,但過了2年多,大家還是覺得挺好的。買了是有點壓力,但不賣也同樣有壓力的呀!2年過去,就算樓價漲了掉了,都有點處之泰然。

    我聽過一個很好的比喻:一隻鷄蛋,如果外面受壓而破,是生命的結束,如果裏面受壓而破,就是生命的開始。

    如果你自己準備好,就找應該讓自己受點壓力,不要被動等生活壓力來毀你。
    26. Jonathan 2016-08-16 18:33:11

    希望大家理性讨论。不要再人身攻击了。

    紅魔鬼兄:

    我正正就是汤博士所说那些卖了大陆楼换马,5月买了香港楼的人,亦在脱钩前买。可以告诉你我们的leverage 非常低,根本未惊过。我肯定一定不是唯一一个,你知道有多少我们这种人吗?




    27. Jonathan 2016-08-16 18:39:30

    没有论据盲目唱淡,攻击别人,倒不如好好看看人家的留言,多学习才有上车的机会。

    28. 123 2016-08-16 18:39:45
    阿紅魔咪扮醒目啦你係已經買了樓的業主肚內條蟲咩知道人地有壓力其實人地内心不知道幾開心上了車呀N冇
    29. 二少 2016-08-16 18:49:49
    事實係我剛剛係7月入咗件全新貨,仲諗緊好唔好FP,因為銀行建议我點都做少少按揭.而新樓佔總值約5%,你話有幾大壓力?萬一有人幫我俾埋DSD仲正.
    31. 紅魔鬼 2016-08-16 19:30:06
    JJ仔
    唔好意思,我唔使學習上車,我98年已經上車,實用900呎,460萬,11厘半,供15年供到PK,自住,就算預左今年大跌都唔賣。
    買樓係長線投資,做好友唔緊要,要理性分析,咁你分析下比大家聽,㸃解必須要在2016年上車呢?
    32. 紅魔鬼 2016-08-16 19:38:48
    金樓
    好明顯最尾係有眨低賣左樓既人,可能你係fan屎,你唔覺。

    33. 123 2016-08-16 19:41:33
    冇樓既人係唔知業主心態的
    34. 紅魔鬼 2016-08-16 19:43:33
    8樓唔知點稱呼你
    你知唔知湯生最近寫左幾多篇文鬧政府唔減辣呢?你話佢有乜用意呢?呢D叫唔叫出口術呢?
    35. 黑馬 2016-08-16 20:01:35

    朋友,市場,有買有賣,有贏家有輸家,有smart money,有羊群心理和水魚,所以做市要講技巧,唔好亂噏,嚇走D水魚。

    李生賣樓,都唔願意再買地 --- 你認為他是笨嗎?

    李生點會比你X !!

    36. 123 2016-08-16 20:35:30
    紅魔鬼係咪7月14日正日上身呀語無論次
    37. to 35/F 2016-08-16 20:44:39
    做人千萬不要猜測大人物的心意。沒有人認爲李生是笨人,但人家爲什麽做這不做那,肯定有他自己的原因,而真正原因跟你猜測不一定有關係。你應該跟我一樣,跟他都沒有什麽關係。否則,你應該沒有空在這裏吹水。

    什麽贏家輸家,smart money,羊群,水魚,做市和X等,都是你個人意見,有更多是馬後炮。
    38. Jonathan 2016-08-16 20:46:35

    紅魔鬼兄,

    我说没上车不是说你,你不用对号入座。我没讲2016必须入市,只不过说出汤博士所说的我们这班人确实存在,而且为数不少,是其中一班香港楼市的新力军。我们目的是想把RMB资产换回港币资产,并不如你所说的所谓惧怕。

    我们很多都是2009年或之前入市, 经过上年的爆涨,由于怕RMB贬值,加上之后有自住所以换货。

    说话客气些,多听人家的故事,会懂得更多。


    39. 廣州小賓州引刀 2016-08-16 20:52:02
    我剛買了樓,賓州系甘唱跌市,心地吾好又黑心,見人輸錢賓州就最開心,心腸壞吾怪得賓州甘短少, 遲d縮埋入去做女人
    40. 烏5 2016-08-16 21:04:13
    同意黑馬。李生賣樓 5買地又5似係唔係蠢。
    41. 十九大少 2016-08-16 21:52:57
    論壇最淡的引刀,都明白無論乜價位都不能放自住樓,並身體力行。我真係唔明為什麼還有淡友信條神棍,叫人唔好買自住樓?
    42. 哈哈 2016-08-16 23:05:07
    太多廢物狗喺度各自自high

    資本主義一完排隊上icc

    熱切期待
    43. 真係唔明 2016-08-16 23:43:31
    Admin係咪收咗工? 點解39樓的留言都出得街? 現在莫非又變番無須審查?
    44. 香港土著 2016-08-17 00:32:25
    博士,

    「現在,市場出現買賣訊息並不明顯,那些賣了樓的人,只不過是他們自以為很了解市場。」

    同樣道理…… 既然現在市場出現買賣訊息並不明顯
    ……那些買了樓的人,只不過是他們自以為很了解市場?
    45. 香港土著 2016-08-17 00:37:51
    24樓林師奶,

    期待你繼續留言/討論,等大家多個成功個案做參考。
    46. 引刀一快 2016-08-17 00:40:19
    41樓 濕九大少

    咪做我代言人,我D貓仔狗仔屋,價夠好絕對放,人地俾個價值得我花時間揾地方放狗仔,我一定賣。
    47. 引刀一快 2016-08-17 00:46:30
    哈哈哈,39樓個筆名真鬼馬,咪改呀!
    48. 香港土著 2016-08-17 00:48:02
    27/38樓,

    你真勁!我識得大部份簡體字人都唔識睇繁體架,你連我地d港式口語都明,高水平。!

    仲有,我d土豪朋友基本上唔會睇繁體字網架,你真係中港文化融合典範。快d介绍多d親友上嚟交流啦。
    49. 引刀一快 2016-08-17 00:55:48
    27樓 Jonathan兄

    近兩年嘅淡友全部都有論據,係你地視而不見啫。

    你話賣大陸樓換港樓,請問駛唔使俾DSD?大陸樓係咪賣曬?賣嘅大陸樓是否有按揭?係咪限購嘅一線?

    我諗你明白我提問嘅用意。
    50. 引刀一快 2016-08-17 01:00:05
    29樓 二少

    你仲買唔買?我幫你揾創新高盤,你買我就俾DSD。
    51. 黑馬 2016-08-17 01:06:44

    朋友,市場,有買有賣,有贏家有輸家,有smart money,有羊群心理和水魚,可以出口術吹起個樓市。不做足功課,高價買樓,低價出貨係水魚,任何投資市場都有 --- 所以做市要講技巧,但沒有料唔好亂噏。

     

    李生賣樓,都唔願意再買地 --- 你認為他是笨嗎?

    唔好亂噏開玩笑,李生肯定聰明 !

    52. 黑馬 2016-08-17 01:07:35

    朋友,市場,有買有賣,有贏家有輸家,有smart money,有羊群心理和水魚,可以出口術吹起個樓市。不做足功課,高價買樓,低價出貨係水魚,任何投資市場都有 --- 所以做市要講技巧,但沒有料唔好亂噏。

     

    李生賣樓,都唔願意再買地 --- 你認為他是笨嗎?

    唔好亂噏開玩笑,李生肯定聰明 !

    53. 引刀一快 2016-08-17 01:14:03
    林師奶

    你唔介意樓價上落,又買得起,冇問題咯,最怕就係嘉湖果位叫人食屎嘅師奶,買咗就一味諗住唔駛個個月交租,以為賺咗,一旦樓市有乜風吹草動,就成個跳起,歇斯底里,無他,就係因為,唔想蝕錢,係剛需剛需剛剛需。
    只要樓價有足夠跌幅,之前所打嘅如意算盤就全盤否定。
    真正唔介意樓價的話,買乜揸乜都冇問題。
    54. 路過的人 2016-08-17 08:43:33
    也不知道大家吵什麼。

    我看引刀和土著都不覺得林師奶/或Johnathan個案買樓有問題。博士就是說現在高價成交,這