主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 26406    回應 : 9
文亮言
最佳的服務就是供應充足
 
湯文亮博士
紀惠集團行政總裁
2016年8月11日

  在服務行業有一句格言,就是顧客永遠是對的,大家亦知道,這句格言根本不對,如果沒有底線,顧客的要求便會是無底深淵,直至服務不能負荷為止,其實,服務行業的格言應該是提供最佳服務,不過,究竟怎樣才算得上最佳服務。

  早幾年,在中秋節前兩三個星期,我在半島嘉麟閣晚飯,大家都知道,那裡的月餅是非常出名,有錢都買唔到,經理亦引以為傲,不斷重複講及他們的月餅,我見他如此落力推銷,於是話買幾盒,誰不知經理話早已賣晒,我心想,既然沒有供應,點解仲要講咁多,不過,我講的說話不是我心想的,我問經理,半島酒店的格言是什麼,經理聽到之後,將他自己留起的兩盒月餅送給我,但我所付出的小費比月餅價值多得多,當經理行開之後,友人問我半島酒店的格言是什麼,我話,任何酒店格言就是向客人提供最佳服務,而半島酒店的最佳服務就是供應充足,他們基本上不會介紹客人存量只得一支的餐酒,即使得一個客人都唔會,因為如果客人要求再開多一枝,而得到答案是沒有,唔會有客人認為他得到最佳服務。

  政府在去年中至今,不斷向市民派定心丸,將未來三至四年供應量不斷提升,從八萬二到九萬二個單位,甚至有機會增加至十萬,本來,提高供應量有利增加成交量,物業代理界應該歡迎,但今年上半年成交量偏低,樓價亦下跌,代理界有人叫政府減少供應,否則,在龐大供應量之下會壓死樓市,我認為政府暫時毋需減少供應,因為提供足夠供應量是政府責任,如果因為供應不足而樓價飆升,政府是沒有辦法即時增加供應,要壓低樓價惟有出辣招,好彩政府沒有聽取那些意見,否則,現在新樓熱賣,二手樓價飆,就會有人將責任歸咎於政府減少供應,其實,政府的責任是服務市民,在房地產方面,提供足夠供應量便是最佳服務。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 金樓玉衣 2016-08-11 11:57:11
歸根究底, 問題是錢太多, 其他金融投資工具無法承載海量的財富.

雖然經濟差左, 但只要失業率無升, 打工仔未駛食老本, 財富於是無少過. 樓市唔可能大跌.

2. 紅魔鬼 2016-08-11 13:19:33
湯生今次講得好啱既係政府是服務市民,香港已經有好多人上唔到車,但係湯生不斷利用傳媒去鬧政府要求減辣,引用湯生文章ㄧ句“好彩政府並没有聽取那些意見”,否則,又會比人感覺官商勾結。

其實而家見到咁多成交來來去去都係嘉湖及沙田第ㄧ城既陳年細單位,其實真係好悲哀。還有而家急於上車嗰班人,聽到發展商話全新單位貼地價唔使200萬,D人就盲目死衝入市,如果計算每呎樓價幾多錢,就知是否貼地價,各位小心至上。


3. 浪子心聲 2016-08-11 13:28:19
金樓兄:

我個人認為不是錢太多,而是樓市長期供應不足,令香港房地產在過去30年成為最佳的投資和保值工具。

基本上,至80年代中英簽署聯合聲明後,由於有賣地面積的限制,香港樓宇就開始供應不足,就算97年後,董先生又停了8萬5政策,曾特首更停止土地開發,香港30年長期維持土地供應不足,這樣保證了香港房地產作為最佳投資工具的條件。

正如之前我提過,香港在2015開始進入「土地穩定供應年代」,未來房地產未必是最佳投資工具,甚至未來有一段時間是慢慢跌,跌得快咗就會升啲,好像近期的小陽春。

現在是香港從「高地價年代」轉向「土地穩定供應年代」的過渡期,現在的小陽春應不能持久向上,我還是認為香港房地產市場己有本質的改變,大家都喺睇清楚好啲!
4. 引刀一快 2016-08-11 16:17:38
浪子兄

單係一個兩地融和,香港人可以考慮嘅居住範圍升50倍都唔止。

都唔知D港獨份子係咪好友扮嘅,哈哈哈哈哈
5. 紅魔鬼 2016-08-11 18:43:07
原來呢個網係唔可以容納我既意見
6. 黑馬 2016-08-11 19:28:53

朋友,政府賣既係麵粉,地產商有家底,有實力,有戰術,並且還有票。

所謂穩定,不過係地產商可以穩定去貨 --- Cash is King !!

在商人的眼中,CY的心計祇想要連任,沒必要太認真 --- 大家可以放心。



7. 紅魔鬼 2016-08-12 04:08:46
好多謝貴網頁show返我D意見。

其實好多多多多人都話,而家日本英國係到印銀紙,美國又好難加息,ㄧ路維持低息,會令資產上升,所以人人都搶買樓,另樓價節節上升,其實係啱喎,不過如果你今時今日咁諗,就係小學雞,因為係人都知啦,使乜你講呀!!!但係有好多人都話(包括我)樓價好快死,點様先知道幾時爆煲呢?如果想學多D野,check下乜野叫Libor,同埋睇下最近Libor息口走勢,你就知道。

我預期10月中就真真正正面臨ㄧ個世紀大股災,因為Libor好明顯已經反映左,ㄧ連串既骨牌效應,到時息口幾低都好,樓價都係必死無疑,相不信由你。

8. 貔貅 2016-08-13 00:40:36
博士:深圳雅房族六七个人去听你讲课。现场购书60本.也欢迎来深圳讲座.有数百你的粉丝.
9. 貔貅 2016-08-13 00:50:50
http://huati.weibo.com/k/%E4%B8%8D%2B%E5%8A%A8%2B%E4%BA%A7%E4%B8%89%E5%AD%97%E7%BB%8F?from=501