地產博客 > 文亮言 返回
瀏覽人次:28686    回應:6
文亮言
地產商最愛是誰
 
湯文亮博士
紀惠集團行政總裁
2016年8月9日

  兩三個星期前行完書展,食午飯的時候見到雷霆,大家寒喧幾句,雷霆話我好似地產商肚裡條蟲,地產商怎麼做我都知道,其實太誇獎我,我只不過是平時有留意地產商的銷售策略,在適當時間說出來,任何一個地產商銷售主管比我叻得多,更加唔可以同地產界最佳男主角趙雷相比,有人或者唔知道誰是趙雷,趙雷並不是一個人,而是兩個人,趙國雄與及雷霆。

  在地產市場,競爭最激烈的並不是各地產商之間,而是新舊之間,是新樓盤與二手樓業主的競爭,老實說,新樓盤是處於下風,因為在條例限制之下,新樓盤要提早訂價,銷售理想的時候不可以臨時加價,銷售慘淡亦不可以減價,現在只能夠用優惠回贈方式來調節,做起嚟有多少縛手縛腳,二手樓業主又唔同,即時減價可以,反價封盤亦得,不過,亦因為有選擇,令到那些打算出售物業業主,更難做出正確決定,很多時候會錯失良機。

  雖然各地產商的銷售策略不同,但他們有一個共通點,就是最愛那些反價封盤業主,那些業主將有實力買家送給地產商,怎能夠不愛他們。很多反價封盤業主只得一個物業,根本沒有打算賣樓,他們只是得閒,叫地產代理替他們秤身家,而地產代理明知對方秤身家,出價永遠低於市價一大截,而且愈來愈低,令到那些業主身家愈來愈縮水,地產代理睇到這個情況就最開心,不過,有時候會有意外收穫,那些業主見擁有物業價值不斷下跌,或者會把心不定,以低價將物業賣走。

  有一種業主船頭驚鬼,船尾驚賊,樓市欠理想就願意以低於市價出售,樓市表現佳就不斷反價封盤,地產代理知道那些業主也是不會賣樓,今次並不會給予低價,而是大幅高於市價,令到那些打算買樓的人見到,與其高價買二手樓,不如買新樓,地產商怎能夠不愛他們。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 神算 2016-08-09 10:00:33
“最佳男主角” 博士夠鬼馬!
2. 2011年開始 2016-08-09 11:07:58
發展商應該都好鍾意只買不賣的小業主
3. CD ROM 2016-08-09 15:46:49
2011師姐, 只買不賣唔夠好, 發展商最愛緊係要只買一手, 過一排又賣去二手市場, 再回來買一手, 咁就真係VIP喇...

一手車好多呢d客, 買完新既渣到過保養期就賣走又買新..........  呢d又係VIP 
4. Tony lam 2016-08-09 18:57:03
CY呢舖完勝香江大孖沙、年頭為求摙CY減辣、傳統大地產商齊齊超低價投地、諗住政府照慣例會唔到底價收回、點知政府有價就比、比幾條盲毛執到順嘢、跟手仲話大把貨跟尾、油塘仲由老表搓贏、焗到大孖沙唔跟唔掂、沙田屯門唔敢再玩嘢。

班外行專家亂估價、新地/基叔地產界何許人也、會計錯數 ? 班牛奶仔/妹  拎住之前嘅政府玩嘢價做基準、扮專業、比個概念各位、以呢三撻地起完樓、就賣居屋價都有肉啦!之前D玩嘢地價就直情政府自己起居屋仲有數維 !

D大孖沙真係恨CY入骨、大孖沙又係傳媒嘅米飯班主、所以機埸單閒事都可以咁舖天蓋地、大家自己推敲啦!
5. 2011年開始 2016-08-09 20:22:21
CD ROM 兄,你啱,發展商都好like不斷買新樓的客仔.
6. 黑馬 2016-08-10 04:22:13

朋友,不做功課,高價買二手樓,係蠢。

但近幾年,高溢價向地產商買低質量一手樓,係更蠢。