最強的地產講座

　　明報陸振球在兩個月前問我，好唔好一起搞一個講座，我話好，不過一定要搞得最好，而事實上今年我已經做了十多個講座，還未計電台，電視台，其他傳媒專訪，雖然所有講座的反應都不錯，但我始終覺得有些少攰，今次做完與陸振球的講座，我打算休息一段時間，明年初再做講座。

　　我不是誇口，今次將會是最強的地產講座，並不是我與陸振球是最強，而是我們有默契，我們已經做了四、五十集「湯文亮會客室」，知道對方所長，今次雖然是分開演講，但亦會各司其職，陸兄會以各種數據分析樓市，有明報強大支援，做起來就事半功倍，我則以形勢做分析，令到大家可以以不同角度睇樓市，對以後投資一定有幫助。

　　一定會有人話，都沒有施永青，怎可以說最強的地產講座，如果有老施，就應該叫做最強的地產代理講座，我並不是說老施唔得，而是他始終背著地產代理阿頭的名銜，方向就可能有所偏差，就好似在年初時，老施話政府龐大供應量，會令樓價下跌三成，年中就轉口風話在源源不絕的購買力之下，樓市不但不會下跌，甚至會倒頭回升，如果年初有人聽老施的說話而將物業賣走，現在就欲哭無淚，所以，我在農曆新年之後，已經發表啱價就可以買樓的言論，點解我可以咁大膽，因為我沒有包袱。

　　陸兄今年出了一本書，而我出了三本，大家都知道，每出一本書都要做很多資料搜集工作，有不少有用資料並沒有放在書上，有時我都覺得很浪費，所以，每一次我做講座，都會引用那些資料，觀眾亦非常接受，我期待大家可以到來聽我今年最後的一次講座，我唔好意思賣廣告，但今年有聽我演講的，大多數都很滿意。