主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 30477    回應 : 20
文亮言
從打風看樓市
 
湯文亮博士
紀惠集團行政總裁
2016年8月3日

  妮妲輕輕掠過,我們受到的損害不是很大,又有半日假期,相信大家都很滿意,有人話好彩係妮妲,如果是妲己可能絕對不同,妲己是誰,大家睇「封神」就知道,好似是由范冰冰飾演,其實,妲己亦是臥底,她只不過是奉命行事,誘惑紂王,毀滅商朝江山,不過,我對妲己的確沒有好感,因為我姓湯。

  打風給予人一個亂買東西的藉口,前晚除了菜檔肉檔,不少超級市場的貨架亦被清空,有經驗主管就會將那些接近過期食品放在架上,因為買嘢的人大多數不理會,總之什麼都買,啱唔啱用都買,唔需要幾耐,他們又會將那些物品丟掉,很多人唔知點解,當有機會打風,大家就會失去理性,其實是有一個因由,是大家認為以後有一段時間沒有供應,所以就亂咁買,如果他們知道,無論是否打得成風,超級市場都會儘快補充被清空貨品,毋需急於一時,我或者講錯,大多數人是知道的。

  近日樓價反彈,本來是一個急跌之下正常現象,但竟然有人願意以超出市價一兩成買樓,就有多少意外,難道那些付高價買樓的人不知道供應將會源源不絕,絕對不是,他們的心態是與在打風前搶購物品的人一樣,不過,他們只得一息間安全,以後就會非常後悔,雖然,他們所買的物業樓價未必會下跌,但如果他們願意稍等一會,同樣價錢可以買到更優質物業,話他們唔後悔就假,當然,以自住為理由就什麼也不用說,但我們不得不小心,政府所提供的供應量現在才開始,只會愈來愈多,從最初所說的未來三至四年有八萬二至現在的九萬二個單位,而且,政府仍在努力中,有消息指未來三至四年供應十萬個單位並不是終極目標,面對如此龐大供應量,樓價一定會受到壓力,同樣地,現在以高價買了樓的人一樣受到壓力。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. HKqa 2016-08-03 09:01:26
汤博士写文俞加生动贴实。市民多是买升不买跌,对长远市场缺冷静观察心态。
2. Desmond 2016-08-03 09:13:24
剛於星期一看了‘封神傳奇’,妲已是由范冰冰飾演,戲是不錯,但看完才知道還有下集。
3. 引刀一快 2016-08-03 10:03:20
今次颱風,據說廣州人民好似初戀少女等待男友咁嘅心情…………又怕佢唔嚟,又怕佢亂嚟……
4. CD ROM 2016-08-03 11:25:47
打風當日黃昏, 面包鋪真的被洗劫一空, 唔係講笑, 連d生日cake都被人買走埋..............

大佬, 呢度香港來wor, 攪乜................
5. 引刀一快 2016-08-03 13:01:59
哈哈哈哈,CD ROM兄,日本311大地震,有個講法海鹽會被污染,有人囤積咗幾噸食鹽。

唔係想賺錢,唔通真係剛需咩。
6. 阿戊 2016-08-03 13:03:51
以前物資不足, 要儲定糧草, 成佐慣性動作, 打風買野, 只系條件反射式行為... 系不理性既理性行為
7. 引刀一快 2016-08-03 13:07:00
用打風前嘅非理性搶購,形容近日樓市情況,真係夠曬傳神兼易明。
8. 讀者123 2016-08-03 13:10:04
呢排新盤開售几乎都賣出8-9成, 訪問買樓人仕, 他們通常都會講買來自住樓價昇跌都無影響啦, 我聽到火滾, d人自己安慰自己啊, 如果之後跌先買, 咪慳返好多錢, 怎會無影響, 香港剛性需求真係咁強勁, 我本人有少少懷疑。
9. To 8/F 2016-08-03 13:12:07
如果一個人覺得自己之前看錯了,現在入市,有何不可呢?況且真有些人要今天才夠錢買,就買囖!

有早知,無乞丐!
10. 讀者123 2016-08-03 13:19:45
現在地產商取消新盤優惠變相加價, 2手又話缺盤反口加價, 為什麼仲有咁多人走去買, 有冇咁多剛性需求啊, 我睇報紙寫新盤好多人撻訂, 呢批人係唔係幫地產商造勢ga, 買樓係人生大事, 一定計劃好先行動, 怎會咁易撻訂, 大拿拿几十万wo
11. to 10/F 2016-08-03 13:29:16
撻訂這事從來都有,不是新鮮事。如果你是中產,朋友又肯跟你坦白,其實香港人真的很有錢。過去十幾年,QE把一些大膽的業主養到肥肥白白,已經回不了頭,把他們養大養壯了。

衹要你發現在香港不含貸款的物業數字的物業有多少,你就知道香港人多有錢呀!
12. 讀者123 2016-08-03 13:33:42
To: 9/F

我知"有早知,無乞丐", 但個批剛需人唔需要講到買樓自住好似樓價去到天價都要買咁, 好似唔買唔得, 幫樓市造勢。

13. 烏5 2016-08-03 13:45:38
博士,不如探討下,發展商向以下時間,會用D乜野招去散貨,乜野组合拳,向5跌價既情况。。有難度,不過我直覺佢地做緊!
14. to 12/F 2016-08-03 15:41:33
1. 剛需係有, 應該都唔少, 
2. 樓價天價?只可以話係升得急左d, 但計埋成本上升, 通帳因素, 你唔係諗住樓價會去返沙士時期嗎?
3. 全世界水浸息低, 你想樓價插水式下降根本無可能(除非黑天鵝), 要跌都係慢慢, 你等到啫, 果d生左仔家庭, 你叫佢地年年搬, 年年轉校咩

15. CD ROM 2016-08-03 16:11:56
引刀兄, 包鋪面包, 最多擺三兩日... 尋日我當人地無開檔, 今日乜都回覆正常啦...

唔通打風食3餐面包特別有feel??? 
16. CD ROM 2016-08-03 16:19:36
讀者123兄,

自己剛買, 作為持份者打打氣都合情合理既, 唔通喊苦喊忽咩??? 

你話 "新盤好多人撻訂", 撻訂qty vs 售出qty 係點樣??? 你應該睇睇個%...


17. 引刀一快 2016-08-03 16:25:46
CD ROM兄

我喺五樓舉嘅例子,同打風買麵包,合證一個情況,一旦有恐慌,有人馬上人有我有去搶,那麼自然就有人囤積為賺錢。

恐慌一過,環境就變,當然有人希望延續恐慌。
18. 舍神 2016-08-04 00:23:07
有時打風, 不一定像今次得半日貨仔。有時....一打3-4日都時會發生。

前日回家,個工人2pm-3pm話買唔到菜, 成個行市5pm仲close了!
最後去了welcame買了點豬肉.............

從沒有market直上直落,打開任何一張圖都會見得到。是否已跌完, 還未說得準。
19. 黑馬 2016-08-04 01:10:47

朋友,一樣米養百樣人,買賣,各取所需。

但如果你是近幾年從地產商一手購入,就真係死蠢。

20. 買樓與買菜 2016-08-04 11:11:39
我有個朋友說:買樓唔同買菜. 菜--今日買唔成,聽日早D來,仲可以買新鮮D. 樓--今日扭扭擰擰買唔成,可能以後都買唔到,懊悔不及!