主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 26630    回應 : 14
文亮言
成功即是失敗
 
湯文亮博士
紀惠集團行政總裁
2016年7月27日

  剛接受香港電台英文台訪問,主持人問了一條從來沒有記者問過的問題,亦不容易作答,那條問題是揭人瘡疤,主持人問我最失敗的投資是哪一次,點解會有如此失誤,本來就唔容易答,但我的確有一次非常慘痛經驗,之後,我養成了一個習慣,並且將這個習慣寫了一本書,叫「逢三退一」,嚴格來說,「逢三退一」並不是一個理論,而是一個慘痛教訓後所得到經驗,而這本書是我最好賣的書,唔知點解,深圳比香港熱賣得多,或者,現在深圳人比香港人更加熱衷投資。

  我對主持人說,我最失敗的一次投資就是我最成功的一次,主持人表情很迷惑,我話,大約十年前,我在機緣巧合的情況下買了美銀中心非常高的樓層,價錢亦非常合理,當簽訂臨時合約之後,立刻有人俾錢我們賺,當時只付了5%訂金,但竟然有樓價10%利潤,雙倍於我們已付訂金,我沒有應承,但買家不斷加價,最後令到我們接受的價錢是已付臨時訂金四倍,當其他人祝賀我們的時候,我突然醒覺,我犯了一個嚴重錯誤,那些甲級寫字樓全層高層物業是可遇不可求,賣走之後很難購回相若物業,雖然在短時間之內賺了很多錢,但長遠將會是失敗。好彩當時仍然有一些非常高層甲級寫字樓由外國基金持有,於是我去澳洲,到英國,再去星架坡,在短短一個星期便買入十萬呎甲級寫字樓,總共付了五千萬訂金,回到香港後,已經有不少人有興趣,支票亦已經放在枱頭,如果我們全部賣走,可以獲利一億元,如此重大決定,我唔敢自己揸主意,於是我問家姐,點知佢竟然俾三個答案我揀,就是唔賣,唔賣,唔賣,我們現在仍然持有那些甲級寫字樓。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 引刀一快 2016-07-27 12:08:27
瘦田冇人耕,耕開有人爭。


2. Pokemon Go 2016-07-27 12:24:53
博士講的事情真的有些深奧,但逢三退一這個方法都是一個很好的投資。近日在街上好多人玩Pokemon Go遊戲唔知,博士怎樣睇這個現象
3. 打工仔 Andy 2016-07-27 12:28:15
絶等靚貨真係會唔捨得賣!

有時自己投資都係, 只有長揸先係王道! 
4. 無奈 2016-07-27 13:54:55
正如我一直都認為“夢之屋”可遇不可求,市況低迷才有機會買到,市況好時要付出較高價錢。

當然,博士的買賣行動亦有很強的指標作用。
5. 引刀一快 2016-07-27 14:26:35
訂金四倍表面吸引,總價四倍,才叫大賺。
6. 引刀一快 2016-07-27 14:33:52
等於買到靚嘢而只賺兩成就走貨,淡友都嫌少喇。

如果如此一件靚嘢,可以先到自己手的話,仲介嘅功勞唔少,都有一筆。
7. 路人甲 2016-07-27 15:05:35


千金難買心頭好 !!
8. 望東樓 2016-07-27 16:29:10
博士話佢執到隻死雞點知俾佢飛走咗,於是二話不說,走入雞竇搜掠。問題係你點先可以成為喺片地死雞個陣做執雞果個而唔係隻死鷄先係大大大學問。

9. 引刀一快 2016-07-27 16:31:24
東樓兄

係時候改口叫院士喇
10. 烏5 2016-07-27 18:00:19
同意8/F,因果関係。。
11. 歷史長河 2016-07-27 19:21:05
長揸勝短炒。
死雞可遇不可求,以執死雞心態去買樓永遠買唔到樓。
回頭看,無論乜雞,執到的雞都是死雞,又名金雞。
12. 打工仔 Andy 2016-07-27 20:24:31
長河兄

唔理死雞病雞, 只要買到就將佢變金雞! 哈哈! 
13. 黑馬 2016-07-30 18:35:34

朋友,目前的情況是 CY (面具男) 想要連任,未來半年做事,會以尋求商界的支持為目的。

很明顯的好機會,唔識將死雞病雞變金雞,都要識投資地產股 --- 但要記住九月底之前離開!!

14. arLee 2016-07-31 19:41:03
湯大姐也是一位高人喔!!