地產博客 > 文亮言 返回
瀏覽人次:32218    回應:51
文亮言
什麼是完美風暴
 
湯文亮博士
紀惠集團行政總裁
2016年6月28日

  我雖然希望政府減辣,但只不過是在條款上作出一些調整,例如辣招,如果移居香港但未夠七年的人可以免BSD,但如果他們在七年內將物業出售,就要補回未交的BSD。至於逆週期措施,亦只限於初次置業或者只得一個物業的人,他們可以少付首期,或者與其他地區例如星架坡看齊,只需要付20%首期便可以置業,以及那些做生意需要用現金週轉,可以利用他們擁有的物業多借一些,條件是那些錢是不能夠用作置業,但政府遲遲未有回應,亦沒有表明什麼時候或者在什麼情況下可以減辣,雖然,財爺等話確認樓市下跌便會調整那些管制樓市措施,但如何確認又沒有明言,現在樓市似乎穩定,負資產數目減少,減辣或者放寬逆週期措施更加無望。

  我記得財爺曾經講過,香港將會面對一次完美風暴,但細節就欠奉,財爺講的完美風暴當然不會是指天氣,而是金融經濟,何謂完美,就是在危險情況中有短暫的穩定狀態,在天氣而言,這個是暴風眼,當大家解除戒備之後,暴風又會突然出現,大家就會措手不及,財爺早已睇到這個狀況,不過,他沒有說出來,就算講都冇人會聽,所以,香港財金官員情願被市民怪責,都唔肯退讓半步,但大家包括在下,不明白政府苦心。

  我有一個問題,在銀主盤湧現,二手業主劈價聲中,地產商不惜用盡一切方法,都要將手上物業去庫存,甚至那些物業兩三年才可以交付使用,這些都是不利因素,理論上樓價應該下跌,但現在樓價指數不跌反升,同時,負資產數量減少,令人覺得樓市已經回穩,最近已經有不少人以高價搶買物業,但唔需要太耐,那些買了新樓的人,必定要出售他們的舊樓,以及從銀主交出來的供應量,將會令樓價在短期內急速下挫,所以,大家現在置業,必定要理解什麼是完美風暴,我們現在是否身處暴風眼,打算買樓的人應該小心。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Johnny 2016-06-28 08:52:58
而家急升既都系4球以內既細价樓,買家大部分都係首置客,又有幾多人係樓換樓?
2. 香港土著 2016-06-28 09:33:22
政府立場其實好鮮明簡單, 點解會唔明?奇怪... 
3. 亂 2016-06-28 09:55:54
之前博士話可以買樓,而家話有風暴,咁即係買唔買好?媽,好亂呀
4. LYC 2016-06-28 10:33:54
http://www.manyw.com/mobile/essay_cont_iphone_z7.php?sid=27&rid=31225&type=n&width0=360

成交量和造價不斷向上爆,好彩有一大班淡友幫手搶租盤,搶到無晒盤,搏命交租當享受,他們繼續等運到,還可以洋洋得意,自吹自雷,開心快樂地交租幫我們供樓,我們才可以永遠嘆世界呢!
5. 講下良心 2016-06-28 10:47:14
真係唔明,在風眼中,點解大家要迫正苦借錢俾D不足能力嘅人上車,現在樓價咁高,連3成首期都拎唔出,就算借到俾你,現在經濟工作環境咁差,日後點供呀?我唔反對放寬銀根俾做生意,因對社會就業有好大貢獻,但買樓所產生的財富效益根本係塘水滾塘魚,對社會向上流不太幫助。既然在風暴中,正苦更應儘量幫無實力嘅人冷靜,唔好博命,自己攞命犯險,無人救到你。

正如博士話卡梅倫不負責任,准許公投,俾D唔成熟嘅選民作出唔成熟嘅决定,累死自己,點解博士又要迫正苦放筧竟辣招及按揭成數,一講到香港樓市就標準不一,好失望。

各位,投資者做錯决定最多蝕錢,但唔夠實力嘅用家就會耗用你大半生,我係過來人,共勉之。
6. 講下良心 2016-06-28 10:48:45
真係唔明,在風眼中,點解大家要迫正苦借錢俾D不足能力嘅人上車,現在樓價咁高,連3成首期都拎唔出,就算借到俾你,現在經濟工作環境咁差,日後點供呀?我唔反對放寬銀根俾做生意,因對社會就業有好大貢獻,但買樓所產生的財富效益根本係塘水滾塘魚,對社會向上流不太幫助。既然在風暴中,正苦更應儘量幫無實力嘅人冷靜,唔好博命,自己攞命犯險,無人救到你。

正如博士話卡梅倫不負責任,准許公投,俾D唔成熟嘅選民作出唔成熟嘅决定,累死自己,點解博士又要迫正苦放筧竟辣招及按揭成數,一講到香港樓市就標準不一,好失望。

各位,投資者做錯决定最多蝕錢,但唔夠實力嘅用家就會耗用你大半生,我係過來人,共勉之。