主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 26026    回應 : 21
文亮言
都是卡梅倫的錯
 
湯文亮博士
紀惠集團行政總裁
2016年6月27日

  近日話題都是離不開英國脫歐,據聞,有不少投了支持脫歐的人現在都非常後悔,有300萬人聯署要求再次公投,這300萬人真的是幼稚,將公投好似細佬仔玩泥沙,唔啱推倒從重來,如果係我,輸都要輸得有尊嚴,脫歐一定會有一些好處,將這些好處無限放大,例如將脫歐後英國毋需每週要繳付三億五千萬英鎊給歐盟的事放大,但英國在歐盟所得回報就隻字不提,最多以後的日子過得辛苦一些。

  有老友問我,英國又不是有什麼外敵侵入,又唔係要簽一些什麼不平等條約,點解要搞公投,今次脫歐,究竟是誰的錯,我先糾正他的說法,由公投得出來的結果,脫歐是大部份英國人意願,怎能夠是錯誤,如果任何一個英國人認為脫歐是錯誤的,要怪就怪卡梅倫,作為一個願意承擔的領袖,根本唔容許搞公投,既然是英國人自己選的首相,卡梅倫自己決定就可以,搞公投即是將主動權交回市民,而大部分市民都不懂政治,甚至有英國人連歐盟是什麼都唔知道,叫他們公投,即是將他們推入火坑,又話是他們自己跳落去,如果卡梅倫唔夠膽承擔,應該辭職,給予有能力的人坐首相的位,搞公投,即是又要威,又要戴頭盔。

  就算要搞公投,日子都唔應該訂在6月23日,在6月份,6月6日就最適合,當日「碧血長天」,英美聯軍在諾曼第登陸,這是英國人的光輝歲月,卡梅倫竟然偷走了英國老人光輝歲月,唔怪得有咁多老人支持脫歐,由此可見,卡梅倫對脫歐公投根本不以為意,那些少數唔想脫歐的英國人,就要怪自己選錯領袖。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 借鏡 2016-06-27 09:27:27

搞公投即是將主動權交回市民.........即是將他們推入火坑

精彩!!

2. 伟恒 2016-06-27 09:58:29
英国佬噤搞法,自己都唔知条路点行落去。
3. 狗頭貓 2016-06-27 10:26:59
民要國死,國可死。
4. 香港土著 2016-06-27 10:38:26
脫歐一個如此重要決定, 基本上應該要三分二大多數甚至更大比例投贊成, 先至可以通過. 關乎國家前途的重大議題, 竟然簡單地用少數服從多數作解決手段, 根本就系蠢. 公投後先知驚, 真系有辱國體.

蠢國、蠢相、蠢民, 食幾年穀種, 內哄分裂, 正路不過.
5. 無奈 2016-06-27 11:33:51
這就是普選的兒戲,驚訝之處是連老牌民主國家,世上教育程度最高的選民也如此不成熟。
6. 引刀一快 2016-06-27 11:43:10
無奈兄

確係有鬧劇味道,聽聞英女皇都曾經示意想脫歐,今次咁多人反悔,往後會否進入膠著?
7. 向飯民說不 2016-06-27 11:57:44
根本是制度問題,人民迷信公投。先會出現問題。
8. 向飯民說不 2016-06-27 11:57:44
根本是制度問題,人民迷信公投。先會出現問題。
9. 舍神 2016-06-27 12:17:04
無知, 不可成為脫罪的理由。
對與錯要時日証明,愿賭就要服輸。
做對做錯也好,都要一起埋單,很文明丫。

香港政府在世界上算是廉潔有效率的,但香港正是欠缺這一份豪氣, 以至給人口實,紛擾不休,內耗不斷。
10. 引刀一快 2016-06-27 12:21:31
舍神兄

對錯未知,所謂“正能量”嘛,决定咗咪向前望囉。
11. 我獨醉 2016-06-27 12:23:06
鬼佬講香港樓市;香港人講鬼佬政治
12. 望東樓 2016-06-27 13:00:57
如果大家當初相信多少少民調,後果會好好多。可惜大部份人(包括絕大部分smart s)唔相信民調而誤信賭波公司賠率,結果令到搞到環球資產價格反轉再反轉。其實廣大英國民眾只要睇下瑞士就知道同歐盟保持適當距離係一件唔錯嘅事,起碼喺可見將來係咁。君不見瑞士央行舊年先比市場打敗而要將瑞郎大幅升值,仲可以係上月公投全民派錢(其實係匯水太強,要揮劍自宮以增加競爭力)。
13. 鐖鍏 2016-06-27 13:46:23
即使再搞公投,結果都是一樣,不如就吓佢地,讓佢地輸多一次,所以我也簽了,再唔係不如公投要不要再公投啦!死未!
14. 當初英國加入歐盟的目的 2016-06-27 14:55:26
當初英國搞入歐
係 希望 加入歐盟後, 歐盟經濟最強的國家"德國/西德" 能夠拉動英國經濟,令到英國人均GDP 接近 德國/西德 .

但......

2016年 英國 人均GDP 係 43000美元, 德國人均GDP 係40000美元

加入歐盟再唔可以拉動英國經濟,反而變成 英國 要去拉動歐盟其他國家(包括德國) .


英國 仲點會 繼續貿係 歐盟 ??
15. 十郎 2016-06-27 15:01:01


      恭喜人地喇!
16. 說3道4 2016-06-27 15:39:18
現今世界什麼都將"民主"押上來, 瞓街都要民主, 認為民主代表文明, 濫用民主情度可想而知. 當民主意識錯誤顛倒運用, 最終令世界道德倫理,民生經濟, 政治科學等都陷於混亂而崩潰! 人類最終自我滅亡!
17. Oscar Lam 2016-06-27 16:29:11
英國搞公投告訴中國和香港,太民主对於一個國家並非一件好事,特別是一個中國人的社會。未來中國在民主這個議題上一定會更加嚴紧,不會讓泛民胡來。

英國人交了學費,香港人學到知識,這樣的買賣哪裡去找?
18. 無奈 2016-06-27 16:54:40
6樓刀兄,同意。也可以這麼說,英倫未來會成為全球經濟震蕩之源,反覆影響著全球。

這還不算嚴重,公投前曾預計北愛、蘇格蘭脫英入歐幾可成真,英帝國失落最後一塊面紗,顏面何存,年長選民和女皇都意氣用事,難道毫不懷念昔日光輝?令人費解。

19. 舍神 2016-06-27 22:32:24
"輸都要輸得有尊嚴"

用在.....其中一些投脫歐而現在後悔的......好似有點怪怪的!

他們是...."勝出的一群"啊!

點都好, 呢兩類人.....都真係.....好樣衰! 哈哈! 不知是否是公開記名的呢?
20. Ca1on 2016-06-28 10:17:43
就算係一間公司, 有關公司體制重大事項都需要得到75%股東以 special resolution通過決議先可以生效. 堂堂聯合國安理會常任理事國嘅國家前途, 公投就用簡單多數制. 呢隻卡梅倫擺明玩嘢, 擺全英國人上枱做賭注幫佢搞呢場政治豪賭. 
21. 馬後 2016-06-28 13:07:55
國際嘅事我哋香港人識乜吖,又唔係生意人,炒下樓咪算囉。講得多只會令人知道香港人咁無知。連脫得成都睇唔出,仲講咁多做乜吖。