主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 21433    回應 : 8
文亮言
中介應該回贈給客戶
 
湯文亮博士
紀惠集團行政總裁
2016年6月1日

  以往我們參加旅行團都會發覺一件事,就是來回機票已經差不多是團費,雖然導遊費要額外繳付,那麼當地酒店飲食住宿,交通費用,又是誰人津貼,現在,我相信大家都知道,在旅遊時唔購物,遊行團是很難辦下去,因為那些商店津貼部分費用,大家又試想想,如果在旅遊購物要支付導遊佣金,這樣的旅行團有沒有人參加。

  現在大家都知道買新樓不但不需要付佣金,很多時物業代理都會回贈,原因是地產商在推銷新樓盤時願意付高佣金,物業代理為了吸引買家,主動回贈,大家亦可以理解,大家又試想想,如果買新樓要俾物業代理佣金,買家點解唔直接向地產商買,而要經物業代理,如果是硬性規定,中原美聯等執笠都得。

  以往有一個不十分流行行業,就是幫客戶向銀行借錢,他們會收取客戶低於1%手續費,美其名是替客戶找到最低息銀行費用,後來,銀行加強推廣,客戶可以直接向他們借錢,毋需驚動第三者,銀行為了爭取生意,還推出了回贈計劃,如果客戶是經中介公司,除了正常回贈之外,中介亦可能有些少回贈,因為銀行是會付介紹費,由此可見,絕大部分行業都有回贈,除了是促成雙方交易的行業,例如二手物業交易,除非事先聲明,否則,雙方都要繳付,又有一些行業,因為供求問題,某一方是要多付費用,例如婚姻介紹,雙方雖然都要付介紹費,不過,是女方比男方多付,大約5倍咁上下,大家千祈唔好覺得奇怪,女方只是小財不出,大財不入,慢慢向男方收回,並且以萬倍計算。

  有人會覺得上述的全部廢話,他們經中介向財務公司借錢,不但要付給財務公司高昂利息,還要付中介費,問我點解,冇得解,這是行規。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. AH-HO 2016-06-01 09:35:48
妙句!

"女方只是小財不出,大財不入,慢慢向男方收回,並且以萬倍計算"

2. 真真薯片 2016-06-01 10:04:09
洗唔洗比佣同有冇回贈完全係供求問題

對於一Q清搶爆既新盤, 其實發展商真係可以飛起地代, 擺個檔係度收飛, 收完抽籤揀樓即可

地代主要作用係拉客, 只有賣唔去既時候先要拉客, 搶爆既話洗乜拉客? 所以慢銷既貨尾就需要大量地代, 而且發展商會比高佣金, 而只有賣唔去既貨尾先可以確保有回佣, 因為買家可以要求地代係回佣紙簽晒所有名先慢慢買, 搶爆果d一手樓入飛果陣地代實話有回佣, 到揀樓市地代一定冇回佣紙/未簽名/未寫確實單位, 揀樓果下你唔買大把人買, 根本冇可能要求簽好回佣紙, 最後又變成口頭承諾, mk地代收完佣由中原轉去利家閣, 你就慢慢搵地監投訴
3. 西門吹雪 2016-06-01 11:11:13
地代回佣其實係變相減價,對買家有利~
如果地產商自己賣,買家少左回佣仲唔SO啦~~回佣是現兜兜的,其實相等於減首期成數(先給$後取回),比起直接扣樓價更幫倒買家。呢方面地代亦有佢地既價值,只要收費合理,留反一隻半隻佣其實亦無不可~~
4. 路人甲 2016-06-01 11:19:55

博士除了分析樓巿外, 講到婚姻介紹那一PART, 令人由心度笑出嚟!
遇上好丈夫,好男友, 女方故然可以講一句: '' 佢嘅($)即係我嘅; 我嘅都係我嘅'' .
如果眼光唔夠, 就唔單止賠上佣金, 還得賠上人生. 
這個無疑比賽馬還要賭得大!! 哈哈哈
5. 京士頓 2016-06-01 11:46:53
向發展商買新樓冇理由必要經地產代理. 發展商給地產代理的佣金應該直接給買家. 我有須要買樓, 我從實地及報章上看見合適的樓盆. 我去發展商售樓處買我想買的單位. 地產代理給我做了什麼要拿取發展商的3-5%樓價佣金 ? 各位地產專家能回應為什麼地產代理要收取我直接向發展商買新樓的佣金?
6. 真真薯片 2016-06-01 12:46:19
其實地代係發展商既外判sales, 發展商唔係日日賣樓, 所以唔會養住一大堆sales

而sales既作用當然係推銷, 如果一件產品唔洗搵人推銷都比人搶晒, 咁sales就變得可有可無, 但係賣唔去果d貨尾盤, 就需要sales去客, 所以就有地代
7. Tony lam 2016-06-01 13:28:40
發展商個個都係紳襟、要珍惜羽毛、地代客就可以無所不用其極、隨口噏當呼吸、有乜過份美化吹噓、地產商先唔使上身、地代係大孖沙嘅防火牆。
所謂輸人唔輸陣、面價點可以平過隔離對手、咪用所謂優惠回扣嚟撼價囉!
8. 引刀一快 2016-06-01 15:49:18
今日我又係琢磨最後幾句,點解?冇得解。