地產博客 > 文亮言 返回
瀏覽人次:27274    回應:8
文亮言
銀主盤點解會冇契
 
湯文亮博士
紀惠集團行政總裁
2016年5月27日

  在經濟轉壞時,有不少業主不惜用自己物業向財務公司借貸,如果未能及時清還,物業就會被財務公司,變成銀主盤,但有律師及業界人士警告,購買這類銀主盤的人要小心,物業可能沒有樓契,他們的言論嚇了我一跳,銀主冇契揸手並不出奇,但銀主盤冇契就不可能,其實,如果將物業按在銀行,樓契亦一早放在銀行,客戶若不還錢,銀行就會收樓,經法庭判決,銀主即是銀行有權出售該物業,所得款項首先用來清還銀行欠款,這就是大家知道的銀主盤,樓契早已存在銀行,點解會冇契,如果銀主盤冇契,1997年之後,唔知出現幾多銀主盤,早已是地產行業一個危機。

  我反而認為銀主盤非常安全,因為銀行在承做按揭時已經將物業徹底查核,銀主盤的樓契非常清晰,買家應該很放心,我們在2003年之後買入了不少銀主盤,全部都有契,有部份在賣走時沒有被買家律師留難,現在有律師及專業人士話小心銀主盤冇契,希望他們解釋清楚,否則,銀主盤的價值就會被降低,對銀主亦不利,雖然有人話現在的銀主是財務公司,未必會有契,我更加奇怪,如果財務公司唔需要樓契借錢俾人,點解咁多假樓契令財務公司中招,總之,沒有樓契的銀主盤背後一定有一個故事,或者,財務公司只不過是二手銀主,所以冇契揸手。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 向飯民說不 2016-05-27 12:17:29
飯民共產黨和中共有咩不同。中共用武力搶大地主,地主的資產。
飯民用法律搶小地主資產,但不搶富有階層。
2. 引刀一快 2016-05-27 12:25:20
我又係努力琢磨緊最後兩句,腦筋不停轉彎.......
3. 掹車邊80後 2016-05-27 13:41:20
4. 占士 2016-05-27 14:13:36


博士,真巧,我99年上車的時候買的也是銀主盤,是經朋友介紹直接和銀主買的。樓契沒有問題。一直持有到現在,還在租。



5. 凝風 2016-05-27 14:41:39
如同博士既疑問,無樓契!?

無樓契案例好像集中小面積單位為主...
有否可能是大業主,無分契,賣出部份業權出售,所以無契?

這種無樓契物業有何問題、風險?

有高手知道嗎?請賜教~
6. Sidney 仔 2016-05-27 17:32:58

因為業主有供銀行頭按,冇供財仔二按。二按財仔係銀主,但契在銀行手。

以律師樓定義,是無契銀主盤

7. Sidney 仔 2016-05-27 22:48:08
凝風兄:

一般好少你講架情況。大業主要賣部分,當然是先分契啦。

法律上tenant in common的話,例如兩個業主各有5成業權,其中一個都可以做買賣。當然,買家一定要求有折讓,大約可賣原價5成左右。即是一個市值四百萬架單位,其中一個有二百萬業權架業主想賣的話,雖要減價至一百萬先有人買。

風險係你點知第二邊業主係乜水,黑社會大佬問你點解買左佢女人果邊業權咁點算?

另外,如果第二邊業主一向喺該單位住的話,一般你不能般入去住,亦不能收佢租。除非該單位一向租比人住,咁你就有權分番一半租啦!
8. Sidney 仔 2016-05-28 07:24:43
至於全業權冇契物業,原因可以有好多。例如原業主真係唔見左份契,銀行或律師樓疏忽唔見左或燒左等等……

一般可在律師樓申請補契。不過,冇契或補契樓買賣時又係要減價。

風險主要係假業主架機會大增。不過如果係銀主盤,此問題機會甚微。