主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 23090    回應 : 9
文亮言
王文彥點解唔敢做主席
 
湯文亮博士
紀惠集團行政總裁
2016年5月15日

  昨日,有老友將王文彥,施永青兩人逐鹿中原的文件發給我,又立刻問我意見,我本來沒有興趣,但老友盛意拳拳,於是快速睇一次,睇完之後立刻回電,話我老友講錯,王施兩人並不是逐鹿中原,或者老施仍然可以用逐鹿,老王一定唔係,佢要求與老施每人做一年主席,根本唔敢硬拼,又怎樣可以話逐鹿中原,而且,老施提出一個條件便高下立見,他同意老王做第一屆主席,第二屆開始才由他們兩人爭取,老王都唔敢接受,令支持他的人非常失望,不過,我認為大家又唔需要失望,不少人講政治,講選舉,又話人人有投票權,但要他們放棄既得利益,又立刻會改變態度,老王唔係,主席位置擺在眼前,佢都唔敢坐,我覺得是弱雞表現,如果搞到要清盤,我就更加不明白。

  我認為老王今次中計,老施根本沒有打算將第一屆主席的位置俾老王,但佢知道老王唔敢坐,所以便扮作大方,如果老王敢接,中原不知有幾多人行出嚟反對,所以我話老王中計,如果係我一定會做,有一屆時間部署,連任的機會一定比老施大,如果未能連任,就技不如人,無話可說。

  大家唔好以為我替施永青講說話,老施非常憎我,去年,老施在每一次演講時的開場白一定是「有人話樓市爆煲,爆什麼煲」,大家應該知道,那個人就是我,老實說,我沒有如此廣闊胸襟替老施講說話,我只不過是以事論事。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 引刀一快 2016-05-15 09:32:32
逐鹿中原 ”

精警之至。
2. 引刀一快 2016-05-15 09:43:06
感覺好似抽街霸,前兩局先勝後負,第三局話轉手俾個旁邊觀戰嘅朋友打咁,梗係唔製喇。

鏈家咁惡作嘅對手,搵王先生嚟頂一年,係借刀兼喘氣。
3. 蕭峰 2016-05-15 11:25:47
睇睇隔離王生對樓市的預測,就知佢對付鏈家應該幾吃力。

所以每個人/公司都有自己的煩惱,大如龍頭中原,45%股權的煩惱,都幾頭大。


4. 打工仔 Andy 2016-05-15 12:35:07
引刀兄
廣州樓市企穩未呀? 
5. 引刀一快 2016-05-15 12:48:45
打工仔兄

企穩即係點解?
6. Oscar Lam 2016-05-15 15:19:59
一個管治下的中原地產,另一個管治下的長安地產。論規模、論成績、論能力,一個博士生、一個小學生,何須爭?
7. Robert 2016-05-15 15:56:21
還記得早期地產網王生啲文章同湯生啲文章都比人圍攻,王生就閂咗留言功能扮烏龜,相反,湯生啲應對就勇敢好多,性格同能力都高下立見。
8. 打工仔 Andy 2016-05-15 17:32:33
引刀兄

我意思想問下廣州樓市, 是否平穩, 樓價無下調!
9. Ed 2016-05-21 01:33:52
一個勇猛大方,用人不疑。
一個膽怯小器,故步自封。
相映成趣
正如某人話齌
認命是也