主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 25945    回應 : 17
文亮言
來料加工式的旅遊購物團
 
湯文亮博士
紀惠集團行政總裁
2016年5月6日

  內地旅客在香港被迫購物的事情不時發生,一般人都習以為常,亦抱著事不關己,己不勞心態度,其實,這些事對香港的聲譽影響甚大,尤其是旅遊業,當外地遊客在香港購物,得不到品質保證,就會拒絕來港。一般香港人參加外地旅行團,亦會被游說購物,我們都知道團費可以如此優惠,或多或少都是得到贊助,所以,不少旅客亦會買多少手信,但強迫購物的事則甚少發生,如果用到拳打腳踢,甚至斷飲食,禁住宿來要脅,就絕無僅有,就算發生強迫購物事件,旅客回港後立刻就會去消委會投訴,又何需在旅遊目的地發難,多次發生類似事件,香港政府一定要想辦法禁止事情再度發生,其中之一莫過於公開事情真相。

  現在出事的旅遊購物團,由出團,旅遊,飲食,購物,以至在香港接待的公司,老闆或者股東組合大多數是國內人,香港只不過是為他們提供一個搵錢平台,與廠商在國內設廠,利用當地土地及人力資源,簡稱來料加工(OEM)的沒有分別,不過,如果品質不合規格,當地政府是需要負上責任,現在經常出事的旅遊購買團,亦可稱為來料加工,香港是不需要付上責任,但香港政府以息事寧人態度處理,沒有公開事件真相,令到不少國內人以為香港是劏人之都,唔敢到香港旅遊。政府一定要大力整頓,否則,動用多少人力物力做推廣都沒有用,幾個投訴,幾段負面新聞,就可以毀了香港。

  在今次五一勞動節假期,這類旅遊購物團大幅減少一半,代之而起是一些自由行,那些以自由身到港旅遊人士,在沒有人強迫購物之下,才可以真正享受旅遊樂趣,更加可以選購到一些優質貨品,所獲得利潤或者慳到的錢,足夠他們在港旅遊消費,這才是旅遊購物真正的意思,那些以三百多元人民幣,從成都到中山,澳門,香港的包交通,食宿旅行團,如果團友唔購物,有關人等又何以維生,所以,參加那些團的團友亦早有心理準備,如果唔購物,一定會受不同待遇,大家如果多了解,整件事與香港無關,是國內人劏國內人,但內地傳媒報導,國內人在香港被迫購物,他們知道但不會報導,那些強迫購物事件屬來料加工式,香港只不過提供場地,唔應該負上全部責任。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 85後已上車 2016-05-06 11:58:53
間野福建佬開, 又有幾多人會張開眼睇下事實。
2. 引刀一快 2016-05-06 15:06:20
千祁咪以爲參加300蚊游七日嘅大陸人傻,係佢地以爲旅行團老細同其他團友傻,個個都係諗住人地買多多嘢佢自己買少少,或者成班人去一個買嘢交功課,點知成團都係咁嘅人。

其實香港真係掠唔少水,有位喺廣州華潤做中層嘅女士,都唔係未見過世面,有次同我講,問我可唔可以幫佢退貨,原來佢買咗D好嘢,一隻手錶叫做“伊寶璐”,睇清楚,唔係伊波路呀,七千幾銀,講明半年內可以退貨。

咁多肥水魚,巨大誘惑難免良莠不齊,政府應該落力打,其他嘅政策先至有良好嘅推行基礎。
3. 得一想二 2016-05-06 16:13:22
放蛇, 放蛇, 再放蛇, 但蛇頭還是在那些權力核心組織裡做無間道,  
4. 蕭峰 2016-05-06 20:06:17

「5月3日,香港特首梁振英对媒体表示,无意恢复深圳户籍居民“一签多行”,维持去年改定的“一周一行”。」


689係未臥底?想搞死hk算數?


5. 真真薯片 2016-05-06 20:12:54
每個遊客被呃一次就唔返轉頭, 之前開左自由行既城市旅客已經劏到7788, 所以需要開放新既城請黎補充新血, 先可以繼續劏
6. 無言 2016-05-07 22:58:50
莫講話大陸遊客少咗去香港消費。。好多港人都喜歡離:
港消費,物無所值。因香港貴得來質素唔掂。
睇塲戲,食餐便飯加撘車,一仟無走雞(兩個人計)。咁不如三幾仟參加普通短線旅行團外遊好過。

現在香港消費係食得陰功,著得普通,泊車頭暈,撘車痛苦(車費),收費一流,服務九流。
7. 引刀一快 2016-05-08 02:51:08
停止一簽多行絕對係CY嘅良政,如果一簽多行係好嘅,點解唔乾脆要求放深圳人自由出入行港人通道?
8. 蕭峰 2016-05-08 09:24:14
引刀兄

咁你不如話將深圳-香港關口拆左,唔係更加符合你利益?
9. LYC 2016-05-08 11:51:09
五一有二十萬大陸人來港,現在仍然維持平均每個月四百萬大陸人來港,只要有1%來係買樓,唔係買奶粉,需求已經趨向無限大!
絕對要多謝刀兄,各股神和通縮王等等淡友大力鼓吹搶租盤,交租無限好處,推高租金,我們好友才有信心大手大手掃上!
10. 引刀一快 2016-05-08 14:20:44
蕭峰兄

你睇睇你講嘅嘢合唔合邏輯先喇。
11. 引刀一快 2016-05-08 14:23:44
LYC兄

1%嘅游客買樓?唔駛俾BSD都唔會有咁多喇,大陸人打九折都冇咁多呀!望升望到傻咗咩你。
12. 黑馬 2016-05-08 14:54:53

今天,看到譚生又上電視,讓我想起一句格言 -- 不怕神一般的對手,只怕X一樣的隊友。

沒有這些廢柴 ,我們這幾年應該可以賺更多。

13. 蕭峰 2016-05-08 17:29:30
引刀兄

「停止一簽多行絕對係CY嘅良政,如果一簽多行係好嘅,點解唔乾脆要求放深圳人自由出入行港人通道?」

我係照返你嘅邏輯講架喔,不如你講清楚d你咩意思?

14. LYC 2016-05-08 18:27:51
刀兄 頭3個月已過千萬大陸人啦 點解你什麼都唔知還好意思亂吹去誤導其他人呢!
美國好大機會繼續量寬 唔好話加息 哈哈!
15. 引刀一快 2016-05-09 12:25:33
蕭峰兄

咁你不如話將深圳-香港關口拆左,唔係更加符合你利益? ”

拆咗關口係咩意思?任過定係唔俾過?符合我邊様利益??
16. 引刀一快 2016-05-09 12:28:07
過千萬大陸人?1%買樓?咁四年供應都唔夠喎。點解大陸人唔去火星買樓嘅?
17. 黑馬 2016-05-09 22:31:29

講真,過千萬自由行又如何,幾乎大部份都是低價值消費者,一個幾毫嬰兒奶粉和洗髮水。如果是高價值,就算每年得一萬,我們每年至少賺20%。


等美國繼續量寬,不如等發展商盡快清理手中貨尾。