地產博客 > 文亮言 返回
瀏覽人次:33809    回應:47
文亮言
值錢股票唔值錢,唔值錢股票值錢
 
湯文亮博士
紀惠集團行政總裁
2016年4月22日

  近日幾隻低資產值股票上市,但上市之後表現勇猛,其中之一帶有小小明星味道的翠如BB股,市值一度高過TVB,六嬸都俾佢吹脹,與此同時,真正的大藍籌如匯豐控股等,不但股價不斷下降,近日更加被大摩建議放售,因為股價將會下挫至28元,有老友問我,點解現在值錢的股票變成唔值錢,唔值錢的股票又如此值錢,我根本唔識股票,既然老友問到,我惟有答,這便是財技與口術,唔值錢股票將市值做到大一大,目的是方便日後融資,換股,甚至將整個殻賣走,就算買家大幅減值,仍然有豐厚回報,這便是財技,他們的對象並不是一般小股民,斷估沒有小股民以現價買入那些股票,大家當睇戲便可以。

  點解我會話那些值錢股票變成唔值錢是出口術,這是一貫大行做法,老斯等最精於此道,情況就好比兩三個月前,當時388股價大約170元,大行將股價低估至130多元,建議減持,不過很奇怪,大行發出減持建議之後,388股價節節上升,昨日已經升穿200元,大家千祈唔好以為大行會因為減持而損失慘重,大行只不過是叫持有人減持,大行自己是否有減持甚至增持,大家都無從稽考,所以,投資股票的人都不會理會,不過,我覺得大行這樣說其實是有機會倒自己米,他們現在話匯豐跌至28元,如果匯豐不但唔跌,甚至反升至82元,投資者見到大行如此低劣表現,又點會買大行推出的金融產品,雖然大行可對投資者話,他們只是建議減持,實則上是增持,以為可以欲蓋彌彰,誰不知投資者仲驚,他們唔會知道大行是否會藉此機會將金融產品組合上的大藍籌賣走,不如自己揸主意仲好。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Ca1on 2016-04-22 08:45:03
博士我啲股都成日俾人唱淡, 但時間證明, 只有有真正實力嘅藍籌, 先經得起跌市, 就算跌落去, 最後都識得升返. 相反啲老千股只要一散水, 就永無翻身。對於藍籌股, 淡友偶爾可以做, 但唔可以長做, 必須要審時度勢. 我身邊一個乜都睇淡咗好多年嘅淡友, 都話今年等佢跌多五成就買樓. 咁大家可以諗下係咪真係咁淡.
2. 引刀一快 2016-04-22 08:53:23
Carson兄

乜都睇淡嘅係淡友,但係如果只睇淡一樣嘢,一樣會俾人話係淡友。

我睇淡嘅係往後5-6年大陸經濟,主要就係呢樣。
3. 歷史長河 2016-04-22 08:59:16
刀兄,

你睇淡的過往五六年間北上廣深房價如何?當然你可以繼續睇淡落去。
4. Ca1on 2016-04-22 09:02:55
引刀兄, 大陸除咗經濟問題睇嚟仲引申出政治問題, 當今領導人統治是否穩固都有疑問. 從近年大陸同香港政治立立亂可見一斑.
5. 路人 2016-04-22 09:03:42
回昨天的Ann,

如我骂人或人身攻击被人delete,okay !我认!

但抒发一下不同意见……(特别是跟博士相关的意见!)...不知为啥很快就给admin 同学们删啦。

最近只是发现博士的理论有一点矛盾才发一下言(撤照vs下跌空间)。不知道是不是博士受到其他大财团压力(始终博士这么大的公司,肯定跟别的财团/地主有买卖及合作关系。

只是不太明白博士这方面的立场而已,本人还是欣赏博士呢!
6. 引刀一快 2016-04-22 09:04:27
長河san

大陸樓市已經爆咗喇,廿幾個省谷埋得幾個市上,你咪呃人膝頭哥唔食辣椒醬。

我話睇淡經濟你就嗡幾個一線樓市出黎,九唔搭八。
7. 歷史長河 2016-04-22 09:09:48
要知道大部分港人只對一線城市有興趣。
8. 路人 2016-04-22 09:12:11
投行常说,投资部及操盘部门是二个不同部门。对外可能看谈,而自己却趁底买货………比比皆是!

投行流动性高,随时把发出“重大股价预测/评论”换人就完啦,而没换走的主管(吃死猫!)只是换了岗位或转了别的公司呢……所以他们也算死事,但真的需要别逼迫要求投行交代的事件也不多(没舆论压力,自然就不需负责啦)
9. 引刀一快 2016-04-22 09:14:01
Carson兄

總之就係問題多多,穩固就應該唔駛擔心。
10. 引刀一快 2016-04-22 09:16:19
我只對總體經濟有興趣。

一榮俱榮。
11. Jonathan 2016-04-22 10:26:54
大陆一線城市只有上海,深圳,北京可取,广州绝对不入流。吃吃喝喝可以。广州的素质层次一直不去,而且吸引不了高质外来移民,除了较贫困的一些少数族。但我对广州媒体相对自由,这点较国内其他地方好。
12. 自我陶醉 2016-04-22 11:04:07
我就對炒過龍嘅嘢一律冇興趣,話知佢一綫、二綫,定係藍籌。
13. LYC 2016-04-22 11:19:32
一個失業+通縮的窮人話對買樓冇興趣,真搞笑!
根本任何時候買樓都係唔關佢事,冇樓唱跌,唱通縮,心地何其差啊!
14. 十郎 2016-04-22 11:27:58


      琴日,偶然聽到有人唱歌,甚麼恭使你,小心聽下,原來歌詞係咁。

      曲寄‘祝壽歌’

      恭祝你樓價與天齊,恭賀你,今年快落。

      年年都有今日,歲歲都有今朝。

      供死你!供死你!


15. LYC 2016-04-22 12:26:12
十兄,唔好傷心,我都明白你幫人供樓供到氣咳,加油,努力工作,俾心機做野,唔好放棄,你總有一日會上番車!
可惜,你上個月高呼沽樓,竟然反而係買樓的良機,你自己冇能量買樓就叫人沽樓,淡友心腸係點,大家有目共睹啊!
唱衰經濟,失業率上升,率先瞓街咪就係交唔到租的淡友囉!你有乜得益呢!
16. 123 2016-04-22 12:33:37
其實現在所有在供樓的一群業主是幸福最可悲連供樓資格都沒有的人經常在發表廢話
17. 供樓業主 2016-04-22 12:53:43
現在供樓開心到死有前景有將來
18. 巨無霸 2016-04-22 13:22:02
宜家 匯豐 太大隻啦! 已經唔係成長股,仲點會有前景....