主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 24409    回應 : 4
文亮言
銀行是很難借錢給中小企
 
湯文亮博士
紀惠集團行政總裁
2016年4月20日

  蘇錦樑呼籲銀行協助中小企融資,講得咁曖眛,倒不如直接的說叫銀行借錢給中小企,不過,商會立刻反駁,話銀行是很難協助中小企融資,大家有沒有覺得很奇怪,應該是由銀行家講,點解會由商會講,而蘇局長可能未做過生意,唔知道現在銀行貸款艱難,冇物業揸手的中小企客戶,銀行當然唔想借,容乜易收唔返,就算有物業做抵押,但在金管局的壓力測試計算方法之下,能夠貸出款項亦有限,所以,銀行情願低息爭奪合資格的客戶,都唔會借錢俾中小企業。

  其實,亦難怪金管局對銀行監管如此嚴厲,因為只有小小漏洞,銀行就藉機會貸出款項,例如金管局推出七次逆週期措施,任何人都知道金管局是想收緊物業按揭貸款,防止樓價飆升,銀行對此沒有發出反對聲音,原來是暗渡陳倉,將款項借給財務公司,而財務公司又將借得款項轉借給買樓的人,而抵押品同樣是那些物業,不過,多經一重轉折再借出去,所以,銀行不但不會反對金管局的逆週期措施,在某個程度上更加支持,因為能夠收取更多利息,有此漏洞,金管局即使推出七次逆週期措施,其效果亦不顯著,直至收緊銀行與財務公司之間綑縛式次按,就立竿見影,財務公司財困,已經沒有太多財務公司可以借錢給買樓的人,沒有那些綑縛式次按,樓價才停止上升。

  現在金管局亦陷入一個兩難局面,如果放寬中小企貸款,冇人能夠擔保那些中小企業家會不會將借得款項投放在物業市場,如果當中有中小企業家炒樓,金管局就會受到指責,不過,我認為始終都要放手一搏,雖然的確會有一些中小企業家將借得的款項投入樓市,但我相信大部分都會將款項用作日常營運,如果唔搏,香港經濟有機會受到影響,導致不少中小企結業,失業率上升,到那時候,矛頭就會指向金管局,如果現在稍為放寬多少,回應民意,此不應為下策。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. SHUN 2016-04-20 09:17:20
梗係唔借啦!執笠又多條壞倀、失業率升梗架啦!周圍吉舖、X街MM先開始、有排衰………………信D托市怪買左樓嘅人…………腳震震了!
2. 路人甲 2016-04-20 11:31:27

借錢俾中小企, 即使話驚佢會把$ 調去樓巿; 我看未必係咁!!

中小企始終係中小企, 全香港百份之98的都係小型規模, 係香港的中流底砫,
世界經濟唔好景, 只想維持現在生意及經營已經好好啦! 

如果借了錢, 要還的話, 仲去買樓又要供樓, 又怕會跌, 我不認為會咁做(當然十人生九品,不能一百%否定.)

政府成日驚人駡, 其實, 應該[ 以民為本 ] 的心去做的話, 就知道目前好多公司都要繼續獲得支持去跨過前面的風浪. 講到尾, 鬥長命的時候, 各行業都萎縮, 唔死就係可以繼續做下去的了!!

銀行叫做 [ 好天遮 ] 見到落雨會收遮的; 今天若銀行度過都肯借的話, 那些[ 中小企 ] 都唔會太差的了. (差D的根本唔會考慮借俾佢哩!)

政府/金管局繼續太嚴苛的話, 將會係一個一個企業咁倒地, 香港精神捱左幾十年的心血都會白費!!

(目前全世界不景氣, 大陸也已沒有其他有效而可行的辦法了, 全球政府也在股, 樓製造財富效應來對抗衰退.)
3. 投資專家 2016-04-20 13:48:57
按揭貨款同商業貸款應該不應混為一談。
4. 好 2016-04-21 08:20:49
用按揭貸款當商業貸款是財技,唔係個個都做到。