地產博客 > 文亮言 返回
瀏覽人次:23485    回應:37
文亮言
什麼是逆特事特辦
 
湯文亮博士
紀惠集團行政總裁
2016年4月13日

  不少人認為今次特首大鑊了,連官報都話特事特辦最好少一些,他們會認為特首的事特別辦理最好少一些,我覺得官報並不是針對特首,是提醒那些自以為有特權的人,可以繞過常規特別辦理,可能剛剛特首細女在機場遺留皮喼,特首愛女心切,唔覺意向機場工作人員提及自己是特首,或者他沒有提及自己是特首,但應該有講他是CY,這是禮貌的自我介紹,但CY與特首又有什麼分別,不過,唔講又唔得,否則機場工作人員會問對方是什麼人,所以,介紹自己亦是人之常情,唔應該大驚小怪,為此大做文章。

  我曾經在國內工作幾年,當地人除了教識我與領導交往要不可以不親近,不可以太親近之外,還提醒我除非迫不得已,千祈唔好特事特辦,我問特事特辦是什麼意思,佢話即是撻朵,令要辦的事情可以加快進行,或者,可以避免一些懲罰,至於點解,因為錢債已經難還,人情債更加難還,我銘記於心。

  我記得有一日,司機載我前往地盤,途中見到一位國內同事老婆無牌駕駛摩托車,被四位交警捉住,佢見到我當然開心,希望我運用權力叫交警釋放她,我突然間想起千祈唔好特事特辦,如果我叫交警釋放她,周圍百多個睇熱鬧的人一定起哄,四位交警很難下台,於是我對他們說,請公事公辦,立刻著司機將車開走,在車上,我打電話給那位國內同事,將情況簡單說一篇,而我亦負責所有罰款,在我走了之後,四位交警將同事老婆釋放,有人在事後話俾我知,當時全場鼓掌。

  今次CY自我介紹,被人誤會是特事特辦,如果當日他自我介紹之後,來一招逆特事特辦,對機場工作人員說一定要公事公辦,事情就不會變得如此複雜,或者仲可以加少少分。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 二女 2016-04-13 08:39:25
佢二女特別多問題,避過今次,下次咪又避唔到.
搞唔到佢個女, D人咪又會改為搞佢個仔.

除非 美國 放過香港,否則呢D新聞只會愈來愈多.....
3. 二女 2016-04-13 08:40:33
佢二女特別多問題,避過今次,下次咪又避唔到.
搞唔到佢個女, D人咪又會改為搞佢個仔.

除非 美國 放過香港,否則呢D新聞只會愈來愈多.....
5. 好 2016-04-13 08:48:07
冇特權就不應該做特首,應該教導市民特首是有特權,個個都應該爭住做,但是亦都有義務造福香港。
6. 如是 2016-04-13 09:08:31
同意官員是有特權,但「以權謀私」就值得商榷。
7. 好 2016-04-13 09:23:48
特權=謀私
8. AK 2016-04-13 09:24:51
Dr you should go for next term 特首.
9. 如是2 2016-04-13 09:33:08
想回覆樓上,點解官員可以有特權,這裡叫香港是法治社會,只有法律賦予他們的權力才是他們的權
10. 如是2 2016-04-13 09:34:33
想回覆樓上,點解官員可以有特權,這裡叫香港是法治社會,只有法律賦予他們的權力才是他們的權
11. 如是2 2016-04-13 09:34:35
想回覆樓上,點解官員可以有特權,這裡叫香港是法治社會,只有法律賦予他們的權力才是他們的權
12. Ca1on 2016-04-13 09:43:09
特事特辦係有需要存在, 但只限於好特別嘅事,唔可以唔特事都特辦!

漏行李日日都有四圍都會發生, 唔算係特事, 咁特首就唔應該運用佢嘅權力去要求特辦。

本身我對呢件事都係觀望態度,但自從阿梁特首親自承認打過去俾機場人員,仲話自己係梁頌昕爸爸,我覺得呢件事係真正嘅以權謀私,應該認真處理。
13. 路人甲 2016-04-13 10:28:53

乜大家認為一個NOBODY打電話去話係XX的爸爸, 就可以特事特辦咩?!
那就錯啦! 阿差會睬呢?!

不管佢點介紹自己, 梁太咁深入民心, 又在現場, 其實都好明顯地知道電話中的對方係乜水啦!

明知自己係特首, 更加要警惕言行! 我唔認為係疏忽, 也不認為係無心!
茲事體大, 要不是言論還有丁點自由, 他們還會更加放肆!

香港確實無運行...(X_X)''
想到呢度, 個心好實!!
14. 真真薯片 2016-04-13 10:39:16
其實阿女只要肯用40分鐘出去攞返個gip再入返去就乜事都冇, 佢同佢阿媽同職員理論都超過一個鍾, 本來就小事都不得了, 問題係, 當初點解唔肯出返去攞行李? 邊個逼到佢唔好出去攞? 始終都係中國式皇帝心態, 我爸是xx, 我大晒, 你地係奴才, 咪就係咁囉
15. Ca1on 2016-04-13 10:46:00
香港咁多有錢人,其實富二代啲霸道行徑成日都見啦。之不過,香港普遍啲年輕人生活都唔算窮,而且自細被教育守規矩,所以啲地勤根本唔會見你係龍蝦就頂禮膜拜,上一代嗰種「特事特辦」以權謀私一早就行唔通。再講遠啲,如果啲地勤咁識擦鞋,就一早上晒位啦,駛乜仲做呢啲。今次梁特首真係打過電話俾機場人員,根本就係逼佢哋放件行李入去,咁樣唔係以權謀私係乜,如果係真係正常程序佢駛鬼打呢個電話咩,龍蝦啤兩嘢,乜都放啦。啲富二代平時慣咗蝦蝦霸霸,主因就係有啲咁嘅老豆老母(當然亦有好多好有家教啦)。
16. 好難想像 2016-04-13 11:22:03