主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 25162    回應 : 35
文亮言
政府將會迫自己撤招
 
湯文亮博士
紀惠集團行政總裁
2016年4月9日

  有老友話,樓市在政府的三款特別印花稅以及7次逆週期措施之下,雖然令到樓價下跌,但要上車的人依然很難上車,問我有沒有辦法令政府撤招或者放寬逆週期措施,老友跟住話我都是冇計,只不過是多口問一句,老友講得冇錯,我真的是冇計,就算我有計都冇用,政府話唔撤就唔撤,不過,我估計政府唔需要幾耐就會撤招或者放寬逆週期措施,而撤招壓力並不是來自任何人,是政府本身政策迫使不得不撤招。

  如果政府沒有重推居屋,又沒有港人港地計劃,要政府撤招就非常艱難,因為沒有包袱,私人地產商是否能夠賣走手上物業,政府完全沒有責任,但房委,房協,市建等公營機構所建成的樓宇,如果因為政府的打擊樓市措施而未能賣出手上物業,政府是責無旁貸,到最後,都要批准減價,亦即是確認樓市下跌,金管局就要履行承諾,放寬部分逆週期措施。其實,金管局早已打算放寬,否則的話,財爺及陳總就毋需在公開場合話,如果確認樓市下跌,就會放寬逆週期措施,而且講了幾次,唔通冇事搵事做,但如何確認,就很難有一個準則,無論如何,當資助房屋要減價,樓市下跌根本是事實,亦毋需確認,所以,政府遲遲不批准資助房屋減價,就是不希望樓市下跌事實被確認。

  今次,真的是十分多謝申請買市建資助單位的市民,他們縮沙其實是向政府施壓,如果今次滯銷,或者只能賣出幾十個單位,最後,迫不得已都會減價,而且幅度不少,我估計大約20%左右,因為幅度太少是沒有效用,如果這樣都不能夠確認樓市下跌,倒不如政府列出條件,怎樣才能確認樓市下跌。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. Stanley,Shum 2016-04-09 09:14:37
多謝博士,道明一切。
2. MC 2016-04-09 09:28:42
Exactly 簡直就係自己攞嚟衰,抵個死人689政府有今日!
3. 維廉 2016-04-09 10:01:52
世事都畀博士睇透了
4. 689 2016-04-09 10:05:21
689 所有地產措施,得益都是年輕人,但你們居然話抵死
5. 苦前業主 2016-04-09 10:10:34
財金官員自食其果啦
6. 怒婦炒魚柳 2016-04-09 10:14:22
689做咩都比人插,就好似當年董爺咁。
港燦當道,蝗蟲二代上位。
7. 123 2016-04-09 10:14:59
現在才跌十个巴仙,大家都在亂叫撤招。對比樓價升了一,二陪,要求撤招合理嗎?
博士是否叫人去接火棒,這與博士之前說樓價奇高有不同
8. 如是 2016-04-09 10:19:05

博士推斷也十分有理。但開了個頭,減價就難已,反正市區地段,市建擺係度慢慢賣都得。至於其他未開賣的居屋,可貼市減價,已大大幫輕抽到的市民。

博士是地產界的巨星,已明示今年見底及最多跌 15%,樓價去番合理水平,政府不知多高興。也有人話樓市會破頂,劃破銀河系;來緊又是特首選舉,撤招或者放寬逆週期措施的風險是難以預計。

9. 神算 2016-04-09 10:19:20
學LYC話齋,政府賣唔去咪惜售囉,佢哋有條款如果賣唔晒,可用市場價去賣,唔駛撤招。
10. LYC 2016-04-09 11:00:55
得幾百個單位,過萬人在後面排緊,CCL準備爆上,2手冇盤,1手超貴,會賣唔晒?
你地係咪排得好後,想前面個啲傻休唔好揀呢!
12. 毛毛 2016-04-09 11:10:11

我都好有興趣知道如果政府放寬按揭後,個樓市會升,還是會跌? 真係睇唔通

13. 神算 2016-04-09 11:28:55
下嗰禮拜要賣得晒,下嗰禮拜要賣得晒,下嗰禮拜要賣得晒。(很重要所以要講三次)
14. 葉孤城 2016-04-09 11:41:30
好嘢!
博士比於政府, 經常睇先一步, 棋高一着。
15. 路人 2016-04-09 12:42:49
@123,认同。

现在减辣,其实最有利应该是地产商,有很多套房的人呢…………会帮到需要上车人士吗?大家往深一层去看,现在减辣但房价涨,需要上车的还是一样没办法上车。

评论里各怀鬼胎!!
16. 撤招之日 2016-04-09 13:43:00
只要梁特首還在位是不可能發生的,這次博士可能要再等一會了!除非經濟大幅下跌,到時候就算有沒有辣招或甜招都不會有分別,便可以無聲無色的撤招了。因為這樣才乎合梁特首的性格(唔見棺材唔流淚)!
17. 引刀一快 2016-04-09 14:06:25
哈哈哈,神算兄真風趣。

唔知政府會唔會搵D公務員扮買家做媒呢?
18. 引刀一快 2016-04-09 14:09:22
To 12樓 毛毛兄

放按揭一定升...............一升,再跌嘅時候多咗負資産咁解啫。
19. 路人 2016-04-09 16:20:48
To:  18樓引刀兄,

非常認同「放按揭一定升」,但如果供應沒減,上車客購買力好快就消耗完,又會跌過,到時九成按揭好容易變負資產呀!!

小心,政府又利「好心做壞事」!!
20. 苦前業主 2016-04-09 16:57:34
如果政府高調講明放寬按揭救樓巿,實爆升

21. 窮人 2016-04-09 18:29:08
都希望個市穩d,大升唔好,大跌更死。

現在有不少部份人靠地產相關行業為生,
有部份人都係年輕或低學歷人士,
很難轉工,如果唔係都唔洗搵d易入行工種,
因為地產多年興旺,佢地已經做左幾年,
冇危機意識去轉行,冇咩準備。

所以,走鬼都要俾d時間。
22. 湯博士讀者 2016-04-09 18:55:03
湯博士認為「確認樓市下跌,金管局就要履行承諾,放寬部分逆週期措施」 。

我個人對湯博士這個觀點不太認同,我認為特區政府只會在樓價下跌到一個合理水平才需要放寬按揭,如下跌至少三成(中原指數在100點左右),但我個人認為下跌四成(中原指數90點)比較穩震,因為到時樓市上升,市不會太反感,中央政府對樓市在這情況上升絕對可接受。


23. Amanda 2016-04-09 21:49:02

楼價还會再跌几多?

24. 香港土著 2016-04-10 00:05:44
LYC兄,CCL凖備爆上,你睇年尾會上到幾點呀?
26. 引刀一快 2016-04-10 02:41:28
119!
27. LYC 2016-04-10 09:19:54
樓上的淡友問其他淡友會跌幾多其實真係有害無益啊,只能讓理心靈得到暫時的慰藉+永遠唔會買樓,依舊要無止境的交租啊!博士早幾日已話見底,你又唔信,係都要信淡友所講跌6成,對你有實質幫助嗎!?
租盤現在已經被淡友搶晒(http://www.manyw.com/article/article_img/40_14501_top_a.jpg),未來租金將會爆升,收租回報率係冇可能太低啊,所以樓價會跟隨爆上。其他國家由於負利率,大量本地和國內外的有錢人將湧入掃貨啊!
CCL有排升啊,今年應該還未升穿大氣層呢!
28. 引刀一快 2016-04-10 15:36:59
原來火星喺大氣層之內㗎?你真係有point喎!!!!!!!


自相矛盾,日日喺度叫恒晒,真係可怕。
29. LYC 2016-04-10 15:45:12
出年升穿大氣層咪之後,突破阻力位咪一支箭咁衝上火星囉,哈哈!
到時你還有什麼野好吹呢!?
30. 引刀一快 2016-04-10 15:45:26
哈哈哈哈哈哈哈哈哈哈哈
31. 鄭成功 2016-04-10 22:21:22
博士,你前幾日分析樓價年中都見底,似乎係辣招唔夠辣,你老友問你點可以令政府撤招,點解唔同佢講樓價都就跌完就見底,為什麼要撤辣招?其實根據你分析辣招對樓價其實無影響,都快見底了,我等緊大升賺一筆㗎,我都想做跟你做炒樓專家。
32. 鄭成功 2016-04-10 22:48:35
上面班淡友我話多啲你哋聽,2012年尾辣招出嗰陣,好多炒樓專家同我講呢啲辣招一啲用都無,無阻我哋龐大嘅炒樓力量,果然係爆升,而家個價高過我當年買入價多多聲,多謝博士嘅分析,如果唔係邊有得賺。而家我哋一齊話升,就一定升,辣招打倒唔到我哋。
33. SHUN 2016-04-11 06:50:21
壓低樓價、增加供應、將會成為CY唯一較成功之政績、減辣?下個特首先啦…………!鬼唔望佢連任tim…………哈哈!
34. David 2016-04-11 08:51:45
現在所謂上車盤的實呎價在一萬左右, 想政府撤? 撤條毛.
35. 引刀一快 2016-04-11 09:06:41
一撤BSD,CCL必衝180,好友們齊齊跳求雨舞吧。
36. SHUN 2016-04-11 09:38:27
入市就跳樓Lu…………、當然、好友出左貨實開心、接貨者就揾樓跳!
37. 只欠東风 2016-04-22 09:00:47
美股雙頂老牛等待大爆破,而美股大爆破勢必累及全球经济令環球经营環境变壞以至大小企業倒閉或大裁員,到時失業率大升(冇收入揾乜來供楼)引至断供應潮引生大量负資產卷土重來,到時楼價自然回到超底水平。到時越撤招越平越冇人買,形同虚撤(招).
楼市致命傷~~~大失業率