主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 20812    回應 : 27
文亮言
與行動不一致的股市評論
 
湯文亮博士
紀惠集團行政總裁
2016年3月20日

  在過去幾個星期,不少本地以及外國評論員都表示睇淡港股,建議減持,而且將目標價一降再降,我不排除有人減持港股是因為他們的言論,但相信數目不多,一般股票投資者都沒有理會那些評論,買賣股票都是按各人的意願進行,大家又唔好以為那些建議減持的大行一定會狂沽股票,事實上,他們的行動與建議不一致,大行狂追股票。

  大行沽股票行動早已在建議減持已經進行,甚至完成,當他們發出減持建議之後,如果有股民跟隨,他們就可以趁低吸納,這種情況以前已經唔知道出現過幾多次,大家見怪不怪,亦不會有人指責他們,說到底都是言論自由,他們又沒有強迫投資者買賣股票,又沒有收取顧問費,投資者憑什麼指責他們,不過,失去公信力的評論員即是斷送他們的職業生涯,大家可以睇睇索羅斯,講到明要沽空中國,結果都沒有人啋佢,現在都唔知道去咗邊度,相信要隔一段時間,待大家忘記他所說的時候,就會重出江湖,屆時,他可能改口說中國前途秀麗,人民幣不會貶值,但已經沒有說服力,這亦是一個評論員職業生涯終結,不過,大家又不用擔心老斯,佢大把錢。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 運輸工人 2016-03-20 10:30:57
咁似衣道個股票評論員
2. 西門吹雪 2016-03-20 10:57:01
本來吾想講,不過博士講開就講。索佬係超聰明,佢喺cny前唱空中國,喺新年放緊假期間做野。當時中國放緊長假,大陸再強既干預都冇可能喺假期托市。佢就喺預托市場賺錢。到左新年完左果幾日開市,基本上已經賺完走左路。於是新年完左無耐,大陸股市就開始見底回升。

至於大行報告,一向都慢人幾拍,升時唱升,跌時唱跌,可以不理。能夠做到像博士哪樣高瞻遠蠋,又樂意分享既評論員,實在沒有幾人…
3. 鄧學士 2016-03-20 11:12:22
巧取豪奪嘛!唔係騙子賊佬唔會咁多啦!大家手法相同,媒介唔同而已。
4. 真真薯片 2016-03-20 11:22:22
陶東同6冬兩條友都係差唔多, 錯到要收聲
5. 真真薯片 2016-03-20 11:25:48
郎8賣得差, 都幾大鑊, 變相幫元郎樓價封左頂, 以後元郎賣樓如果叫價貴過4大新盤. 即係唔洗賣, 直到貨尾清晒為止
6. Tony lam 2016-03-20 11:34:20
呢一轉我唔信[儍佬施]索到嘞  !  阿爺而家唔玩巧招、食力先係强項、熔斷就熔斷、斷咗就停咗唔玩、認錯係做戲比人睇、效果最重要、等於傳媒亂噏、事後sorry囉!但已經咗你一嘢先。
而家個個都䀹住阿爺手影、油/金/礦一平就大大殺起、所以美國猶太佬呢排變招要咁頻密、但阿爺用至簡破至繁、點解使得呢?我子彈最多又唔亂掃囉!
7. SHUN 2016-03-20 12:37:34
呢道D所謂好友、跟本自己未走到貨、又或者幫地產商散貨道理一樣、可能睇得比本人還更淡!
8. 博士又講中 2016-03-20 12:46:25
新盤越來越難賣,連誠哥出盡法寶都賣唔哂,其他發展商又怎會賣得好,慘!
博士都講過,供應越來越多,越來越難賣,未來新盤開價只會越買越平,二手就更難賣了,慘!
9. 真真薯片 2016-03-20 15:10:01
元郎四大新盤, 誠哥最早賣, 賣最貴, 去貨最多, 唔到你唔服

跟後面果d新盤比誠哥貨尾食住個勢, 睇返轉頭, 原來誠哥係高開再慢慢減, 預左越賣越平, 勁!
10. 如是 2016-03-20 15:15:14
真真薯片兄,原本郎8發展商對銷情都好有信心,所以才會第一次推多些盤,可惜CCL大跌再加上誠哥的真心話,小市民的剛需即時軟了。
11. 真真薯片 2016-03-20 15:30:19
如是兄,

今次真係比老斯累死!
12. bb 2016-03-20 16:35:16
博士講得中,我信有經驗的前輩,新樓落成量十银主十二手盘,今年大造買樓時機。
13. 蕭峰 2016-03-20 17:02:20
  (星島日報報道)元朗新盤戰愈演愈烈,區內大盤朗屏8號昨晚首度加推,突擊原價加推一百八十八伙,並維持最高一成二折扣,折實每方呎一萬一千七百八十四元,消息指,最快有機會在本周末率先應市;項目連日開放示範單位,穩錄人流,收票量亦持攀升,至今累收約一千三百票。發展商為增加叫座力,夥拍銀行提供特快樓揭批核,力吸上車各源。

  成為最近市場集點的元朗新盤朗屏8號,發展商嘉華國際總經理(香港地產)溫偉明表示,項目收票理想,並錄得家庭客連入四票,期望項目可於本周末開售,有機會日內公布銷售安排;他又指出,是次的「票量」與「實際需求」的比率十分相近,相信開售後銷情不俗。


14. SHUN 2016-03-20 18:15:59
元朗仲去住?送埋南亞鬼打劫、強姦囉………………痴線、仲萬幾一尺。
15. 蓄芳待來年 2016-03-20 18:32:46
陸東話股市似熊三尾牛一頭,見到仲有咁多人走去買新樓,唔通真係「萬念俱灰」,所以將錢投入樓市?目前對樓市唯一嘅好消息,就係QE,但觀乎其他風險都好高,軟着陸時間不過得半年,似乎未夠。
人仔貶值暫告一段落,世界已經冇乜嘢好玩(投資),保本至上,保持235陣式,放一兩年假,希望再出來搵食嘅時候,呢個世界會明朗d。
16. 真真薯片 2016-03-20 18:32:58
可能部份入飛既人真係想買, 點知比老斯嚇窒左, 可以肯定既係, 四大新盤全部賣唔晒, 今次賣完新樓, 唔會有向隅客, 只有向隅業主, 元郎二手想出貨, 睇怕都幾難, 如果有元郎業主係被逼賣樓, 個價可以好驚嚇
17. LYC 2016-03-20 22:12:19
在情況惡劣環境之下,元朗成萬二元一尺咁貴第一日就賣了4成,慢慢賣晒之後,這個尺價就成了元朗的指標。
2手業主以後冇這個尺價都唔會賣啦。租金回報又越來越高呢!




18. 如是 2016-03-20 22:41:13

發展商若真睇好樓市長升長有,

點解咁心急開賣長樓花?。。。。睇淡就直情唔出盤!

仲要幾個盤同時開?。。。。良性競爭!

妙答!

19. 回報低死揸業主 2016-03-20 22:41:21
朗屏,元朗合益好多南亚,又多尼泊,黑人。万二元一呎我去大圍名城好過,有個agent剛介绍万一元有找。
20. 蕭峰 2016-03-20 23:11:07
哎,本來已經唔想講....

發展商都要追業績,唔通一年唔賣樓,年尾食白果?

21. 十郎 2016-03-20 23:25:20


      地產商:唔賣樓? 你保唔保證,六個月後,會貴過而家先。


22. 十郎 2016-03-20 23:33:04


      財主們:你地每5間樓,跌咗一間。


23. 怒婦炒魚柳 2016-03-21 08:49:12
哈哈哈哈,每五間樓跌一間!
咁升巿時每五間味賺一間!
投資者係唔洗理升跌嘅事
投機者起呢啲時勢就輸囉~
24. 引刀一快 2016-03-21 10:13:09
十郎兄

六個月後,經濟問題再顯露多D,氣氛會同依傢好唔同。
25. 十郎 2016-03-21 12:57:10


      我的台詞背後,係想講:現在賣,好過六個月後賣。


26. Ca1on 2016-03-21 14:23:19
潮退時, 就知道誰在裸泳。低質素、位置差的樓宇將會現形。朗屏北呢啲樓, 應該早喺去年市旺時就賣啦。
27. 引刀一快 2016-03-21 14:26:09
十郎兄

真係精景到爆!!!!!!