主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 24652    回應 : 22
文亮言
無條件減辣,請問減辣的條件是什麼
 
湯文亮博士
紀惠集團行政總裁
2016年3月3日

  物業代理界近日不斷有聲音要求政府減辣,除了CY之外,陳茂波亦公開表示不會減辣,近日,陳茂波更加說,政府無條件減辣,我覺得這句話是相當矛盾,政府內部根本不知道在什麼情況之下可以減辣,點解波哥又可以話現在無條件減辣,或者,他真正的意思是無減辣的條件,不過,我最覺得可惜的是業界日嘈夜嘈,要求政府減辣,但當波哥說沒有減辣的條件時,他們又不打蛇隨棍上,問下波哥究竟減辣的條件是什麼,這樣好的一個機會,就白白浪費了。

  其實,政府在推出辣招時,已經沒有打算減辣,如果業界了解政府動機,就應該阻止政府繼續出招,就算SSD不能撤回,CY最低限度對推出BSD都有所顧忌,如果不能夠順利推出BSD,DSD就不會出現,物業代理界現在就毋需那樣頭痕,如何阻止,當然是提出司法覆核,現在有物業代理行每個月蝕一億,早知攞一個星期所蝕的款項,就已經夠與政府打官司,大家千祈唔好認為勝算不高,最近又有人挑戰DSD成功,唔需要付DSD之外,還可以得到堂費,唔知道業界見到結果又有何感想。

  如果政府沒法講出減辣條件,業界應該反守為攻,要求政府在三個月至半年之內檢討辣招是否應該繼續存在,否則,就政府遲遲未能減辣或者訂出減辣條件而申請司法覆核,或者有機會令政府自行訂出減辣日期或者減辣條件,如果唔採取主動,政府一世都唔會撤銷辣招。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 真真薯片 2016-03-03 08:46:05
JR要有白手套, 地代老闆咁愛國愛港, 又點可以自己搞JR?

一直以黎JR既最大代理人都係犯民, 犯民侵犯人民太多, 已經出現票債票嘗既現象, 下届立會隨時本民前議席仲多過白鴿黨或者公文黨, 九月就選立會, 家下犯民有JR生意都唔敢接啦
2. 打工仔 Andy 2016-03-03 09:16:16
辣左咁多年都習慣了, 減左反而要適應!
3. 無奈 2016-03-03 09:23:28
當政府要減辣的時候,恐怕是經濟相當糟的時候,這個時候人人都話要減辣了,這就是政府辦事的方式,名為取得共識也。
4. 鳥5 2016-03-03 10:15:40
記得話係供款能力要向4成果時。大约返09價,大约7O至80指數,4成以下先諗首置計劃。至於公司,及外地人税,就除非香港好大擰樂先諗。至於逆周7招應該可以行先。不過果D套方盤。如果公屋供應多,Lee D業主。CY肯定攪LEE D業主。。我自己詐
6. 路人 2016-03-03 11:20:48
叫人联合打官司,政府如果输了,纳税人就要给诉讼费?万一楼市又升了,年轻人又跳出来怎么办?
7. 強盜邏輯 2016-03-03 11:25:03

樓上,樓市大跌,中產業主跳出來怎麼辦?

還是只怕聲大的,年青人會搞暴動所以反而要遷就,中產只會上稅所以死命欺負咯?中產的利益就是隨便踐踏咯?

8. 鳥5 2016-03-03 11:45:09
湯生意思應該唔係要贏定輸,係要知政府底牌。等市塲人士加快條整至平衡點,即係合理價格。至健康發展期。。

9. 蕭峰 2016-03-03 11:54:53
搵d三無青年打官司,又係浪費納稅人金錢。總之都係納稅人比錢佢地玩。


10. 西門吹雪 2016-03-03 12:05:41

哈~會跳出來攪事既多數係咩都無,工作又唔多惦,物業財產都無咩既人啦。

有家有業,仲要多數有返咁上下年紀,相信上街示下威已經極限了,仲話走出來攪事 =.=

唉~香港係咁架啦~~交又交最多稅,比人蝦又唔敢亂來。講財雄勢大又唔夠有錢人。咩鬼福利都無。唉...

11. 路人 2016-03-03 12:09:05
to 强盗,

同意不能偏袒青年及非纳税的一群。只是想指出滥司法覆核打官司的行为,也正正浪费我们纳税人的资源。

他们如赢了政府要赔,政府就要买单,有可能把之前的钱要退回来;如输了他们又不用赔,也是纳税人付!



12. 疾風之狼 2016-03-03 13:55:52
兩個概念不能混淆。
有人成功JR DSD, 講緊係入面嘅細節。而地產界要 JR 成個 DSD, 理論上冇可能。因為提出新稅項是行政和立法嘅事,不是司法系統管的。司法系統可以管法律裡面嘅細節,而非有權去阻止法律草議,立法和實施,除非該法違反基本法。
13. 疾風之狼 2016-03-03 13:55:54
兩個概念不能混淆。
有人成功JR DSD, 講緊係入面嘅細節。而地產界要 JR 成個 DSD, 理論上冇可能。因為提出新稅項是行政和立法嘅事,不是司法系統管的。司法系統可以管法律裡面嘅細節,而非有權去阻止法律草議,立法和實施,除非該法違反基本法。
14. Tony lam 2016-03-03 15:06:27
地代用乜身份去司法覆核呢?生意淡薄就告政府 ?有冇計下目前地代規模嘅合理利潤、要幾大成交至掂呢?抽水都抽乾啦!
目前係絕對唔需要减辣、有排低息、銀行水浸好頭痕、點會冧檔、减辣再發燒會出事㗎 !
15. 刀下留人 2016-03-03 15:36:00
CY政府連任之前都唔會撤招:
1. 為左完成穩定樓市目標。
2. 爭取商界選票。
16. 苦前業主 2016-03-03 16:32:09
爭取連任尚可以理解!
爭取商界就肯定錯喇。
17. 苦前業主 2016-03-03 16:51:02
開講有話油價跌左咁多年,香港車主們仍要捱貴油,政府前幾日話不能干擾經營者運作,累我哋啲車主好苦啊~

換轉話講,政府一路壓抑樓巿,又唔見佢話干擾巿場運作?呢屆政府只討好基層,我哋中產食得屎囉。
18. 苦前業主 2016-03-03 16:58:46
哈哈,我今日冇睇樓上就覆,覆完先至睇樓上講乜,原來位位都呻緊中產苦,好認同樓上各位所有。
19. 苦前業主 2016-03-03 17:07:55
老實講,如果要迫到我上街示威,我只話佢哋仲咩唔派糖比中產,向'老'新移民及中港夫婦家庭傾斜得太多,其它咩自由、言論、電氣大波、乜波物波李波茂波,我都冇興趣,成個啟德都係新移民住哂,佢哋仲話「排三年啫」...唉...我哋中產真係好苦
20. 樓蟹 2016-03-03 17:42:28
中產幾時都係靠自己, 老咗退休後無咗收入, 生活質素肯定大跌, 跟住老人慢性病, 癌症齊發...中產個個也相同。
21. 狗頭貓 2016-03-03 20:58:32

   贊成17樓,

  辣招是粗暴干擾市場惡法 , 是不公的 .

  另一惡法 逆權侵佔更是不知所謂 . 霸人土地十年 , 不速速補回租銀 , 更合法佔為擁有!           司法 公義!


22. 刀下留人 2016-03-04 11:50:01
23. Ca1on 2016-03-04 13:14:35
逆權侵佔係來自普通法嘅概念, 原意係令到一啲原業主長期失蹤令到土地閒置嘅情況減少, 再者, 新法例下(亦都係跟英國), 對業主嘅保障已經多咗, 詳情費事打咁多字.