主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 27803    回應 : 8
文亮言
有沒有賭馬必勝方程式
 
湯文亮博士
紀惠集團行政總裁
2016年3月2日

  有中大教授話發明了一條贏馬方程式,贏了很多錢,但贏馬之後又唔交數,被金主告上法庭,有老友問我,究竟有沒有贏馬方程式,而其他賭錢方式,又有沒有必勝術,因為有人話,廿一點是有必勝術,佢仲話我是澳門人,一定知道。

  我老友可能輸到暈咗,賭錢邊度會有必勝方程式,以前,我都唔知道聽過幾多次,最後發覺,是自稱擁有方程式的人的目的原來是想兜售那些所謂方程式,如果是必勝,又何必賣走那條方程式,更加唔需要搵人做金主,點解要益其他人。

  雖然沒有必勝方程式,但有近乎是必勝方程式,以賭馬為例,大家不需要用複雜的計算方法,讓其他投注人士計算,每次當有大熱門賠率超過二的時候便下注,如果輸了,下次,再有同樣機會,便雙倍下注,再輸,再雙賠下注,直到贏為止,只要贏一次,便可以取回本金,最低限度亦贏取了最初投注的金額,最要注意的是賠率一定要一賠二或以上,否則,就做唔到必勝效果,而這條方程式是有名堂,叫「神仙過鐵橋」,不過,就本大利少,即使如此,賭場亦有破解方法,就是限紅,如果一直輸到投注額頂點,就不能夠再以雙倍投注,這條方程式就會自動失效,輸了的錢就不能夠從這條方程式贏回來,在賭場,已經很少人會用這條方程式。

  雖然馬場還未有限紅,理論上仍然可以使用,但輸多幾次,投資金額將會是一個天文數字,賭徒自己都會自動限紅,所以,這條必勝方程式亦只不過是理論,不容易實行,而賭場叫這條方程式做孤寒注,是三大必輸方程式之一,世界上沒有必勝方程式,不敗方程式就有一條,就是不賭。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 小師妹 2016-03-02 09:26:45
難怪以前的老人家經常講“不賭是贏錢!"
2. LS 2016-03-02 09:42:37

炒樓本質就是賭樓價升跌, 又怎會必勝?

不敗方程式就有一條,就是不賭(炒)。

3. hkhope1 2016-03-02 10:41:53
不賭才能不敗.
4. 望東樓 2016-03-02 10:43:08
博士好,好想知另外兩條秘方。
6. 按居 2016-03-02 14:11:24
以我跟咗blog咁耐,另其中一條應是「磨爛蓆」。
7. MT 2016-03-02 15:02:01

我聽聞真係有賭馬必贏方程式. 做法係用電腦計算所有投注方式,如獨贏,過關,T...等等等唔同組合嘅倍率,計算出所有可能出現嘅結果後,就會搵到必贏嘅投注方式. 此法聽落簡單,但做起上嚟一啲都唔易,除了要有高速電腦時刻監察各種投注方式的倍率變化,還要能做到在最後一該高速在大量不同的投注方式下注,而最重要係有充足資金跟隨電腦計算結果在大量不同投注方式下注,真係唔係咁易做到. 聽聞馬會都知有人咁做,但咁做唔犯法,都吹佢唔脹.

8. RY 2016-03-02 16:15:52
博士的方程式,我小學時想出來,諗咗好耐,終於開口問家人work唔work. 佢話見過連續開十次大未?仲有圍x通殺呢。我就知我好易變賭仔,都係踏實d好。

幾年前,在一張枱上見有人咁玩,一千一個碼仔,最多6千,那人時勝時輸,在旁睇人實戰,唔比佢趕都偷笑,最後老友跟佢買,坐浸佢船,走人。
9. HKF 2016-03-02 18:13:36
賭無必勝,冇必勝方程式,呢個我認同。

但無論賭馬定廿一點,都有長遠而言有正數期望值的方法,當然其中涉及大量數學計算,絶非一般賭仔所想的 "賭纜"。

賭馬方面,建議博士可以search下呢幾個名: Zeljko Ranogajec, Alan Woods, Bill Benter,尤其後兩者,係1980年代開始喺香港用電腦賭馬,賺到盤滿鉢滿; Woods 幾年前死咗,Benter 聽聞退咗休冇再賭馬,但仍然在香港居住。就算唔講鬼佬,講香港人,都有唔少集團用電腦計馬搵食,仲出埋書 ("計得精彩")。

至於廿一點,最為人所知既贏錢方法係算牌,可以睇 "MIT Blackjack Team" 紀錄片,或者電影 "21"。亦有其他方法可以做到長期贏錢,例如追Ace,shuffle tracking,切底牌;不過呢啲方法喺澳門用唔著。打廿一點都有其 "名人堂",可以search下: Blackjack Hall of Fame,上面提及三個賭馬專家,有兩個入咗廿一點名人堂 (Ranogajec 2011年入, Benter 2016年上個月剛選入)。