主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 26425    回應 : 40
文亮言
如何要政府撤銷所有辣招
 
湯文亮博士
紀惠集團行政總裁
2016年2月29日

  大約兩三年前,政府還未修訂DSD,曾經有人問我如何要政府撤銷所有辣招及放寬逆週期措施,我話這是一個不能夠完成的任務,那人話並不一定,只要從最沒有威力的辣招開始,只要政府答應,即是代表政府承認辣招的確影響樓市,如果沒有成效的話,就要繼續撤招,直至撤銷所有辣招及放寬所有逆週期措施,不久之後,政府修訂DSD,在購入新樓之後,可以收樓後六個月內賣走舊樓而毋需繳付雙印花稅,本來,這是一個相當溫和修訂,對樓市根本沒有影響,但當時供應尚未充足,樓市淡靜並非DSD所引起,撤銷DSD所起的作用不但很少,而且出現反效果,因為買了新樓的人毋需急急忙忙將舊樓賣走,導致供應減少,樓價繼續上升,政府又不能夠撤回修訂,同時,政府亦知道,樓價上升主因是供應不足,所以,就再沒有撤招,如果當時沒有察覺到真正原因,政府惟有要繼續撤BSD,SSD等,直至樓市回復正常。

  最近樓市不但成交量低迷,樓價亦確認下跌,已經具備減辣條件,但市場上對於減辣有兩種不同聲音,物業代理界要求政府撤招,由最基本的DSD開始,而地產商則要求放寬逆週期措施,很多人唔明白點解地產代理界只要求政府撤銷DSD,對樓市影響不大的辣招,而一般人都知道,樓市淡靜是因為上車的人很難向銀行借錢買樓,放寬逆週期措施就最有效,物業代理界冇理由唔知道,其實,這才是高招,只要政府由撤銷DSD開始,沒有效用則會撤BSD,繼而SSD,撤銷所有辣招之後,便開始放寬逆週期措施,與現在開始沒有分別,但如果現在開始放寬,政府見到有成效就毋需撤招,辣招將會變成永久法例,所以,千祈唔好話物業代理界的要求不是高招,但我始終相信,政府是不會撤招,倒不如大家同心協力,要求金管局放寬逆週期措施還實際。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. JCheung 2016-02-29 11:57:03
昨日選舉,本土前得票6萬多排第三,相信大部份中年或年長人士估不到。自已住新界東,週五才發現大量年青人、大專生助選,質數遠比民建聯助選團為高。週六晚再收到在英國讀大學的兒子求救,態度誠懇得比荷包剩番20鎊叫我匯錢更甚,加上問番現在大學生的政治意識,知道已經質變加量變。

相信現在單靠壓低樓價也救不到年青人對抗政府的力量,至少政府也相信置業可以紓緩社會的積怨,旺角暴動/騷動也動搖不到年青人的心,今次本土的力量不可小觀。

撤逆週是幫助買樓人置業,是需求面的做法,有點是在跌市中抗跌的味道,以現在的政治生態,差不多是無可能!


2. Ca1on 2016-02-29 13:07:13
香港社會已經文革化了. 年輕人要以暴力同佔領去打倒現有建制的一切領導層. 文革肆虐中國十年, 死了一大批人, 毀滅無數文物, 最後在領導者死亡和政變下才被強行結束. 香港真的要動亂十年?
3. SA 2016-02-29 13:54:41

現在投票比本土的年青人, 是近十幾年看生果報大的, 要有高人出現, 香港才有希望

4. Tony lam 2016-02-29 14:27:18
而家嗌香港獨立、本土班友、係二五仔嚟㗎、攪到係香港自己毀約在先、阿爺大條道理提早出手唔洗等50年、到時香港就最盡都係直轄市、冇得好似而家咁多着數嘞 ! 生意可以照做、但香港人冇得再靠醒目加古惑老表嘞 !  
對應策略 : 我地一係散水做寓公、一係淨揸磚頭咪做生意、可                   能到時重耳根清靜。
5. Ailee 2016-02-29 14:28:19
點解要撤?如果樓係唔係比人炒嘅,撤唔撤對自住嘅人有乜大影響?
6. 包租佬 2016-02-29 14:32:05
我認為係現時既政治氣氛,政府係唔敢也唔會放寬任何措施。君不見本土派雖然落敗,但得票如此高,可見很多年青人係很不滿現時既生活環境。所以話,如果唔小心放寬咗而到時樓價又升番,班年青人又會作反。
7. 包租佬 2016-02-29 14:32:06
我認為係現時既政治氣氛,政府係唔敢也唔會放寬任何措施。君不見本土派雖然落敗,但得票如此高,可見很多年青人係很不滿現時既生活環境。所以話,如果唔小心放寬咗而到時樓價又升番,班年青人又會作反。
8. 蕭峰 2016-02-29 18:41:49
中国人民银行决定,自2016年3月1日起,普遍下调金融机构人民币存款准备金率0.5个百分点,以保持金融体系流动性合理充裕,引导货币信贷平稳适度增长,为供给侧结构性改革营造适宜的货币金融环境。

水浸啊!
9. 真真薯片 2016-02-29 20:04:22
反對暴力既主要係有錢有樓有股票果班

支持本土既主要係後生仔搵萬零蚊住公屋, 對呢班人黎講, 就算北京聽日就取消一國兩制, 樓股跌幾多成, 港幣變廢紙, 對佢地都冇乜影響

正路解決方法應該係塞d資產/事業比呢班人, 將佢地既利益同社會連結埋一齊, 就少好多人反社會啦
10. 老餅 2016-02-29 21:40:06
9樓薯片兄,絕對同意你的想法,N無年青人判死無大害的心去行事,又被人利用的熱血青年,有甚麼做不出.
11. 珍惜香港 2016-03-01 00:26:36
珍惜香港

新界東補選,本土派有六萬六票,我見大家咁擔心。其實,心水清啲睇,呢個結果,根本就冇乜大不了。

六萬幾票,投俾長毛果班,咪差唔多!有乜咁出奇?今次投票率,46.1%,而冇投果 53.9% 沉默一族,唔見得有幾 BUY 啲激進派啫,點解?有名你叫,激進派嘛!點會沉默?晒冷都喺得果六萬幾三分天下?算吧啦!實情喺,支持激進派嘅人數,明顯地萎縮緊。

至於我投俾邊個?仲使問?梗喺「珍惜香港.行正路」啦!哈哈哈!

話說,個楊乜乜當選之後,都唔知幾風騷,講到明,話會用更多手段,迫啲議案通唔過喎!咦?唔通選佢果十六萬幾人,個個都支持拉布?個個都想高鐵爛尾,三跑起唔成?坦白講,我又唔見得。

講到尾,咪又喺,歷史嘅心魔

總之,喺建制派、親阿爺果啲,就唔選得,話知你行乜路。公乜黨?拉布黨?照殺啦!高鐵?三跑?關我乜事!

一個磚頭,向前掟出去,拋物線,跌番落嚟,點都唔會掟中番自己嘅!即喺話,可以掟啦!

呢班香港人,真喺冇鬼用!

啲咁嘅選民心態,就如當年投白票果班,曲線揀咗個思歪出嚟,轉個頭唔鍾意啫,又想轟番人地落台;做人呢,點可以咁唔負責任架?又如當日,大是大非之下,簽名反佔中,都咁多 CONCERN,怕益咗思歪?怕益咗周融?怕益咗建制派?

呢班香港人,真喺冇鬼用!
12. 本土香港人 2016-03-01 00:29:04

我越來越覺得香港有哋似晚清,國力薄弱,經濟不振,義和團興起,打著排外,固步自封口號,大話連編!似唔似而家哋本土派崛起?雖然暫時現在規模還差很遠,但年青人固然易受影響,同輩反叛行為,反抗當權者是型及威的表現,但亦得到有些成年人支持,可能和民生有關,或趁世。今次唔駛八國聯軍,最後香港可能亂到阿爺要出兵!希望只係我中史💩!但係雖然八國今次無聯軍,不一定外國無暗中出手。


香港現在是內憂外患,政治內耗,外來虎視眈眈中國崛起,香港一定受到牽連,唔多唔少都會利用香港+台灣做磨心,加上經濟疲弱,真係衰嘢一齊來。好彩是現在中國都不像以前軟弱!所以中國要強大,唔衰得!


解決香港困局都係要靠經濟,其實梁振英在佔中後,佢無做錯去全力發展經濟,只係好多港人唔認同,或者特登唔認同,尤其是泛民,為了自己政治籌碼,在立法會亂帳,顯現易見!但香港依賴中國太久,要重新好似BB自己企起身,唔扶實在太難,當然又有人話政府影響自由經濟,但香港經濟現在是病人,要食Steroid,只係食咗唔知會唔會遲。其實梁振英睇得出香港落後人好多,要去扶助企業發展,例如創新局,叫香港人唔好淨係識炒,所以辣招一定唔到最後佢到唔會撤。


13. 向飯民說不 2016-03-01 01:18:31
11樓,你太樂觀了,飯民之後肯定會更激進。
14. 不是地產經紀 2016-03-01 08:18:09
要扶助香港經濟發展可以借鑒台灣經驗,台灣初初發展工業時企業研發能力有限,所以台灣政府用了大量人力物力和無數金錢聘請外國專家,將各種生產上遇到的技術問題徹底解決,再免費送給企業,又花費大量人力物力將研究成功的技術成果,免費送給企業,台灣經濟就係咁樣成功上咗位嘅。

再看看香港的做法,只是起幾間大廈比企業租用,再起過名叫做科技園,就叫做大力支持香港科技發展,又求求其其起幾間適合工廠生產的廠房,咁又叫做全力支持工業生產
,這樣搞笑的支持香港工業發展如果能夠成功,那就真是無天理了。
15. 士旦 2016-03-01 08:54:11
犯民目的是要迫呀爺出手,向外說盡呀爺懷話,目的只有一個是想推反中央政權,最終引發中美戰爭
16. DSY 2016-03-01 09:20:03

蕭大俠淡轉好了嗎?近排留言畫風大變啊!

17. 蕭峰 2016-03-01 10:03:42
to DSY, 我是數據派,看數據做判斷。

之前都講過,好淡係相對架,隨着時間轉移,好淡身份係可以互轉架。

舊年我賣晒股票做淡友,跟住見證左幾次a股千股跌停、港股日跌千點的股災。但做淡友,一係齋睇,一係想搵機會入市。近排看新聞,已經有d  signs,有企穩跡象。我都係度呼籲大家留意,至於決定,係每個人自己概事。




18. 本土香港人 2016-03-01 10:38:13

跟台灣經驗,泛民又話利益輸送,官商勾結。現在所有嘢要過立法會,都幾難過,要想想有冇其他方法好似利用中國大企業出手。 好似高鐵,只是欠190億,等如大生加華置2棟大廈,當係中國大企業走出去,買地鐵好過買外國資

19. 蓄芳待來年 2016-03-01 10:43:11
新東補選日,與深圳地代A在國貿飲茶,我問A君點睇,佢話民建聯輸硬,我聽完分析眼都突埋。
A君話民建吾係贏吾到,係吾可以贏,如果贏咗,民建聯嘅價值就會大減,以後就冇咁多著數。
結果出來後,不禁搖頭苦笑,政治呢家嘢,我哋真係小學雞。親身見證過民建聯在老人院嘅動員能力,吾想接受,但原來政治就係咁,都係一盤生意,著數行先。「行正路」,原來同「反清復明」一樣,只不過係一句口號,以後唔使太認真。
20. DSY 2016-03-01 10:44:07

大俠不知道你有無親身去,我上年買左件16M左右。但是很多相熟經紀並不知道我買左,所以依然幫我緊差不多的貨,我自己有34個盤關注。但So far連一件減價貨都沒有,不止我沒收過通知,亦無見過成交,其中1個更有破頂。

這次調整,如果是調整的話真是反而會累到些人。其一可能多交幾個月租,其二SSD又要多數幾個月,其三低息又少了幾個月

21. DSY 2016-03-01 11:00:51

如果7折又真的唔錯!經過這次整頓再上一定會更穩固!sorry我又硬好上身了:D

 

22. 蕭峰 2016-03-01 11:01:58
to DSY

 我正是去落區睇過先咁講。可能你關注既都係豪宅,所以冇減。上週五我去看東區,叫價已經係舊年高峰期的8成,如果真係有心,可以劈到7成幾,我覺得都OK啦!



23. 你精人唔笨 2016-03-01 11:18:14
To:21/F

但係賣樓嘅都通常特登將理想賣價開高最少50%, 就係捉啲買家一定會殺價嘅心理,  就好似我朋友前年賣樓, 個賣家以為殺到佢大出血,  比開價足足低咗100萬,  但係買家唔知我死黨早已經係理想賣價之上, 加多咗300萬比啲買家殺價.
24. 蕭峰 2016-03-01 11:38:50
to DSY,今年豪宅會升,因為供應少。

另外,我關注的有d 屋苑一樣冇減價盤,好睇地區咋。



25. LYC 2016-03-01 11:53:24
差估署租金指數只不過由高位回了5%,按月跌1.5%,按年係升接近1%。
明顯跌幅比樓價少,反映樓價已經跌過龍,住房需求強勁,2月可望回穩見底上升。
資金氾濫,低息持續,供應唔多,邊有得跌呢!
26. DSY 2016-03-01 12:00:54

To大俠

豪宅一定有潛力了,可惜我那些只叫大型單位!升無份,跌就話好易被細價樓累,所以話跌我心念我都3年未升過喇

To 23

是啊,所以如果真的是比均價平3成才叫平,當然特別優質單位另說!

27. 向飯民說不 2016-03-01 12:25:57
19樓,我雖然一直支持政府,但是對民建聯這個政黨,真是不敢苟同,除了幾個由民主黨過檔的政客之外,其他政客都好像是吃綜援的垃圾。

中央要整治香港,真系要先整治民建聯。否則,民建聯分分鐘比國民黨更快的被邊緣化。

今次選舉,民建聯基本上無乜動員。
28. 向飯民說不 2016-03-01 12:28:47
14樓,仲台灣經驗,不知所謂,台灣經驗是成功,就不會是22k啦。

香港要發展工業,無可避免需要和深圳融合。工業的背後就是市場。沒有市場,就沒有工業。
29. 不是地產經紀 2016-03-01 13:11:48
TO:28/F

向飯兄,我只係指出政府真正全力支持對工業起步發展嘅重要性,而當工業有了足夠競爭力,市場自然就出現了,兄弟你應該是將次序搞錯了, 一笑。
30. 士旦 2016-03-01 13:22:47
你看犯民除了挑撥同搞港獨外,佢地有冇政剛教你香港人如何係脫離中國後賺取外匯?
31. 西門吹雪 2016-03-01 14:07:30

回蕭大俠&DSY姐~

最近比高位平2成的開價間唔中都有,特別係十大屋苑~~雖然唔係好多,要搵都可以搵到~~至於可唔可以劈到7折就睇你功力+運數。

之前蓄芳兄話講到4成! 如果講到4成,真係唔怕買。不過,通常這些機會不是我的。我覺得細價樓(唔係16M個D XDDD)比高位平15-20%已經係現在的市價了。

至於跟住會係點? 升反上去定插深D? 真係未知數。我個人認為短時間應該唔會抄上住,另外CCL120-125左右亦有一定支持。如果無特別事件,似係0係呢個範圍橫行格局居多。

32. DSY 2016-03-01 14:18:15

昨天下午北京突發降准50點子,貨幣政策正式進入寬鬆,本次降准預計放水7000億。一邊廂北上深房價暴漲,另一邊廂人們對人民幣資產信心愈來愈差。今日新聞疑似叫停QDII2QDLPQDII就早已經從20154月開始不再新批額度,足見看淡人民幣壓力頗大。好吧,說這麼多其實我的看法是這7000億必然會有流入港樓市場。

另外不知道你們是否有注意大陸媒體,現在在大陸的媒體口中,香港已經儼然和東京一樣成為了一線城市樓價一樣會暴跌的典範!

有錢,加上港樓已經暴跌,資金進入還會遠嗎?

33. 西門吹雪 2016-03-01 14:46:40

DSY姐所言亦有可能

不過,之前都降過幾次準,直接受惠既中資金融股,都只是得幾天刺激。至於間接既香港樓市吧,之前幾次降準+減息都唔係好睇到有刺激。Anyway~凡事都有可能,我地都係靠估,或者真係突然有D利好消息令樓價急升既。誰知道呢。

34. LYC 2016-03-01 15:51:36
減息降準係需要時間反映,所以大陸樓市咪爆升囉,資金明顯流入樓市,加上人民幣扁值,資金肯定將會流入港樓啦!
35. 蕭峰 2016-03-01 16:10:26
我舊年睇淡樓市係因為大陸經濟差,同埋香港零售都差。大陸講緊供給側改革,點知等左一年,又變成放水。

36. RY 2016-03-01 16:20:12
我之前都冇收到地代的劈價盤,終於呢個星期收到2個。比上年跌了15%. 睇下有冇機劈多少少,現在入都唔係咁吸引。租盤也平了,但好漢不吃眼前虧,睇下3月點先。地代係咁壓價,我叫佢哋搵晒d平盤比人先啦。
37. LYC 2016-03-01 17:01:10
啲劈價盤成交尺價已經越劈越高,減少少已有承接。各國放水,要谷通漲去庫存,大陸唔跟唔掂。印銀紙咁容易,啲樓起多多都唔夠啦!
唔好話加息,銀行現在講緊減按息,遲些可能去番H+0.X.
38. abcd1234 2016-03-01 17:41:54
平盤越來越多,你是想騙人,還是你根本不知道。
39. abc12345 2016-03-01 19:58:00
段估過瘾: 
CCL上星期改棄測試130(SMA150)的超強支持,因為他知道不会成功,今個星期重拾升軌,段估升穿131,没有耐性横行,從現在直至年尾,隱步上升,升多跌少。
好友们,Cheers  !!!
40. 蓄芳待來年 2016-03-01 23:14:19
見得到嘅危機根本吾係危機,當你確認有危機,自然有應對方法。
上年十二月,滯後嘅數據未出,大家只係知道會跌,但冇人知道點跌法,嗰陣嘅恐慌情緒最高,等錢使嘅業主先肯大割價掟貨,咁先有機會鋤得深d,而家數據出哂,確認咗跌幅,世界又冇乜大變化,業主們個心定咗落來,大把出路,可租可賣可丟空,反而難傾咗。
等咗3個月,都仲未有新荀嘢可執,可能真係要待來年了。

有個問題想向各位師兄/姐請教一下,如果買得太平,稅局有可能重估印花稅,如果真有咁嘅情況,點樣可以打得甩?