主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 23413    回應 : 9
文亮言
要政府撤招不如要政府訂出撤招條件
 
湯文亮博士
紀惠集團行政總裁
2016年2月27日

  我雖然講,大家不要奢望政府會撤銷壓抑樓市辣招,我這樣說是基於一個情況,就是政府從推出辣招至今,從來沒有講過在什麼情況下會撤招,我是基於大家已經忘記限奶令而大膽假設,連限奶令都未撤,辣招又怎會撤,同樣情況,限奶令一樣沒有訂出一個撤招條件,所以,我叫大家死左條心,直至政府訂出一個撤招條件。

  在月底,地產建設商會將會與政府開會,他們明言會要求政府撤招,我唔知道政府會派出什麼官員,在SSD推出初期,中小型地產代理與政府開會,政府只派了一位連名字也沒有公佈的初級政務官與他們商討,三兩下散手已經將代表搞掂,當時,代理要求SSD有一個日落條款,其實,SSD早已有日落條款,兩年之後賣走是毋需繳付SSD,代表們敗走之後,五年幾都沒有再與政府開會,那次失敗情況,大家亦可想而知。

  今次開會,政府一定會嚴陣以待,雖然地商會高調要求政府撤招,但我相信是不會成功,倒不如退而求其次,要求政府訂出撤招條件,或者是龍門框,無論日期亦好,樓價指數,失業率,甚至利率也好,總之,有條件撤招就是好,不過,我相信,就算政府願意訂出撤招條件,地商會亦很難接受,因為政府最低限度要樓價指數下跌至出招時才會考慮撤招,在SSD推出時,指數是89點,現在是130點,所以,要政府撤銷所有辣招,機會是相當渺茫,講來講去,政府是不會亦從未有打算撤招。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 引刀一快 2016-02-27 12:47:34
一撤BSD,我買CCL上180,唔係118。
2. 疾風之狼 2016-02-27 13:06:09
王岐山嚴查香港呢個張保仔洞,大陸有頭有勢嘅人係香港嘅藏寶情況,我買CCL去返81。
3. Tony lam 2016-02-27 13:11:16
幾多銀両灣咗水等買貨  ? 問下銀行啦!一放寬剛需者包諗下都比人咗、同人搶咩?包買得好貴、住得好細、我地當買賣、剛需者就當人世、分別就係呢度嘞  !
4. 未上車之人 2016-02-27 13:15:12
湯生,你成日話政府唔肯撤招,又成日叫人放寬按揭成數,不如咁講喇,跌返到cy上場既價先講喇,樓再跌2成都仲係貴喇,上年升左3成又無人提,只樓價回落3成,駛鬼放寬按揭成數咩......
5. Tony lam 2016-02-27 13:32:09
個個呱呱嘈、好似香港地產大大鑊咁、其實最大鑊係地代、老C度緊上市、想轉移風險、等街外股東幫佢頂皮費、但股市又唔就、所以鬼殺咁嘈、講到冧檔咁、各位看官冷靜一下、有樓冇樓都好、息口冇得貴、人唔會走哂、好大鑊咩 ??? 真係冇病呻吟、集體歇斯底里 !
6. 無奈 2016-02-27 15:22:02
刀兄,真是很樂觀喎,恐怕到時候你我好淡身份互換。
雖然咁講,想刀兄必有理由,願聞其詳。
7. 無奈 2016-02-27 15:26:50
招是不會撤的,樓市回調並非招的作用,乃加息後全球金融動盪令人心虛脅、供應大增預期的反映。
8. 123 2016-02-27 17:47:04
应該等到CCL跌到100以下才慢慢撤招。否則楼價因而又爆升,想再通過立法會再加辣招就不可能了。
9. 真真薯片 2016-02-28 00:04:51
今日係樓下見到好幾隊睇樓客

再講過完年以為會爆裁員潮結果冇影

正如博士所講, 依家購買力並冇消失, 只係拒絕高價, 一撤辣既話購買力絕對有權強勢回歸, 樓價如果真係爆升邊個有能力阻止? 689下年就選連任, 你係佢你撤唔撤?