主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 28355    回應 : 31
文亮言
兩房單位熱賣,樓市將趨於平穩
 
湯文亮博士
紀惠集團行政總裁
2016年2月26日

  人們常說,執輸行頭,慘過敗家,我以為這是一般老百姓的概念,原來這個慨念根深蒂固,政府機構亦無法避免,房協及房委趁樓市下跌之勢還不是十分明顯時,以去年底的市值七折推出手上單位,總數有三千多個,認購率的成績相當好,有人認為兩房的人就笑逐顏開,但私人地產商就慘了,市場上剩餘的購買力大部分被兩房吸乾,言下之意,兩房是唔應該在這個時候推出單位,不過,我認為兩房在未有大地產商願意大幅減價之前,毅然以低價推售,其實是為樓市試水溫,未嘗不是一件好事。

  房協房委的單位如果熱賣,雖然搶走了不少購買力,但亦給予市場一個樓價有支持訊息,就是以去年底計算,樓價不會下跌超過三成,我雖然睇淡樓價,亦只不過認為細價樓樓價在上半年急跌15%之後,下半年就會保持平穩,而非一面倒說樓價下跌三四成,兩房單位熱賣,就加強了我的信心,而事實上去年的成交量偏低,並不是市民冇錢買樓,購買力消失,而是樓價太高,市民拒絕買樓,當樓價下跌至某一個程度,購買力便會重新出現,不過,還未有地產商願意將樓價下跌至那個程度,兩房今次代勞,各位地產公司老闆可以有覺好瞓,如果沒有特別壞消息,樓價不會下跌超過三成,甚至連兩成也不會,我並不是一個全面睇淡樓市的人,即使在去年,我亦只不過叫人唔好勉強上車,而非叫人賣樓等樓價下跌。

  老實說,短期內要巿場消化三千多個單位亦非容易,如果成績不理想,對樓市衝擊是非常之大,今次兩房兵行險著,我亦替他們抹一額汗,不過,我的擔心可能是多餘,兩房有一定數據來判斷購買力是否足夠,今年的樓市成功成仁,就要睇兩房今次的銷售情況。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 打工仔 Andy 2016-02-26 09:27:55
沙發先!
2. 如是 2016-02-26 09:37:00
申請與認購是兩回事
3. 真真薯片 2016-02-26 10:27:26
今年居屋銷售情況如何, 真係好難講
4. 西門吹雪 2016-02-26 10:52:10

其實我覺得居屋會麻麻地~~佢地係高位定價~又話唔會調整售價,只調折扣率~~

假設如果樓市真的只跌15%,折扣率就已經只有85折了~~如果只有85折,居屋就沒有太大吸引力。老老實實比多15%買個真正自己擁有既房子不會更好? 何況由現在到入伙有可能跌得超過15%。何必呢?

5. 毛毛 2016-02-26 10:54:36

大家有冇留意由去年底開始好多發展商新盤銷情都係虎頭蛇尾,而居屋就大賣,正如博士所講, 潛在購買力係好大量, 只係的樓樓價仲係太高, 大家先hold住唔入市!

6. 凝風 2016-02-26 10:58:40
想買居屋,就應該再等等。
定價大多都係參考同區3個月內呎價俾7折。

部份居屋都未起,最遲小瀝源要等3年先有樓收,前幾個都要等1-2年。
而家賣樓花,邊有壓力減價。
等多一等濟後數據出,壓力減價就會大。
問題房協又唔想得罪地產佬,亂減價搞亂市場會出事,改口唔會再減,最多在補地價平返俾你。
7. 2011年開始 2016-02-26 13:04:30
有朋友有自住需要,都知道貴,如果抽到她都會買
8. LYC 2016-02-26 15:12:58
盤源又開始乾塘。

9. Oscar Lam 2016-02-26 16:34:01
7. 2011年師姐、8 LYC 師兄,

除了二位外,現今的楼市好友已不多了。嘻嘻!
10. 2011年開始 2016-02-26 17:11:04
回OL,
打算年尾買來自用,亦可以講是加碼,因為現自住屋會放租,希望買到啦,目標屋苑964伙今年只有一單成交,自用又負擔得起不等了,已經由佔中等到而家.😅
11. 2011年開始 2016-02-26 17:27:50
其它好友都忙於睇樓出票俾緊offer,可能有人比我還快手😆
12. Oscar Lam 2016-02-26 17:33:44
回2011年師姐,

祝你心想事成!希望在人間。哈哈!
13. S/T 2016-02-26 17:37:17
博士,我還在努力儲首期。預計要幾年後才儲到。若真如你所說,樓市只跌半年,2成都跌不到,然後觸底反彈。那我真是一世都不用指望買樓啦
14. 2011年開始 2016-02-26 17:44:04
回OL,謝謝😉
15. 打工仔 Andy 2016-02-26 18:01:54
Oscar 兄
好友並無離開, 全程睇實! 哈哈哈!
16. 蕭峰 2016-02-26 18:05:50
最近新盤銷售唔錯,雖然冇可能即刻轉勢,但建議想入市d朋友要緊密觀察。


17. LYC 2016-02-26 18:12:09
正是,發展商企硬唔減價,不斷有好友掃貨尾,買少見少啦,其實啲貨尾質素一般。
正如我所講,發展商知道未來供應有限,需求超大,點會減價,大家鬥耐性,好簡單求大過供,始終會有人買,跟著其他人咪跟風囉,價格咪升囉!
王sir好似好高調咁示範對沖樓市將會爆煲喎,勁short/put 3月,佢其實得唔得架,真係好懷疑!
18. Oscar Lam 2016-02-26 18:48:30
打工仔兄,

我开始感覺楼價再下跌的空間有限了。哈哈哈!
19. 真真薯片 2016-02-26 19:23:50
新地大盤銷情值得留意, 有可能重現兩年前超人荃灣大盤熱賣然後撻著樓市既情況

當然, 今次會難過上次, 因為附近大量貨尾未出貨, 映御如果熱賣, 購買力要買清附近d一手貨尾突圍再去掃其他區, 似乎係非常超級難
20. LYC 2016-02-26 19:57:18
這個新盤地點差,元朗供應最多,就算賣唔晒,都唔代表啲乜。
不過,如果咁都大賣,做顯示需求好勁!
21. 好 2016-02-26 20:18:27
正在SKW尋寶,去年用老婆名FP買咗件,攪到自己變咗負資產,佢上番會又有水可以買多件。
22. 蓄芳待來年 2016-02-26 20:30:06
新地喺元朗有個盤叫盡戀,如果呢個盤照現價都可以大賣,咁香港嘅樓市就真係有升冇跌了!
23. 真真薯片 2016-02-26 21:01:08
公就你贏, 字就我輸?
24. LYC 2016-02-26 21:33:09
真兄想樓價大跌入貨,似乎機會好微。2手冇乜盤或者吊高來賣,大戶焗住掃新樓!
自從過了2003,買樓就好明顯係有贏冇輸架啦,只得淡友睇唔到這個大形勢,連自住樓都沽埋!
25. 蕭峰 2016-02-26 21:52:47
剛才去東區看樓,發現有d盤叫價同舊年高峰期已經有20%跌幅(雖然ccl只跌左約11%),究竟幾時係底大家各有自己睇法,我只是將我知道d野報告比大家。


26. abcd1234 2016-02-27 04:14:05
新盤超低價賣,今年供應又陸續有來。求大過供怎說得來?
大公司都在裁員,財爺都話今年經濟唔惦,工作都沒了,哪來需求?
二手放盤數字這幾個月不段增加,這全都說明樓市正在下跌。

27. LYC 2016-02-27 10:55:24
大俠可能講緊供應最多的堆填區或將高質素和低質素去比。
去年落成量萬一多些,前年萬六,樂觀估計今明兩年萬七至萬八,佔全港私樓大概1%。供應真的好高?
偏遠的新樓都熱賣,發展商已預告減慢做野,遲來的小陽春好大機會出現!
28. 蕭峰 2016-02-27 11:06:40
to LYC

我既意思係提醒大家,有d二手已經跌左20%,想做野既可以考慮啦!


29. abcd1234 2016-02-27 11:44:39
新鴻基盤比同區長实平盤仲要低2成,仍然賣不完。去年供應不足仍跌兩成。年供應陸續有來,偏佈全港。港島東區太古城,康怡平兩成的盤隨處可見,各方包括有自身利益的AA都不得不承認樓市下跌。仍要死說樓市上升,实仍欺騙!
30. 蕭峰 2016-02-27 11:44:43
蘋果日報】說,元朗映御首日沽逾百伙。在財政預算案後首個開賣的全新盤新地(016)元朗映御,昨晚首度推售138伙,至晚上十一時,消息指近110伙,佔可售單位近八成,為去年底同區世宙和同系峻巒後,單日銷情有三位數字的全新樓盤,更有買家大手掃貨,估計賣樓至深夜。
31. 路人aaa 2016-02-27 11:52:33
Lyc地代作大害人,信佢一成雙目失眀。