主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 27551    回應 : 24
文亮言
財政預算案確認樓價下跌
 
湯文亮博士
紀惠集團行政總裁
2016年2月25日

  財爺今次這份預算案雖然對地產著墨不多,沒有提及是否會繼續出招壓樓市,亦沒有話調整打擊樓市措施,不過,在字裡行間,我們仍然可以睇到政府是準備放寬逆週期措施,因為,財爺將印花稅收入由640億大幅調低至500億,如果成交量沒有減少,即是樓價下跌超過兩成,這還不是確認樓市下跌的最佳證據。

  有人或者會認為印花稅收入減少是因為成交量減少,但我認為這個可能性不高,去年成交量已經是歷年新低,有不少打算買樓的人去年並沒有行動,如果樓價再下跌一成,不少買家將會出現,我估計今年二手樓總成交量比去年為佳,而且,今年新樓的供應量比去年不止多出一倍,在成交量增加,如果樓價不是大幅下跌,印花稅的收入是不會少於去年,而財爺作出這個預測,即是他已經確認樓市下跌,大家要有心理準備政府會隨時放寬逆週期措施,撤招就不會,大家千祈唔好誤會,況且財爺是不會踏過界,是否撤招是由CY話事,佢一定唔敢撤,大家唔好妄想,死左條心好過。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. Follower 2016-02-25 08:17:07
很好的見解。
2. 人生 2016-02-25 09:23:00
胡亂猜測?估唔中會俾人話托市。CY就想佢唔升,想買樓就想減辣。數據就話巳跌左。
3. 跌打佬 2016-02-25 11:25:42
放寬逆周期措施一定能釋放市民的購買力, 問題是一手發展商必定會趁黃金機會盡吸購買力散貨, 二手市場業主還是不要抱著太大的期望
4. 楷daga1iu 2016-02-25 11:26:54
樓市成交少,很多人歸咎政府辣招,其實是想當然,有沒有嚴謹的分析支持?
試看內地北,上,廣,深,辣招下樓價仍然不停升,其他二,三,四線城市,政府撤招,但樓價,成交仍舊一潭死水,是否很有參考價格?
5. LYC 2016-02-25 11:41:58
2手樓地點靚,管理貴平+現樓,即買即享受,一手樓點比呀!
6. 真真薯片 2016-02-25 12:42:03
如果同面積, 地點係隔離, 一手平二手70萬, 仲要免佣, 咁點睇?
7. Tony lam 2016-02-25 13:07:27
撤招、減辣、放寬逆週期、對想散水班友係好政策、情況係放寬後樓價唔回、即係又陷咗一班沖入嘅盲毛、如果樓價向下、剛需者點夠D投資者咁快手準繩吖。
9. 老餅 2016-02-25 13:55:48
我覺得如果係好友就希望政府唔好切蕉,因樓价下行催勢已成,這兩三年買樓的還有水位,現冇人能準确估樓价之走勢會下調多少,如減小小還有利潤可以鎖定為何不沽,如切蕉最開心就係地代,因到時海量供應就叫買家鋤价生意咪做得成,好過現在拉鋸戰成交少
10. LYC 2016-02-25 13:58:02
真兄,你意思現在有個新盤平過隔離個2手盤70萬?咁筍?
11. 毛毛 2016-02-25 14:00:33

回5/6樓:

宜家情況就好似你講咁, 一手樓低價搶客,如果一手樓平過二手, 唔洗問都知買一手啦!

但呢個情況唔會維持太耐, 二手業主會慢慢接受現實, 要賣樓就要平過一手, 所以慢慢二手樓又會低價過一手, 呢d就係自由市場!

今次LYC兄提出幾個重點都值得參考,的確二手樓管理費平過一手好多, 差1,2千蚊一個月, 同埋新樓大多係樓花, 入伙要等1,2年, 如果係租緊樓既朋友要預左在入伙前又要供樓又要俾租, 呢點好值得大家注意!

12. 蕭峰 2016-02-25 14:13:46
博士之前講過,價啱就可以買,依家終於明白。我見到理想單位啦,雖然未跌到心目中水平,但靚樓價當然都堅。所以,可能我會入市啦!
13. 引刀一快 2016-02-25 14:39:42
To 6樓 真真薯片兄

兄台認真唔熟性,LYC兄係仲介翹楚,你話免佣,叫LYC兄情何以堪?
14. LYC 2016-02-25 14:43:41
大俠,自己計清楚條數,壓測,入息供款比率,有冇其他loan,可以搵按揭中介幫下手計,免費的。
15. 刀下留人 2016-02-25 14:46:48
LYC: 宜家仲有人夠膽揾中介??? 
16. LYC 2016-02-25 14:55:13
我之前幾次買樓都係搵經絡,有些小現金回贈,請問他們有什麼問題呢?
17. 蕭峰 2016-02-25 15:21:53
經絡、宏亞都可以。


18. 米 2016-02-25 17:29:44
同樣條件的樓,大多數時間都係越新越高價,租金都高點
19. 真真薯片 2016-02-26 18:05:26
正當陳總話確認樓市跌勢可以放寛樓按成數時, CCL立即止跌, 即係點?
20. LYC 2016-02-26 18:34:16
新樓捱完樓花期,第一個租約繼續捱打,如果地點差,仲衰!
真兄,需求大過供應,價格有乜可能長期壓下去呢!博士咁高調叫買,邊仲有人敢沽,你估唔驚老咗天橋底咩!
21. 真真薯片 2016-02-26 19:14:43
LYC兄,

無錯, 樓市似乎真係跌唔落, 陳總都係返屋企數手指罷啦
22. LYC 2016-02-26 19:44:15
隔離深圳升到癲,大媽俾完BSD都覺得香港抵買,再加上越來越多人住夠7年,BSD都失效!
23. 向飯民說不 2016-02-26 20:14:22
今日報紙話渣兜超低息搶按揭客。說明銀行水源充足。
24. 向飯民說不 2016-02-26 20:20:06
soros 起鼓,飯民搞旺角暴動,最終目的要香港的熱錢流走,逼使港幣貶值。但是這回合好像飯民和soros已經失敗了。美匯貶值了很多,人民幣和港幣貶值壓力隨之解圍。

銀行水浸繼續,銀行繼續要超低息吸客。看來房價暫時可以靠穩。
25. abcd1234 2016-02-27 04:27:32
新盤超低價賣,今年供應又陸續有來。求大過供怎說得來?
大公司都在裁員,財爺都話今年經濟唔惦,工作都沒了,哪來需求?
二手放盤數字這幾個月不段增加,這全都說明樓市正在下跌。
新樓計實尺收三蚊,舊既發水樓建築面績收兩蚊。價錢差不了幾百。但會所設施齊。舊樓好多時連建身室,甚至泳池都冇。