主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 36832    回應 : 94
文亮言
減價是會令到更加多人撻訂
 
湯文亮博士
紀惠集團行政總裁
2016年2月18日

  我相信房委各位老闆睇到了我叫人撻訂的文章,一定相當頭痛,其實,是他們自己叫買家撻訂,並不是我,是黃遠輝,他說如果居屋價格下跌超過一成,就應該調整售價,迎合市場需要,現在買居屋,就算是白表都只需要付一成訂金,如果樓價下跌超過一成,除非所買的單位的方向,位置甚佳,否則,就一定會撻訂,因為在撻訂之後,有機會用較少的樓價,買到更佳的單位,何樂而不為,所以,我撰文叫人撻訂,只不過是將所了解的說出來,但如果黃遠輝唔話減價,我一定唔會叫人撻訂。

  在銷售技巧中,減價是一個下下之策,因為減價是會令到以前用高價買了同樣物品的人撻訂,如果他們願意放棄訂金已經是最好,在國內,新樓盤減價,立刻被買了該樓盤的人圍堵,就算他們唔要求取消合約,退回訂金,最低限度都會要求以新價重新計算,房委諸執委可能對銷售策略不甚了解,所以才會有減價之說,原來,房屋署內亦有高人,在市場未有反應的時候已經話售價既定,是不會減價,擺明剃黃遠輝眼眉,換著是我,都覺得幾難落台。

  房屋署知道,減價是會令到更加多人撻訂,不過,就不是剃黃遠輝眼眉,其實,問題關鍵所在就是成交期太長,如果居屋是現樓銷售,買居屋的人早已入伙,已經全數繳付,或者已在銀行上會,想撻訂都唔得,不過,大家又不用替他們擔心,那些賣不去的居屋,政府又沒有壓力給房委,不過,他們就不能夠向政府申請攞地建居屋,就算他們申請,張炳良都會話,賣晒手上居屋再申請,不過,唔准減價,政府又愈推愈多地,仲愈賣愈平,那些高價居屋真的是很難賣,這是今屆政府高招,任由房委開出離地價賣居屋,賣唔晒就唔可以再攞地,或者會有人質疑,居屋售價是市價七折,怎會是離地,其實,我的意思是市價離地。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 望東樓 2016-02-18 09:18:28
好文。
2. 打工仔 Andy 2016-02-18 09:26:23
所以不減價!
3. SHUN 2016-02-18 09:44:40
边個話hk無自由?你自己供成世之決定、不過…………會祇跌一成嗎?再跌咪…………
4. 木子 2016-02-18 10:12:30

黃生這人, 已由被尊敬的銀行家, 變成奴才一名...
5. Tony lam 2016-02-18 10:26:05
政府建制留唔到叻人、所以連呼吸咁簡單嘅事、老黃都要開口着脷。

6. LYC 2016-02-18 10:49:48
你鍾意一世交租就最好啦,業主多謝晒lu.
年紀越大越難做按揭,等到一把年紀唔知仲有冇能力買樓,還有沒有能力交租呢。
上星期五個集星期五檔案有個老人家要瞓天橋底,唉真係慘!
政府應該要開始逐步放寬,首先係按揭成數,5成轉6成,6成去回7成。跟著取消DSD,然後BSD,再減印花稅,這正是大眾所期望,對買樓和換樓者都得益,對社會和經濟都係最好!
7. SHUN 2016-02-18 11:35:48
訓天橋底有好多原因、政府福利已經好好、托市神獸莫再誤導市民、將個別個案發酵、因住比人問候娘親、交租已經平過供樓、仲未真正加息、報紙出哂!
8. ABC 2016-02-18 12:21:35

叫人撻訂!!好難先儲蓄到手期,己比一成,係就係樓市回一成,但手期邊有咁快儲蓄到一成呀大哥,可以撻訂既始終係有錢人既玩意

9. Tony lam 2016-02-18 12:30:18
一單半單吹到香港好似悲情滿地咁、李嘉誠都80幾、攞佢嚟吹、咁咪全香港老鬼都個個超人。
咪學埋D老泛衰嘢先得㗎、成日嗌官逼民反、官幾時逼過你呢?佢地爭未講埋反清復明呢句.
10. SHUN 2016-02-18 12:30:38
港島返工、供樓20000、仲要比百幾萬首期(元朗新樓)、租康怡15000--16000搞掂、仲賺埋交通費+每日多2-3個鐘訓覺。
11. 好 2016-02-18 13:07:11
供樓銀碼一半以上是還本金的,現在仍然是供樓抵過租樓。
12. 苦前業主 2016-02-18 13:23:50
政府減哂所有辣招,老人家味一樣住天橋底,老人家根本就冇按揭能力,只有後生得來不易的棺材本。要老人家唔使住天橋底係一個問題,政府減辣又係一個問題,唔能夠相提並論。
13. LYC 2016-02-18 14:00:02
現在N咁多萬人住緊劏房,還有啲要瞓街,移居香港人口源源不絕,人口不斷老化!如果大家諗住老咗靠政府,咁就祝你好運啦!

所以咪要放寬逆按揭措施,讓大家年輕時買樓囉!

一層4百萬樓,假設俾3成首期,分30年供,月供加管理費係同租金差不多。不過,利息係人都知冇得升,周圍玩緊負利率,供款大部份都係還loan,交租就total loss. 而且正常人啲人工都會不停上漲,供款額不變,真係要供足30年嗎,條數係聰明人一睇就知點計啦!

我都係一番好意提醒下你們班淡友條數係點計啊!
14. 香港土著 2016-02-18 14:16:17
LYC, 你的好意,心領。你條數去教小學生啦,這裡的人大概都用唔着。
15. SHUN 2016-02-18 14:23:13
30年???下年已經負資產Lu、到時托市怪龜縮到边道?你不如一齊唱淡(你話見底架)再自己買番層、過2-3年避埋税咪執幾成啦!笨
16. 好 2016-02-18 14:39:55
供樓利息又可以扣稅,買樓絕對值得。
17. 好 2016-02-18 14:42:27
支持LYC,唔買樓不智。
18. LYC 2016-02-18 14:55:57
一有錢就買樓收租,不知幾過隱,不過1,2手元朗大家就唔好搞啦!
你咪話新樓減價既 

發展商正是唔怕賣唔晒,越遲賣就越貴,因為個頂封左N年8萬7,跟住無啦,要等人工島和新發展區啦,希望大家等到啦!
19. hifi 2016-02-18 15:30:54

禾05年供完小單位,08年轉大單位800尺海景13年已供完,上次中銀職員已經問禾會唔會甘快供完,我答佢唔會,不過當時d錢放在銀行無息所以先贖契放入保險箱;早兩年老婆唔使再工作,遲d仔女上中學消費應唔大,香港地樓並不是人生全部但要先處理左先,你講租樓得唔得??梗得,租劏房得唔得??梗得,申請公屋梗係得( 禾個老表已入紙7年一家五口暫住和老豆老母/外婆細老近十人住在一起)重未上樓。

20. CD ROM 2016-02-18 15:34:44
唔減價係好事, 等大家睇清楚d剛需, 有幾剛先啦~~~

期待下一水居屋既申請狀況~~~
21. 123 2016-02-18 15:57:07
只係沒有本事及能力的人先會大叫不要買樓
22. 引刀一快 2016-02-18 17:05:45
LYC兄

依家租客每年交10萬蚊租,業主受30-40萬跌幅,邊個多謝邊個都好啦。
23. Tony lam 2016-02-18 17:18:01
買樓點會錯呢!問題係買貴咗自己頂得住冇 ? 沙士時比D優惠鼓勵人買樓係功德、舊年人買樓係作孽 !
24. 西門吹雪 2016-02-18 17:20:31

刀兄~唔好理佢啦~~

佢活在自己既世界裡~你同佢講咩都係回樓市升~~即使地上見到舊屎,佢都可以連想到樓市升。即使幾個星期前佢講話CCL升,結果跌了幾個星期。跟住佢都係話樓市升架LA~~咁既分析能力同智慧,你再同佢討論,自然會比人覺得你同佢係同一個呢架~~其實睇佢一個回應已經浪費左幾十秒生命,仲話回佢~~咪有佢自己係度發出無意義既聲音囉~哈~

25. 老餅 2016-02-18 17:28:26
13樓,我估好多人都不願意住湯房或訓天橋底,到底原因是甚麼?他們懶?你想想吧!120萬首期在你來說可能只是百二蚊,但有些人清倉都冇百二萬,你是聰明人應知是甚麼原因吧!
26. 西門吹雪 2016-02-18 17:34:38

LYC LEVEL 見到舊屎編~

我尋日係街度見到舊屎,你話街度D衛生幾咁差。唔買樓就要訓街MA。所以樓價必定升,因為街度有屎,D人見到舊屎唔想訓街咪去買樓LAW~~

我學佢既LOGIC係咪好似呢 XDDD


27. LYC 兄 2016-02-18 17:38:38
留意咗好耐,忍唔住要講
強烈懷疑“好”就是LYC嘅分身,,,
都係嗰句,要用到呢啲幼稚討論區手段,又呃又氹口來托市,個市係點心知肚明
上次有一次仲話TVB新聞報導美國QE, 完全無中生有,嗰個"好”仲出來撑LYC,過幾分鐘後LYC又 log jn 返來話無吹水。睜眼說瞎話到如此地步。
搞到呢個專業討論區變成咁,何必呢。理性討論下會跌到幾時,大環境前景如何,幾時啱位入貨,會唔會對大家有意義啲呢.

28. LYC 兄 2016-02-18 17:38:38
留意咗好耐,忍唔住要講
強烈懷疑“好”就是LYC嘅分身,,,
都係嗰句,要用到呢啲幼稚討論區手段,又呃又氹口來托市,個市係點心知肚明
上次有一次仲話TVB新聞報導美國QE, 完全無中生有,嗰個"好”仲出來撑LYC,過幾分鐘後LYC又 log jn 返來話無吹水。睜眼說瞎話到如此地步。
搞到呢個專業討論區變成咁,何必呢。理性討論下會跌到幾時,大環境前景如何,幾時啱位入貨,會唔會對大家有意義啲呢.

29. 惜緣 2016-02-18 18:44:41
我都忍唔住要講, 一路以來,LYC兄只不過講出佢對樓市的看法, 有何不可? 難道呢度唔可以俾人睇好嗎???

西門兄, 說話要有個度,話人地係度吠就真的唔係幾好。
30. 蕭峰 2016-02-18 18:46:27
呢d就係,點解我話應收緊地代個牌,亂來架!呢度d人係會自己分析,但出面好多人唔會嘛,聽佢地亂噫,信佢地,咩高位接貨嘍。跟住呢位仁兄會話:咩係佢自己蠢,唔識問多幾個人嘍。


31. 林師奶 2016-02-18 19:05:37

為什麼叫人買樓就害人?如果這事發生在5年前,叫人買樓是害人,還是叫你不買樓的害人?大家吹水而已,看官應該也有分析能力,不要意見跟你不一樣就扣帽子。

 

我不確定現在是否交租已經平過供樓,報紙我不盡信,自己分析一下。只希望有住屋需要的人,能明白不是每一個人都可以在樓市摸到底。就算你現在發現交租真的已經平過供樓,請把你剩下的錢好好保管或投資,不要隨便花。否則你好像沒有在樓價上賠了,但實在你只是把錢投到別的地方,也沒有為你將來提供什麼保障。

32. 西門吹雪 2016-02-18 19:15:39
惜緣兄,真係估吾到你會幫佢。話人吠係我吾岩,我已改了。
說自己意見冇問題。但係喺度老作,無中生有,指鹿為馬,仲要見倒人訓街就立刻指向淡友就不對。
33. 惜緣 2016-02-18 19:26:09
西門兄

呢度個個(在下除外)都係高人,點會俾其他人影響到自己的判斷呢?
34. 西門吹雪 2016-02-18 19:30:48
沒錯,所以我一直冇理佢,有佢係度"發出無意義的聲音", 我的說話是对刀兄說的。免得人以為刀兄同佢係同一level的。
35. LYC 2016-02-18 19:33:20
27樓:我先冇咁無聊,好是另行其人啊!
惜兄:淡友係咁架啦,交租交到心慌慌,我都好明白他們好唔開心,對人歡笑,唉,我啲淡友租客,每次同我傾租約,都不知幾驚冇屋住!
CCL跌咗個小小,還是超低成交,一轉頭就大成交掃上啦。
BTW,我都話萬八點掃貨啦,你又話還有第N次股災,笑死人!
36. 西門吹雪 2016-02-18 19:45:00
惜緣兄,你看,你看,等你仲幫佢講說話。呢d係發表個人意見嗎?我看到的是攻擊别人啊!
已經講左n次,看淡係基於分析,吾代表一定冇樓,就算攻擊人,都盡顯其質素…
我又浪費了幾廿秒生命了,唉…
37. 狗頭貓 2016-02-18 21:22:43
如果想買間細細地自住樓 , 一係買一係唔買 , 猶疑咗五六年都拿唔定主意 , 最好唔買 , 當乜事都冇發生過。
38. LYC 2016-02-18 22:13:27
公道自在人心,我邊處有攻擊任何人呢,只不過淡友們對我講啲野唔啱聽,反而係我被攻擊啊,哈哈!我由始至終都係一番好意啊,希望淡友唔好諗住老來靠政府,點知佢地一廂情願以為政府靠得住,退休可以靠政府印印腳,有錢派,有屋住!
我一直覺得我啲分析超有水準,只不過淡友唔啱聽,冇計,忠言逆耳。
刀兄,十萬元一年交租都唔好得過劏房幾多,現在成交超低,係假跌,好少肯劈價,你揸住4成首期,排頭位都未必買到劈價盤,沽咗層樓,萬一買唔番,一轉頭話放寬按揭,即刻炒上咁點算呢!
PS: 個晚TVB新聞真係話有分析指美國將要QE喎!
39. 蕭峰 2016-02-18 22:45:20
LYC兄,其實都講過好多次,even呢度淡友個個都渣住幾層樓,呢度係鍾意分析大市,分析走勢,唔係盲好盲淡。你講d野缺乏理據,所以冇人鍾意。你看好唔緊要,要講的出可以說服人d理據!唔係聽一個分析師亂嗌都信到實!要用腦自己分析!


40. 好 2016-02-18 23:46:03
我點及得上LYC,睇過我的回應都知我最多得兩三句。
41. 好 2016-02-18 23:46:56
TVB嗰次我都冇幫佢。
42. 好 2016-02-18 23:50:16
其實我想註冊, 但是發覺一個字名是不接受的,而我還未想到其他名。
43. 回38f 2016-02-19 00:20:05
咁點解之前成交少嘅乾升時(大概ccl130 to 146),你又唔會分析話呢個升幅缺乏成交,好快會缺乏支持呢?
總之就經濟好,樓市升
經濟差,低息,樓市升
人幣強,樓市升
人幣弱,要保值,樓市升
人口增加,樓市升
人口老化,怕社保唔健全,樓市升
政府批地發展商入貨,代表莊家看好,樓市升
政府批地流標,土地供應少咗,樓市升
通漲,樓市再漲overshoot
通缩,低息,樓市都係漲……
以上係對你分析過嘅小小總結:)
兄台,如果世界係咁,咁你都唔駛浪費時間係度撑場啦,大家一齊每年每月每日買買買咪得囉!升咗又再加按再買,買埋外國嘅,到時所有香港人全部可以唔駛做生意打工,,,

PS嗰日已有師兄指出,新聞係話歐洲qe (其實一直都係),唔係你講嘅美國重啟qe...你老作比人發現咗,都仲可以張開眼繼續講,好嘢
44. SHUN 2016-02-19 01:16:41
現在樓價叫人買樓、等如叫人去死、2--3拾年活在痛苦中、值得?落番4-5成先啦!
45. 引刀一快 2016-02-19 05:51:05
To 西門兄

過獎過獎,引刀有乜水平可言吖,都係呢度嘅吹水佬一名啫,可能你R頭點解引刀依傢講嘢忽然客氣咗咁多,特別係對盲好,以前我一定口誅筆伐力戰到底,依傢變咗刀下河蟹。

其實,轉勢已經係非常清晰,往日好友中嘅强手,基本都已經唔多出聲,如果引刀保持以前嘅態度,就有點仗勢欺人,你一個彪炳已經好夠。

另外,好友一面如果連一個常駐嘅論客都冇嘅話,好多有獨到睇法嘅好友都因爲怕勢孤,而可能放棄表達,若論壇因此不能百花齊放,損失嘅係每一個網友,包括你我。

過去,呢度係好友林立嘅論場,但係淡友冇怯場照樣表達意見,點解今日好友偃息旗鼓?樓好、硬好、盲好乜都好,俾D昔日嘅鋒芒干勁嚟睇下呢!
46. 123 2016-02-19 07:33:17
發緊夢樓價落4,5成慢慢等待啦
47. 123 2016-02-19 07:33:18
發緊夢樓價落4,5成慢慢等待啦
48. SHUN 2016-02-19 08:03:12
落唔到咪唔好買囉、租金又唔係一定升、E家事實如此、何需發夢、供三萬、收萬五租、硬膠!
49. SHUN 2016-02-19 08:34:07
其實有冇97買樓破產嘅朋友可能發表下意見、好等E家想買樓之人多個考慮、諗真!
50. 好 2016-02-19 08:35:01
123,好!繼續買樓。
51. 西門吹雪 2016-02-19 08:53:55
刀兄,聽你語氣好像真的唱淡多年了…
坦白講,我都係呢一年先看得較淡,而且前半年是中間編淡,近半年才淡多一些,哈哈。
其實,五,六年前我都在叫身邊朋友買樓。我認為應該說好時說好,不應該任何時候都說淡的…這跟個位人兄有乜分別?希望到哪時候,刀兄吾會變成"盲淡"吧,哈。
52. 不是地產代理 2016-02-19 09:28:54
To: 14,15,34,43, 44 , 45 樓

有啲睇唔過眼各位係咁用語言暴力遭質LYC,一啲風度都無,你哋做盲淡好就好啦,如果誤導咗啲讀者而令到有需要住嘅人買唔到樓,要搞到一家大細住劏房,住天橋底,你哋係咪就好開心呢 ?

各位應該好有學問架,難道竟然唔知道因為通貨膨脹嘅關係,長線樓價係永遠有上無落架,我係小學生咁嘅水平都知道一有錢就應買樓,亦都因為廿幾年前咁樣做而脫咗貧,而各位亦應該因為呢幾年嘅盲淡行為而受到好大嘅經濟損失,事實勝於雄辯呀。
53. 不是地產代理 2016-02-19 09:53:41
TO:51/F

講起叫朋友買樓就真係啲五味真火出晒嚟,前前後後叫咗自己班朋友,親戚,同事買樓幾十次,結果無一個買,到最後,我又親自走去搵相熟嘅地產經紀,幫佢哋搵最好嘅樓盤,佢哋都係唔買,最令到我印象深刻嘅一次係6六年前搵到一間賣15萬嘅有契爛屋,大家無睇錯,真係賣15萬元!!!!結果我同事話呢間屋太爛,位置太差,唔買! 我一怒之下,自己買咗佢,仲連附近開70萬以下嘅全部買晒佢,結果都唔使多講,我而家已經可以退休,而佢哋就重要朝九晚五好似隻牛咁,唉!

54. 引刀一快 2016-02-19 10:08:23
To 51樓 西門吹雪兄

我係“早淡”,唔係盲淡,我最近一次入貨係2013年,不過係大陸樓,其實當時已經睇淡,因爲身處大陸睇到好多一觸即發嘅經濟隱患,但係件貨係相連屋兼筍價,所以照入。我係睇淡都會根據情况同需要入貨嘅人,你話算唔算盲淡?

其實大陸經濟呢様嘢好得意,單單行街看市面,未必覺得依傢差過2012年多少,但係經濟數據就好嚇人,好多嘢,係以平民身份喺果邊生活先至容易體會到。

2014年9月,我喺度倡議過應該搞個“自由行拖喼指數”,呢次樓市點跌法、跌幾耐未知,但係我認爲,下一次樓市再升嘅時侯,就未必一定關自由行嘅事。
55. 引刀一快 2016-02-19 10:13:28
To 53樓 兄台

可唔可以講下係邊區呀,70萬樓下當時唔少,15萬?
56. 引刀一快 2016-02-19 10:18:53
嗱,大家用金睛火眼睇睇,52樓53樓就似足分身嘞。

避重就輕唔講摸頂問題,年青人呢個時侯以摸頂價入貨,除非屋企大把,或者月入大把,否則呢間屋真係孭死佢呀!
57. 引刀一快 2016-02-19 10:27:21
To 49樓 SHUN兄

唔好提人家嘅傷心往事喇,有D 97年摸頂嘅業主,十幾年精神煎熬,呢個大升浪一返家鄉就賣,呢舖又賣早咗,雙重打擊呀。 

不過,我知道返家鄉果霎那,佢地如釋重負嘅喜悅,真係好大嘅賣樓動力。
58. 引刀一快 2016-02-19 10:42:12
To 38樓 LYC兄

你估上年買400萬嘅細價樓,今年又淨係跌40-50咁少咩。

依傢劈價盤係鋪天蓋地,不過報嘅係咪原價我就未有深究,報紙報導嘅,都係經過業主劈價商議岀嚟嘅新低價,你話買唔到劈價盤,又係玩緊鷄同鷄蛋嘅游戲。

單睇地産舖貼紙,唔會摸到實况嘅,有錢有心買嘅人,親身去同人傾,咁就可以發現底價,因爲你開價之後,若果業主話肯,咁就真係要買。地代提供嘅價位,都係試水價啫。 
59. 西門吹雪 2016-02-19 11:03:38

回52,53樓不是地產代理兄

雖然你好似某人 (說淡就訓天橋底,本人又無咩學歷)~既然你沒有用真名~我就沽且回下你~~

我估來得呢度吹水既,都有反咁上下程度,點會唔理解買樓保值既道理。樓市長查必勝不是我常掛係咀邊嗎? 如果唔知既,我估都唔會有心留意呢個網站既文章。在這個大前提下,我們通過理性既分析同宗合大家既意見,定出對未來樓市既估計同合適既部署先至係正確既態度。你不是說你六年前大手入貨嗎?這正正是一個合適的行動,同樣既事如果在半年前做會什麼樣? 所以,我們是應當做出合理既分析,以做到最大回報,而唔係指鹿為馬,不加思考,片面說好OR說淡。被其視的正正就是這種指鹿為馬,不加思考既態度,而唔係看好本身。

60. 不是地產代理 2016-02-19 12:37:10
TO:西門 &引刀 兄弟

西門兄,呢個論壇除咗湯博士係用真名真姓之外,基本上無人會用真名,當然啦,如果你真係性西門,名吹雪,咁樣我係錯嘅,我會真誠認錯,作為懲罰,我亦會改名性陸,名小鳳。

好,回歸正題,先覆引刀兄弟,其實,六年前,好多新界村屋都只係三四十萬,十零萬雖然好似好低,但只要識得村民多,其實唔難搵到,仲有,唔好話我係分身,搞到我好似蜀山裡面嘅血魔一樣,專門分身害人。

至於西門吹雪兄弟講關於買樓嘅問題,大家可能有小小誤會,首先要講,我一向嘅宗旨係『任何時候都可以買樓,但目光一定要放眼天下』,所以,就算今時今日,我都仲係度買緊樓,當然啦,如果你局限咗自己眼光係一個小地方,你係唔會明白我『任何時候都可以買樓』呢個說法嘅。


61. 引刀一快 2016-02-19 12:59:42
To 60樓  不是地産代理兄

既然兄台明言唔係分身,咁我又姑且信之。須知呢個論壇一直飽受分身蹂躪,分身可謂論壇慣技,用嘅人不計其數。

六年前的確好名多平樓,我冇異議,感覺15萬係兇宅或者危房,所以問下啫。

當時嘅價錢,我好認同,我自己亦四處睇樓,就係陰差陽錯買唔成,大陸就反而入咗幾件。

講到蜀山,還珠樓主個仔係老一輩北大人,喺澳大做過教授,孫女係我同學,好friend。
62. 西門吹雪 2016-02-19 13:01:08

回60~

見你這個回應就知道你係高人~~肯定不是某位人兄可及~~我說真名是真正的登入名。不過,這是我誤會了你是某位人兄的分身~~看來絕對不是

『任何時候都可以買樓,但目光一定要放眼天下』~~這一論點亦顯露智慧~~ 小弟沒有太多外國買物業既經驗,此方面可以分享多些嗎? 登記個帳號慢慢傾就更好了 :>

63. 西門吹雪 2016-02-19 13:05:51
刀兄~以文章既深度來說~我幾敢肯定不是地産代理兄不是哪人分身~~更是高手一名 XDDD
64. 引刀一快 2016-02-19 17:42:21
西門吹雪兄

其實所謂分身,有好多種,有時幫拖嘅未必係本人分身,而係其他人嘅分身,已經司空見慣,呢排唔見嘅一堆好友........

不過我信不是兄唔係分身,因爲佢講明唔係。


65. 神算 2016-02-20 00:45:25
刀兄,

其實自我陶醉同長河係咪唔再參與討論? 呢度變得寂寞了。
66. 引刀一快 2016-02-20 04:57:49
神算兄

長河san我都唔清楚,你睇睇蓄芳同LaLa文體似唔似佢囉,至于自我陶醉兄佢呢排比較忙,好友呢排又少有彪炳悍將出陣,所以亦少咗落場。

講真,神算兄,樓市同經濟環境都唔好,有幾多人肯繼續打逆境波吖!

反而惜緣兄就走番岀嚟,呢位就真係平常心嘞。
67. 蓄芳待來年 2016-02-20 07:56:16
引刀兄:
小弟絕非任何人之化身,入論壇是近一兩個月的事。
余以硬好自居,但早為「硬好」二字下了「個人」定義:堅信這世界是美好的。做事手要硬,心態要好。男人吾硬都幾大鑊㗎,哈哈!

以行為論,小弟可歸類為大淡友,如果吾係,都吾會喺上年6月沽清所有資產,更大膽到連自住樓都沽埋。
我認為自住樓乃必需品,但吾代表吾可以沽。事實證明決定正確,同年12月買返,平咗二百萬,但大左300呎。喺投資世界,引用刀兄之言,賺錢係剛需嘛,那有不可沽之理。
余在論壇發表謬論,與持份與否無關。該出手時就出手,那會理會什麼好友淡友?但在這論壇的確學到吾少嘢,特別係眾生相,哈哈!
68. 蓄芳待來年 2016-02-20 08:31:09
To 44樓 SHUN兄:
小弟認為任何時候買樓都冇問題,尤其是自住樓,重點係能力同啱價。
以自身為例,我斬咗業主40%落來,預支咗未來兩三年跌幅,何樂而不為?我一直都鼓勵朋友,話而家係「殺價」好時候,並唔係個個業主都等錢使㗎,撞啱你就要上,去拯救佢,我相信善心將來一定會有回報。
做業主冇乜嘢了不起,只係一份成績單,可以話俾人知你為家人做過d乜:你揹起咗一份二三十年嘅承諾。
當然,如果你冇料到就乜都唔使講啦,無謂累人累物,就算樓價插五成都冇你份,無需怨天尤人。
69. 引刀一快 2016-02-20 11:14:31
蓄芳兄

其實從文字睇我唔覺得你似長河san,只不過係淡入淡出時間吻合啫。

所謂好友淡友,好難界定嘅,LYC兄就係專業硬好,“夾乜都話利”,“該出手時就出手”係大道理,一干淡友祇係針對任何時候都該出手呢種講法啫。

做事手要,心態要”,呢個定義,呵呵,係咪有點夾硬唱好硬好?


70. 鍛練多啲 2016-02-20 11:24:29
蓄芳兄短時間內兩次華麗轉身, 我真羨慕!
71. 鍛練多啲 2016-02-20 11:47:42
其實也不用對LYC大力鞭, 他沒否認是地代, 也是個漢子。怎説都回了15-20%, 博士和汪生也說啱就買啦! 反而九個月前對博士及引刀冷嘲熱諷的組别不見了....我沒有留意LYC當時在不在
72. 西門吹雪 2016-02-20 11:47:51
我都幾同意畜芳兄呢句。我斬咗業主40%落來,預支咗未來兩三年跌幅,何樂而不為?
不過,這些盤可遇不可求。我最近都有睇樓,比高位低2成左右就易找d,要鋤到4成就相當難,最慘既係,有都比地代食左。不過我相信慢慢會多一些的。坦白講,如果鋤到4成,我都入了,我絕對不是盲淡的,哈哈 xDDD
73. 引刀一快 2016-02-20 13:58:47
鋤到4成,都要睇睇係咪由市價開始,要瞭解地區價格。

如果可以鋤40%,已經係幾年前價位,啱就可以諗喇。
74. 引刀一快 2016-02-20 14:05:45
To 71樓 鍛煉兄

LYC係咪地代根本唔重要,最緊要係發言內容。

點解佢俾人圍呢,係因爲唔少網友覺得佢侮辱緊大家智慧,而且有內容不實之嫌。

我已經好努力幫佢解圍,唔係好友太少會冇乜火花,蓄芳兄又咁斯文。
75. LYC 2016-02-20 14:16:43
事實上CCL已經跌幅收窄,尤其港島和九龍市區。隨着股市回穩,炒燶股需要賣樓的都已沽了,未賣的亦不需減價沽啦!最壞情況已過,CCL將會穩步回升。其實CCL只不過跌了11%,需要大跌係個啲超貴尺價買來的劏房,根本住唔落一個正常3-4人家庭。空置率超低,大部份單位係自住,再想業主劈價賣樓,根本係冇可能。供應唔多,大部份只集中元朗,利息將會長期低企,在長期供樓有着數的情況之下,樓價根本冇得跌。大跌只不過是淡友夢中所想像出來的情況!
76. 引刀一快 2016-02-20 14:19:18
LYC兄

等新樓岀嚟睇睇銷情再講,會現實D。
77. 蓄芳待來年 2016-02-20 14:43:07
能在劫勢當中全身而退,執到些少純粹符碌,資訊吾平等係其中一個重要原因。上年二月投行老友去美國總部開完會返來,call咗個飯局,叫我哋執生。我信咗一半,清貨,但冇做淡,如果做齊全套都幾和味。
的確,市面上折讓四成嘅盤唔多,都係地代老友食唔哂先問我有冇興趣。
專家百家之言,有幾多似博士咁坦白吖,信唔信,都應該經過自己大腦,信貼士輸死人,並唔罕見。基於需要同能力出發,輸極有個譜,primary gain不過賬面數,但secondary gain就個個唔同,冇理由請屋企人食飯,貴幾舊你唔捨得㗎。
共勉之!
78. 珍惜香港 2016-02-20 15:28:41
珍惜香港TO:29/F 惜緣

難得惜緣兄出現,梗喺要寫幾隻字支持下啦!

今時今日,如果我响呢度,斗膽咁話,指數跌咗啫,樓市個「值」冇跌過,仲喺咁升,你估我會唔會俾人問候?

其實,我真喺好佩服 LYC 兄;講真,正月流流,俾人咁問候法,尤其喺生意人,真喺會好介意。所以,果啲俾人 LABEL 咗做好友嘅朋友,呢排冇乜浦頭,一啲都唔出奇,大家亦唔使亂估,話有乜乜分身之類。好多嘢,根本就好簡單,冇必要諗到咁複雜,响度寫嘢,又冇著數,點解一定要寫?付出,都要有底線嘛!

下個要支持一下嘅,就喺奇妙兄

新年快樂!!
79. 蓄芳待來年 2016-02-20 15:52:27
珍惜香港兄:
想人問候都要留個位俾人至得㗎,大哥你嘅論點立於不敗之地,連討論嘅空間都冇。地產商每起一間,個「值」就壯大一間,中指點跌都追唔切,呢鋪你贏硬嘅,唔好玩。
問候唔慳得,祝 所有網友新春快樂,今年勝舊年,來年勝今年!
80. 惜緣 2016-02-20 16:54:13
To 78樓 珍惜香港兄

多謝珍港兄, 此刻見到珍港兄感覺分外親切及感動。
在下諗昔日的好友最近應該出去搵筍盤, 所以唔得閑係呢度留言。 在下呢排都有去搵,發覺市區真係很難搵到劈價盤,平市價少少的就有,從可憐的樓市成交量中看到,一方面大部分買家不願意市價買樓, 另一方面大部分賣家亦不願意劈價賣樓, 後市如何相信將快有分曉。

新年快樂!
81. LYC 2016-02-20 17:10:17
領展已經出手高價買市區磚頭,磚頭肯定冇得輸。示範單位人頭湧湧,辣椒係壓不下住屋需求,只不過推一啲唔夠首期的人去買一啲地點差既元朗新樓,咁做有什麼好處呢,只不過益了發展商沽貨,理應盡快放寬按揭!供應少的地區樓價樓根本企硬,個個都驚沽咗買唔番:,點肯劈價呢!
現在想買筍貨已經遲了,要輕微追價買上,支持位已出現,年尾計,我估CCL大概是140!
82. 好 2016-02-20 17:14:45
49樓,我就在97年尾買了樓,當時月供是我月入120%,按揭要家姐阿哥擔保,月供是月租140%,但利息是平過租金,所以買咗。結果樓價跌咗7成,我冇賣樓,每月定時供款。
83. 鍛練多啲 2016-02-20 19:09:40
引刀兄
多謝回應新仔! 我是說LYC現在喊買, 比九個月前喊買那幫好多了! 但我不知LYC是否一直在喊買 ;-)
84. 引刀一快 2016-02-20 19:14:42
好兄

月供高過月入,可否講清楚D?
85. 鍛練多啲 2016-02-20 19:24:37
蓄芳兄
二月之後好快係迷惑人心的大時代, 少啲洞察力都唔得! 記得陸東三月解散基金, 大時代時已被人在大財經報揶揄過氣。
86. 向飯民說不 2016-02-20 20:53:00
如果soros 刮毛成功,樓價跌3,5,7成,真系無問題。而且今次刮完之後,有沒有可能反彈,就系天曉得。03年在大陸的自由行輸入外匯之後,樓價股票,經濟反彈。今次有廢青閉關自守,經濟只有越來越差。

事實上日本被刮毛之後,20年後的樓價股票都好低沉。
87. LYC 2016-02-20 22:33:26
83:冇
現在真係唔買都唔好賣,尤其在現在人人唱跌的時候,否則隨時老咗天橋底等緊你。現在股市在低位,樣樣野都好似好唔掂,萬一事實上唔係咁差,樓價一去冇回頭,沽咗隨時買唔番啊!
所以叫人沽樓真係唔好啊 


買樓,有首期又供得起,冇野好驚。反而交緊租個啲就真係時時刻刻都好冇安全感,好驚架,越老越難買樓呀,供款年期短,銀行都唔會借得幾多俾你做按揭呢!



88. 好 2016-02-20 22:49:51
快兄,當時樓價270萬,月供萬八,我當文員月薪才萬五。更正,利息應該是多過月供少少。
89. 向饭民说不 2016-02-21 00:11:58
楼上,月供18000,本金应该只是几千,利息差不多万5,万6吧。同现在相反,利息1,两千,本金万5,万6.
90. abc12345 2016-02-21 00:13:27
有段估,冇幸苦: 
下星期CCL 想測試SMA150,現時約130,多數不会成功,就算成功都不会持續,很快便返回其上,因為攴持強大。調整應該到此為止了。
'堅離地'高逸華軒15年樓,20幾樓實呎600幾成交接近1.5M,過去一星期賣多過80單位,2星期後CCL肯定標升,
加埋股市再次大時代…………  Yeah !
91. abc12345 2016-02-21 00:27:09
改错:  '堅離地'城高逸華軒20幾楼實呎600幾,成交接15M。
過去一星期賣了80幾單位,滞後2星期的CCL肯定標升。
92. 鍛練多啲 2016-02-21 01:41:30
LYC兄
多謝回覆。博士都話依家就無謂賣喇!
93. 好 2016-02-21 09:38:09
更正,利息是多過月租少少。
94. 好 2016-02-21 09:39:23
89樓,是。