地產博客 > 文亮言 返回
瀏覽人次:24886    回應:9
文亮言
是否放寬逆週期措施要問一個人
 
湯文亮博士
紀惠集團行政總裁
2016年2月16日

  昨晚,網站春茗,有好多銀行界朋友,金管局適時送上禮物,陳總話如果確認樓市下跌,就會考慮放寬逆週期措施,即是放寬按揭,銀行可以多做生意,各位銀行家都非常雀躍,但我最鍾意潑冷水,我對各位銀行家說,千祈咪開心住,是否能夠放寬逆週期措施,還要睇一個人,就是樓價指數公司負責人,如果佢話樓價並沒有出現下行跡象,我唔相信陳總會放寬逆週期措施,大家聽到我講,立刻冇晒表情,知道要負責人話跌,真的是不太容易,因為,現在雖然有不少劈價成交,但那些只是屬於被迫出售個案,根本不會影響樓價指數,撇除那些劈價成交,樓市的變動是很少,要確認樓市下跌,真的是談何容易,放寬逆週期措施只會空歡喜一場。

  今次,並非陳總初次講放寬逆週期措施的條件,在去年九月,財爺與陳總分別話如果確認樓市下跌,便會調整一些管制樓市措施,誰不知指數公司負責人在每週指數出台之後表示,樓價在未來一段日子只會在高位反覆,睇唔到有下跌跡象,他的老闆亦隨後在多個場合表示,樓價還未下跌,怎樣都能夠確認,到此,我知道沒有機會放寬逆週期措施,直至今日,求其問一個香港人都知道樓市早已下跌,如果當日大家同意陳總所講,昨日陳總就並非舊事重提,而是宣布放寬逆週期措施,今次陳總再講一次放寬逆週期措施條件,只不過是替大家講,希望指數公司能夠確認樓市下跌,否則,陳總都不會放寬,因為,如果在放寬逆週期措施之後,樓價飆升,誰會揹這個責任,甚至有人會講風涼話,樓價還未確認下跌,放寬逆週期措施是魯莽行為。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 打工仔 Andy 2016-02-16 09:22:50
放宽下可以比合適嘅人容易上車, 都係好事!
2. Desmond 2016-02-16 09:26:21
指數公司的人已經在唱淡了
3. Ca1on 2016-02-16 09:36:51
其實差管署亦有編制樓價指數,政府是否會參考自己的數字多於某樓價指數呢?

小弟認為,放寬與否應該是看梁特首。「打擊樓市」係佢唯一可以宣揚的政績,佢上任後樓市升多三成,現時只係跌咗一成,是革命尚未成功,同志仍需努力。佢亦認為,現今年輕人的一切不滿及激進行為只是因為高樓價。所以佢好可能會再一次叫財爺同陳局長唔准放寬。
4. 凝風 2016-02-16 10:12:17
https://hk.finance.yahoo.com/news/%E9%87%91%E7%AE%A1%E8%BB%9F%E5%8C%96-%E6%A8%93%E5%B8%82%E6%96%99%E6%B8%9B%E8%BE%A3-215110945.html

金管出口術...試試大家反應...咪咁認真,做官有邊個唔出口術。
大家認受咪遲少少真推囉~
如果試下口風就被圍插,咁樣仲推!?金管分分鐘俾人"勇武悍衛" (想笑了)
5. Tony lam 2016-02-16 12:20:02
而家減辣放寬所謂逆週期措施、剛需者定投資者邊個反應快D吖哪?會唔會托起個價、比人走貨食糊呢?啱啱先回多少就想玩番癲佢 ? 
長期低息、暗示可能玩埋負利率、市場冇機會啞火、冇洗驚冧檔、不變應萬變由得佢自我調節得嘞 !
6. 救救香港 2016-02-16 23:08:23
好明顯有人晤想香港好,推到香港差過2003年先開心,令到D年青人破壞香港安寧,大家為有站在示威群眾的對面。即係被迫同真心玩弄香港那人同一邊。中曬招喇!
7. 老餅 2016-02-16 23:29:51
政府一定會放寬但不是明天或後天,因如樓价跌少少就立刻放寬就會比市民一個解讀政府不會比樓价下跌,咁市民就放心入市,但經濟再差,如樓价再次下跌,會話政府又制做多一批負資產,到時又千夫所指.
8. 如是 2016-02-17 08:33:48
Carson 及老餅兄說的是,至少真跌破 CCL120 兩三個月才有機會放寬逆週期措。
更何況有聲音指政府推地無以為繼,政府都係不動吹下水好過。
9. 蕭峰 2016-02-17 14:15:01
笑死,老c已經出聲,表示樓市已經明確轉勢,政府應全面撤招!