主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 25064    回應 : 42
文亮言
流標其實是利好消息
 
湯文亮博士
紀惠集團行政總裁
2016年2月1日

  在元朗地流標後,不少元朗業主唔睇好後市,立刻劈價賣樓,這令我覺得很奇怪,流標在現時供過於求,樓價下跌的環境,應該是利好消息,因為招標不成,又少了近千個供應量,令供應太多的疑慮稍為減緩,樓價可望穩定,點解咁多業主劈價賣樓,我相信他們將訊息錯誤解讀,認為地產商不願意投地,是因為樓市不景,樓價一定下跌,其實,大型地產商是按兵不動,中小型地產商又已食飽,現在還要食驚風散,又怎會投地,這並不代表市況太差,這是政府調整供應的一種手法,政府提供土地,是否真的是有需要就交給全香港地產商決定,如果沒有需要,地產商落低價,政府不會接受,供應自然不會出現,樓價在不知不覺間受到控制,如果因為供應而樓價飆升,政府只要接受低價標,供應自然會出現,所以,我認為流標是利好消息,最低限度政府已經知道怎樣調控樓市。

  如果因為是流標,而令到有業主在沒有迫切性的情況下劈價賣樓,我相信是受到某些人誤導,現在的情況,根本不適宜賣樓,除非是被別人迫售,因為,在市場上的樓盤,大多數給買家鋤到體無完膚,如果業主無端端將物業放盤,其實是自取其辱,倒不如讓那些一定要出售的銀主盤先行,待那些銀主盤去得七七八八,樓價自然會穩定,在現階段,沒有必要劈價賣樓,更加要認清楚流標,一個控制供應的辦法,在樓價下跌時,是一個好辦法。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

2. 真真薯片 2016-02-01 09:18:17
一手都唔見有大盤, 依家市場上只有迫賣盤同一手貨尾

股市終於反彈, 就睇下過完年有冇小陽春
3. 笑啖渴飲 2016-02-01 09:26:03
博士一時預測樓價下跌,一時教路買樓點鋤價, 而家仲講埋賣樓點避風頭

說真話的人最討厭, 一唔覺意得罪哂所有人啊

不過我就係鍾意博士講真話,隨性而寫!
4. 望東樓 2016-02-01 09:58:56
樓上,以博士而家咁嘅級數,你覺得有邊位(類人)值得佢花寶貴時間討好?btw,if you try to please everybody you pleased nobody。
5. 占士 2016-02-01 10:54:36

博士,非常同意:現在的情況,根本不適宜賣樓!就讓那些有需要的業主先賣樓吧!

6. 華特 2016-02-01 11:03:45
多謝博士又一啟發
7. 路人甲 2016-02-01 11:12:52

供應多不好, 供應少也不好; 巿塲調節係最好!!:D

香港人的供樓實力遠比美國好或其他地方的好, 二貸三貸的人係有, 
但也比美國人的花錢力度少很多. 
畢竟中國人也好, 香港人也好, 儲錢能力及愛磚頭的傳統思想還是是挺強的.

就嚟農曆年啦, 大家都抖下, 過個開心快樂的新年吧!!
8. 無奈 2016-02-01 13:13:18
流標其實相當不明智,既然有心要推倒樓價,虧少少有咩所謂,地價低,附近屋苑勢必加大劈的力度,中指100指日可待。

政府其實係曲線托市。

股市冧,樓市冧,公司冧,人工冧,今次冇上次咁好彩有自由行續命。
9. 引刀一快 2016-02-01 13:17:33
問題在于可以出售物業嘅存量,除銀主盤外,其實早前所謂“轉賣爲租”盤亦不少,量足以影響租賃市場價位,一年死約完結,一定會再次大批涌現,甚或因環球經濟不景而不交吉出售,鎖定利潤。
10. 引刀一快 2016-02-01 13:20:49
無奈兄

“自由行紅利”係時候埋單,美國果邉又開始吹大陸借咗香港幾間銀行6000億呢單嘢。
11. 好 2016-02-01 13:46:21
之前話流標是利淡,而家話利好,其實都要睇實際情況。
12. 無奈 2016-02-01 13:47:46
刀兄,我都有聽講過,據聞也是索氏睇中香港難收回畢錢,可能銀根短缺,向香港金融體系攻擊云云。
13. 向飯民說不 2016-02-01 14:03:30
樓上,人民幣貶值最傷的其實是香港。大陸吾比人仔貶值,其實幫緊香港,等班港燦仲on99
14. LYC 2016-02-01 14:16:42
講得好,政府已經意識到8萬7既供應已經太多,暗度陳倉,減少供應,托住樓價!
發展商亦配合減慢動工量,慢慢地推售樓盤。
成交淡靜,顯示極小減價盤,租賃上升但租金企穩,明顯剛性住房需求龐大!
這次調整即將完全,重拾升軌,哈哈!
15. 老餅 2016-02-01 14:23:41
6000億呢單野,會唔會吹吹地我不敢說但如吹到中港市民信心動搖,都時借力打力就事半功倍,呢招先至高.
16. 蓄芳待來年 2016-02-01 15:55:11
流標只係反映咗一樣野,就係香港政府冇其他收入來源,所以死都唔可以放棄高地價政策。
17. Tony lam 2016-02-01 16:00:21
CY有料到嘅!
1/冇平料賣、高入場門檻、制約咗成交、維持高位運行、保持社會財產賬面值、阻减D輸咗會企跳嘅盲毛入市、咁就高而不險嘞!
2/減辣 ! 盲毛盡借博命、即時殺聲震天、赢家就輕鬆高價卸貨嘆世界、留番D盲毛鬪篤手指、輸嘅剩番命一條、香港醫番都殘廢。
3/無限量推地、有價照比、有身份証都上到車、咁我就撓手乜都唔玩、香港就當渡假返嚟行吓嘅鄉下。
唔知看官点睇呢?

18. LYC 2016-02-01 16:09:56
正是,政府需要大量金錢去起資助房屋,扶貧,等等!
高地價政策不變,樓價都好難長期向下走啊!
19. CD ROM 2016-02-01 16:34:10
我反而覺得政府讓流標發生係因為呢個樓價轉向已經夠了, 已出手踩brake安排soft landing喇...

如果政府有心想樓價再插一截, 一塊半塊地豪出來平賣, 打擊樓價更事半功倍呢~~~
20. 狗頭貓 2016-02-01 16:43:35
唔想地產商炒底 , 又唔想地產商賣貴 , 即係想地產商唞唞?
21. 蓄芳待來年 2016-02-01 18:22:10
投資從來講預期,地價一鬆手,人人趕賣樓,早兩年高價買樓嘅即時負資產。老董屎忽痕走去搞人哋份身家嘅下場,梁凸手有眼睇,何況佢仲想連任,所以絕對唔會得罪香港業主群。

嗰千二個選委會代表嘅係乜嘢人?全香港業主大聯盟走上街遊行時,阿爺保到你?阿爺只會用你來俾大家「消消氣」。依家,呢班人先係香港嘅消費主力(尤其是自由行少咗之後),整死呢班人,香港消費即跌,香港即死!
梁凸手爬得上特首位,一定係叻仔,你真係以為佢會自殺?香港樓價冧消費冧,阿梁凸手仲驚過你。
打個眼色俾地產商,整色整水安慰一下d冇樓人士,話每個單位平100萬,唉,睇完即刻笑咗,難為d冇樓人士仲為佢拍掌!

寄語冇樓人士3件事:
1) 吾好寄望樓價跌返03價,去到13價已經很不錯。
2) 勤工返工保住份工(小弟正為今年如何裁員而頭痛)。
3) 如果有遊行示威,熱心d,揸住banner行埋一份,要求政府多建公屋。

絕無開罪冇樓人士之意,反之,個人十分支持政府為基層提供基本照顧,一直都認為公屋與私樓細單位應該留俾基層同埋年輕人。但有班PK連公屋都攞去炒,就真係死不足惜,死有餘辜!

可能小弟嘅價值觀已經過時,但小弟嘅財富同李嘉誠一樣,都係靠時間累積返嚟的。
有份報告話香港人19年唔食唔使先至可以俾首期,真係廢up, 20年前小弟計數買樓時,何嚐吾係一樣?但人會一路一路進步的,共勉之。

22. 引刀一快 2016-02-01 19:06:48
蓄芳兄

李嘉诚先生嘅財富,唔係單靠時間就可以累積得到嘅,兄台此言,過份貶低李生嘅能力同成就了。

李先生一向高瞻遠矚,佢走唔係一定要跟,但係應該琢磨下原因。

蓄芳兄,一旦到咗13年價位,而經濟環境同今日一樣的話,上中下三路,你買邉樣?
23. 真真薯片 2016-02-01 19:36:20
引刀兄,

過去轉賣為租既業主, 一年死約完結後都輸變贏, 唔知今次歷史會否重現?
24. 蓄芳待來年 2016-02-01 20:10:50
To 22/F 引刀兄:
你嘅假設有d吾真實,如果樓價去返13年,其他環節冇可能吾變,人心、消費、工作職位等等一定已經變壞。
可以老實答你,樓價如果可以去返13年,我會買多間中or上。無他,我有需要,而物又以罕為貴。

現今嘅香港年輕人大部分都不務實,更加吾捱得,個個都想一步登天,只想要結果而吾要過程,吾掂就問爸爸媽媽,或者問政府,比起國內菁英,可歸類為垃圾。同一間公司,你知吾知香港同上海基地嘅生產力/創新能力有幾大分別?或者講出來都想喊,香港最有創作力嘅人都去哂高登,但咁對香港此吾鄉吾土有乜幫助?公司準備節流,第一個考慮就係香港,作為刀手,痛心又無奈。

小弟發文炮轟,出於善意,想佢哋知道,致富/安居樂業必需經過一個辛苦過程,而耐性更加係一個重要因素,每一個年代都一樣。有一句說話:誰能忍耐十年,便是英雄。冇經過辛苦而得來的,最終你都會守吾住。

用李嘉誠先生作例子,只係出於方便,絕無不敬之意。見到李生撤離中國,心下黯然,共產黨就是容不下人。但同時亦都印證咗,祖國力量嘅真正崛起。
25. 西門吹雪 2016-02-01 20:21:06
其實大家会吾会諗多左?其實底價係由差估處估架。差估處既數字比沒有領先既ccl都慢,咁自然就將地價估到同樓市頂峰時差不多。試問呢個時勢,d發展商點會出咁高價入貨?原因就係咁囉,呢個情況其實跌市出現之後就出現,次次都係咁,冇乜特別
26. 西門吹雪 2016-02-01 20:37:43
蓄芳兄。你所講既對象吾生性既年輕人好似呢度吾多覺有 XDDD
你可能去高登post,会多d適合既聽眾

Btw, 好似東樓兄所講,呢度看淡既人,可以係有好多物業,而通過分析而得出樓市下跌既結論架。吾好以為看淡既就等於廢青…
27. 鄧學士 2016-02-01 20:38:42
刀兄,你講既說話對好友係唔收貨,但我唔怕企你嗰邊比人圍,原因有根據既,就係依家租金回落,向一三年既租金進發,咁樣樓價應向一三年進發不無道理,只是收租收得多好難返轉頭,食開鮑魚好難食返豬油撈飯而已。
28. 蓄芳待來年 2016-02-01 21:17:24
吹雪兄,廢青同看好看淡全無關係,你點可以將廢青同看淡者劃上等號?向淡操作只有高手中嘅高手先有能力做到,小弟指嘅廢青係生產力薄弱者。

唔知大家有冇留意到一個現象,中國城市嘅發展規律?就係先引外資入嚟協助興建發展,到本土力量出現,就開始排外,消化晒本土力量後,又開始開放。
以房產為例,本地人要買嘅已經在保護傘下買哂,再開放時,即使外資入來炒起,怨言亦冇咁多?
香港嘅3D其中一D亦有此功效,但總有一日會再開放,特別係經濟向下行嘅時候。所以而家冇樓,到再開放嘅時候,更加難買樓?

純粹供討論討論,個人並無立場。


29. 西門吹雪 2016-02-01 21:34:37
咁我都相信樓市長線必升既。如果一直持有到死吾賣既話,到老必然有賺既。
不過你認為呢種近乎儲蓄既投資真係可以致富?如果個個都可以做到既野,我相信富極有限。頂多只可以叫比普通打工仔賺多些小咋。
李超人既例子正好,你以為人家發達係來自儲蓄?人家呢幾年出既多入既少,你估真係徹資?等到地價跌得咁上下,我估超人就會出來狂掃貨了。咁簡單既道理都吾明…
30. LYC 2016-02-01 21:59:43
租金只不過比最高位跌了幾個%,跌幅還小過CCL.
今次已經唔係第一次流標,上年當樓市在高位時已有流標,好明顯政府係行高地價政策。
講就話想樓價跌,實際好明顯係想樓價企穩。
31. 西門吹雪 2016-02-01 22:07:52
青衣細山路地皮十一月流標,原來十一月係高位?請問舊年仲有邊幅地係高位流標呢?
小弟真係吾知
32. 蓄芳待來年 2016-02-01 22:11:49
雖然有啲牛頭唔搭馬嘴,但不失趣味,哈哈!
李嘉誠先生的確撤離中國,因為中國再無大啖肉可以俾佢食,但我冇講過佢撤離香港。中國同香港係兩個好唔同嘅地方,香港,一定係投資最安全嘅地方。

投資講嘅永遠係回報率同轉身速度,用乜嘢工具,因人而異,視野可以闊啲,樓宇只係其中一項,當中又有長期出租同埋炒賣嘅區別。
用邊樣好?能令你進入財務自由嘅仙境嘅就好。哈哈!
「富」嘅定義可以再清晰一d,因為個個吾同。

33. 西門吹雪 2016-02-01 22:25:12
咁我覺得最起碼用一輩子供個2,3個單位吾可以叫富law

財務自由只是起步…到五六十嵗人仲講咩財務自由會吾會遲左d?有自由都冇力玩啦…

轉身速度?有人到而家都未轉身…速度真夠快也
34. Tony lam 2016-02-01 22:50:10
做生意有乜撤唔撤資吖!邊會理你政治唔政治、有錢揾係做生意嘅核心價值、大哥成見而家老表做買賣、大開埋過佢、你識摃杆、佢死力都勁過你、直情反物理作用、咁佢揾咗錢頭梗無謂磨蝕自己。
35. 引刀一快 2016-02-01 23:26:58
蓄芳兄

假設如何真實?真實又何須假設?

我“假設”樓價回到2013年,而經濟環境不變,絕對係就住你去假設,當樓價到13年位,可以預見經濟環境比現在要差。

下一代嘅問題,係呢一代人嘅成績,如果要講安慰話,我會講時代變,標準唔一樣,正如我地細個要藤條炆猪肉,依傢就話虐兒,刑事。

至于“但同時亦都印證咗,祖國力量嘅真正崛起。”,引刀內心憤概,啞口無語。
36. Tony lam 2016-02-01 23:46:21
應該咁形容 : 以前香港人好易揾倒老表苯賊、咕喱北上都扮倒老細、而家老表面前再扮唔倒嘢、香港仔一埋牙冇料到露哂底、心理剛性不平衡、一聽到祖國崛起、憤慨係心理正常嘅反應、唔洗見大夫。
37. 望東樓 2016-02-02 00:05:04
講起租金大家不妨用下面個圖俾大家吹吓水,呢幅係RV嘅私人住宅單位租金指數(1979年-2015年,共三十五年)嘅大圖。TypeA同TypeB仲好哋,其他指數基本上係維持係二十年前嘅水平。唔知呢度有冇啲收咗廿年租嘅好以出嚟指教吓。唔該。

38. 引刀一快 2016-02-02 03:58:58
鄧學士兄

依傢已經冇乜邊個圍邊個,大勢已露,大家慢慢討論,齊齊食粉果。
39. 引刀一快 2016-02-02 04:03:16
To 30樓 LYC兄

如果樓價有承托,租價起至啱。
40. 蓄芳待來年 2016-02-02 05:35:03
人生何苦催頭白,知也無涯,憂也無涯,且趁新晴看落霞。

記得刀兄曾提點小弟,寒冬時有種子,應該留來煲粥還是攞出去播種。兄視寒冬若猛獸,必掌握大數據,單看兄開出中指118盤口已知一二。
同一天空下,兄在長春弟在海南,寒風掠過,倒抽一口梁氣後,愚弟感到春之將臨。

國之興亡有定數,人之富貴亦如是。何不共剪西窗燭,笑看巴山夜雨時?

(13年2月22日DSD出台,當日中指121.6,距今約莫尚有10%,共期待之。)
41. Peter Pan 2016-02-02 10:04:08

To 25/F 西門兄


地皮招標及估算地價是由地政署負責. 差响物業估價署估算差响及地租而已.



42. 向饭民说不 2016-02-02 10:19:35
刀兄,加陣對沖基金沽空香港和中國,中國爆,香港肯定屍底。

中國是否崛起,美國佬都好關心,將接近50%軍力放系太平洋,利用亞洲各國企圖圍堵中國,點解要甘大龍鳳。
43. 西門吹雪 2016-02-02 10:49:50
Peter兄,所言甚是。政府部門太多,有時我都攪亂了。上面已經無法修改了,anyway謝謝提醒