地產博客 > 文亮言 返回
瀏覽人次:25974    回應:18
文亮言
老斯打開口牌,有冇咁蠢
 
湯文亮博士
紀惠集團行政總裁
2016年1月30日

  最近有幾個在投行工作的人分別來電,話老斯將會沽空中國,香港股市,我大為驚訝,要沽空中港股市,一定要用大筆金錢,於是我問,老斯打算用幾多錢沽空,答案原來是二百億,我對他們說,應該說二百個億,因為只有大媽才相信,其實,用二百億已經太多,根本毋需出一分錢,只要多幾個有分量的人出面,講多幾次就會有人相信,現在,老斯講到明沽空,即是打開口牌,佢唔會咁蠢,其實,老斯的目的是叫中港人士沽空,最後,令到手上持有股票的人都變得貪婪,賣走手上沒有債務股票,希望在低位時回購,不過,賣走的股票就會去如黃鶴,因為,那些股票持有人是不會甘心高價回購,他們才發覺老斯打開口牌的目的,這些事,十年八載便會發生一次,第一次中伏就無話可說,第二次唔使人講,自己都覺得蠢。

  香港地產市場好彩沒有沽空制度,否則,老斯又話用二百億沽空香港樓市,其實,在某個程度上,輿論是可以令業主賣走自住物業,任志剛叫這是沽空,在四十多年前,明報週刊有一個包可華專欄,專講一些財經故事,有一次講美國有一個業主,本來安坐家中,誰不知收到物業代理電話,話他住的區域有大量放盤,樓價將會大跌,佢唔信,不過,在左鄰右里真的有不少物業放售,原來,佢唔信但有人信,那些放售物業業主其實是沒有迫切性需要,只不過是聽物業代理的話。

  過了不久,街口銀行分行經理打電話給他話,因為該區太多人放盤,導致樓價下跌,要求佢補差價,老實話,美國佬邊會有錢,唯有賣樓,之後,無債一身輕,不過,佢間屋就冇咗。當他賣走物業之後,還未交樓給新業主,樓價又再飆升,物業代理打電話給他問佢有沒有興趣買回以前物業,佢話冇錢,銀行經理知道之後立刻打電話給他,話可以做十足按揭,分五十年還,如此這般,那位業主從未搬離他原先住的物業,在別人一輪的財技下,無端端欠多很多債,所以話,老斯是不會沽空,只希望中港有人沽空,今次亦不例外,大媽響應。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 打工仔 Andy 2016-01-30 08:36:57
樓市會否都一樣? 真係要自己執生! 
無論如何, 自住樓不能沽的! 
2. 二少 2016-01-30 09:58:30
彼此彼此,老豬青出于藍勝于藍。佩服!
3. 無奈 2016-01-30 10:08:25
工仔兄今日好早啊。
4. 蓄芳待來年 2016-01-30 10:09:47
只要你能確定樓價一定向下就可以沽,吾好講自住樓,祖宗山墳都可以沽,哈哈!
世界就係醒目仔太多先有趣劇和悲劇。
5. 無奈 2016-01-30 10:17:08
便個話香港樓市冇得沽空?

只要老師一聲令下,眾子弟大力唱淡,將劈價盤貼滿舖頭街招,不論真假,草木皆兵,日久就會有香港大媽沽空樓市。

此為夜話,不要當真。
6. Tony lam 2016-01-30 10:56:16
早幾日已經話咗呢條友底出㗎啦!不過我認為濑嘢主要係D所謂iBank牛奶B、大媽未必好多、而家D財資界牛奶B、書就讀得多、但講親都係將市場資料重新組合包裝、再演繹一次、似足寫馬經、跟佢即係要食全餐。
7. 西門吹雪 2016-01-30 11:01:11
以上例子應該係話俾我地聽要有足夠現金流應付逆境。如果沒有現準備,豈不是根博士講既美國佬一樣?
8. Tony lam 2016-01-30 11:14:16
呢輪跌市睇真成交唔配合、唔覺大媽嗌救命、老索而家玩時玩、以前其他場入親去都做大佬、而家阿爺呢個睇場打得吓㗎!
9. 收買佬 2016-01-30 12:23:25
"街口銀行分行經理打電話給他話,因為該區太多人放盤,導致樓價下跌,要求佢補差價"

呢吓先慘,想唔走貨都唔得
10. 打工仔 Andy 2016-01-30 12:53:59
無奈兄

如果沽埋自住樓等跌, 果 d 應該是真正樓神呀! 
11. Tony lam 2016-01-30 14:08:55
老湯真係要識過D投行朋友、屎到咁凄凉、牛奶B冇理由埋到你身架。
當一個人食到肥騰騰、開始懶時、突然醒覺全力workout、周身痠痛都不在乎、更加唔理D八婆(美國佬)吱吱噚噚講閒話、叫埋班三姑六婆圍埋手指指、話之你唱我牛精惡死、自己博命操fit、過程一定辛苦、但結果會有6嚿腹肌、英俊瀟灑引死全世界、我買習大大赢!!!
12. 真真薯片 2016-01-30 18:21:00
似乎博士睇股市比較樂觀, 在下就冇佢咁樂觀, 如果插到萬買, 年底彈返上萬九, 奶野既人一定多過賺錢既人
13. 引刀一快 2016-01-30 19:24:03
正式係囚徒兩難嘅博弈,佢就係睇正大部份人口硬心震。
14. 向饭民说不 2016-01-30 23:17:44

大媽沽空,可以沽幾多啊,主要系配合美國佬加息,令香港熱錢回歸美國。這只是開始。估計今後兩年,會是惡鬥。不要忘記,香港有很多soros的馬,包括毒果等傳媒,都想吃大茶飯。

記得亞洲金融風暴時候,94年年底,美國佬開始收水,要求到97年年初,亞洲國家先開始支持不住,跟住soros開始攻擊最弱的泰國。


15. David 2016-02-01 08:50:54
好文!
16. 麗娜 2016-02-02 20:29:06
所以借貸真的不要去得甘盡。本來那個物業就不是那個美國人,是屬於銀行的。

17. 惜緣 2016-02-16 01:43:50
索羅斯, 呵呵!   财经郎眼 2016-02-15

https://www.youtube.com/watch?feature=player_detailpage&v=OxHEcSAdpEE

18. 引刀一快 2016-02-16 07:37:42
螺絲釘呢舖分分鐘臨老唔過得世。


不過呢,郎老師上嘅係大陸節目,吸收必須有個度。螺絲釘到底攻邉瓣,我認爲冇咁直白簡單。