地產博客 > 文亮言 返回
瀏覽人次:30768    回應:32
文亮言
房協迫人跳落火坑
 
湯文亮博士
紀惠集團行政總裁
2016年1月21日

  去年,有很多人根本沒有打算買樓,但房協將那些陳年居屋推出市場,更加推出一些只限香港人買的樓宇,令到有部份香港人覺得唔買就笨,今日,那些人就被房協迫落火坑,我實在替那些人不值。

  在房協推出那些單位時,我曾經出文叫大家唔好買,認為房協售價,只要稍等一兩年,便可以買到質素更佳,地點更好的私人樓宇,當時,我被人鬧到反肚,其實,每一次都是一樣,當政府推出什麼計劃拯救冇樓市民,名義上是做了好事,是實際上每一次都是推他們落火坑,現在,那些人好彩還有一個選擇,就是是否撻訂,其他我唔敢擔保,但我夠膽擔保政府唔會追究,如果在董特首年代,甚至可以取回訂金,用其他市民的錢買人情,這是最著數的事,唔通唔識做,CY當然唔會,佢講到明市民買樓是唔會包賺,就算買政府樓都是一樣,唔追究已經是最大讓步。

  由於樓市跌勢來得太急,房協在未來將會面對無數撻訂個案,房協諸執委有排頭痕,而很多買了房協單位的人亦非常頭痕,或者他們已經變成負資產者,因為在逆週期措施下,只有銀行職員以及買了房協單位的人可以做到九成按揭,當日,房協以為幫了他們,其實是害了他們,甚至迫那些人跳入火坑,其實,房協所做的事,只不過是重演歷史一次,大家唔注重過去,唔睇歷史,跳入火坑就與人無尤。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Oris 2016-01-21 08:52:59
Agree
2. 蓄芳待來年 2016-01-21 08:56:35
「每一次都是一樣,當政府推出什麼計劃拯救冇樓市民,名義上是做了好事,是實際上每一次都是推他們落火坑」。
余以「回歸後第一批曾經苦主」身份,力挺博士所言屬實,哈哈!
3. 無奈 2016-01-21 09:01:28
有冇人可以講講為什麼每次政府所做都係“事與願違”?是否只香港如此呢?
4. 真真薯片 2016-01-21 09:04:31
房協害人主要出於兩個問題, 一來定價太高, 二來佢唔係年年推合理數量既盤, 而係平時冇盤, 餓死你班人先至摸頂沽貨, 咁高超既賣樓手法仲叻過唔少發展商, 做佢對家梗係死啦
5. 無奈 2016-01-21 09:08:01
暫時唸到二點:1,香港人慣逆(政府)向思維
                            2,政府後知後覺,汽車入站時加速
6. 引刀一快 2016-01-21 09:44:15
To 3樓 無奈兄

“事與願違”正係人生最大無奈,其實各國皆有之,尤其大陸(可能我身處其中,接觸多),不過大陸傾向將事件掩埋,不了了之而已。
7. 西門吹雪 2016-01-21 09:53:18

我覺得係因為市況好D人咪係咁呱呱嘈話買唔到樓,政府聽到民意先開始做野~計劃得來到攪得到出來都已經水尾了~~當年夾屋如是,舊年又如是

咪住先~~~咁政府出呢D奇尼野既時候咪又係一個明燈??!!

8. Tony lam 2016-01-21 09:57:41
政府就好似D外行消防員、平時撟手閉目養神、唔識攪防火、聞到味即刻拉喉射水、点知重大鑊、油田着火用水射 ? 所以客觀地每次政府出手時都領大嘢、因為唔大火佢地唔會多手。
9. Tony lam 2016-01-21 10:03:02
公道咁講、CY都一路有趕D老弱疏散、唔好八卦睇熱鬧、以為有米派㗎嘞!
10. Ca1on 2016-01-21 10:06:39
所謂打折賣樓, 事實上係用同區嘅高市價去計算, 而且折完, 連業權都折埋, 咪又係一條數.
11. 真真薯片 2016-01-21 10:14:17
如果真係撻訂, 咁房協收返訂之後會否減價重賣? 如果重賣, 會否影響其他單位估值, 令到更多人撻訂?

唔知房協會唔會囤貨呢?政府囤貨都有先例, 果d貨尾居屋夾屋一囤就十年八年
12. 打工仔 Andy 2016-01-21 10:16:36
經驗告訴我, 居屋長線跑輸比私樓!
13. 無奈 2016-01-21 10:19:08
6樓刀兄,完全明白。老實說,你所講嘅嘢小弟亦深有體會,不過你嘅帽子可不少噢,赤子之心無容置疑!

長河已經走遠,亮劍又似歸隱,你要好好珍惜說不兄,他的野史分析好強啊。
14. 引刀一快 2016-01-21 10:36:24
無奈兄

我一向視向飯、亮劍為好對手,你知引刀幾手痕嘅喇。

呢排,自我陶醉兄都忙得很呢。
15. 向饭民说不 2016-01-21 11:22:22
太阳底下无新事,当年小弟都系中了政府的房贷方案。这个坑比房協卖房的坑更严重。

其实民粹就是这样,政府不建房子给那些废青,废青又会骂政府,回过头来,政府打折卖房子给废青之后,如果房价跌,废青又会骂政府。


16. 笑啖渴飲 2016-01-21 11:49:33
To 11/F 真真
只怕房協冇力囤貨, 因為佢都係自負盈虧家麻.

唔知如果今次渙然一居賣唔哂,會唔會係第一市場推呢嘻嘻
17. 真真薯片 2016-01-21 12:42:07
以政府管理層既效率, 就算重賣, 都唔知要搞幾耐, 以前好多貨尾, 空置項目搞搞下唔記得左就空置n年, 變相囤貨, 依家就睇下689係咪有料到唔比房協囤貨啦
18. 向饭民说不 2016-01-21 14:41:03
楼上,在加埋饭民点人数,更加不知道何年何月。
19. 真真薯片 2016-01-21 19:35:44
原來房協重推撻訂單位需要立法會表決通過

學到野了
20. 1988 2016-01-21 19:52:58
大家點睇煥然一居, 到6月仲有幾多人去揀樓?仲賣唔賣得曬?
21. 真真薯片 2016-01-21 20:21:44
煥然一居既定價同私樓睇齊, 但就唔包地價, 比同一樣既價錢, 冇左件產品既core value, 真係唔知買果個到底點諗
22. 1988 2016-01-21 20:46:10
好明顯用$200買時間睇真個市, 唔買既多
23. LYC 2016-01-21 21:02:26
http://hkm.appledaily.com/detail.php?guid=54673632&category_guid=6996647&category=instant&issue=20160121

證明需求強勁,一手個價企硬,二手樓邊有咁多劈價你買到!
25. 打工仔 Andy 2016-01-21 22:53:50
LYC 兄

需求始終有係到, 我估只不過暫時未有爆發出來!
26. LYC 2016-01-21 23:03:49
之前N年供應不足,龐大需求一直都存在,現在減少少已經有承接,放盤量又下跌緊,等多一陣啲市價盤被掃晒,好快就完成一次調整,重拾升軌!
之前啲淡友fd話煥然實冇人抽,佢地睇死今年大跌喎!
27. Tony lam 2016-01-21 23:13:41
樓上  睇好地產後市嘅話、直接瞓落#16#1113咪仲為皮輕好多、轉身快、要早甩身又唔洗抽重水、点睇?
28. 打工仔 Andy 2016-01-21 23:49:33
LYC 兄

是失? 是得?
時間會證明一切!
29. 過來人 2016-01-22 01:31:20
我想係到同大家分享一下我自己投資唧心得.......2000年系我買第一層樓.當時將軍澳清水灣半島建築面積約700尺(因當時系用建築面積計算)樓價186萬.我大概俾左60萬做手期.當時一直都冇升過.買入之後仲倒跌20萬.到2003年大家都知道沙士病毒.當時我都有諗過賣左層樓.不過冇人買.我只好自己繼續住.幸好沒有人買否則現正我可能仲租緊樓住.到了2007年我張清水灣半島賣左.換左去土瓜灣傲雲峰當時價錢系275萬.直到2013年頭有一刻想賣掉.(因為覺得樓價已經太高)當時市價系520萬.但這次都冇賣到.因為我賣左都冇自己地方住.到2015年我決定賣掉這房子當時620萬.我張賣掉得返黎既錢分別買左二層樓.一層在尖沙嘴590尺實用.50年樓齡現正租了給人做賓館月收$24000 (樓按月供$21000)$500管理費.現尚有大約$2000收入.租約期8年.第四年加租10%.別一間在九龍中當時市價$770.     545尺........(現正自己住)當我賣掉傲雲峰的時候.我有諗過買股票.當時恒生指數是28000點.又諗過買澳元當時係5.6⋯⋯為什麼我到最後都係買返樓......因為我經歷過香港最低同最高經濟.但我住嘅質素未有下降過.反而我好多朋友系2012年已經賣掉房子張啲錢買股票.到現在都買唔返......越住越遠.越住越細.因為他們租樓要用上好大筆錢...股票又輸.在樓宇上賺到的都用返一半錢去租樓到現在樓價跌都冇錢買返........只是過人經歷.....多謝大家祝大家身體健康
30. LYC 2016-01-22 08:49:05
冇興趣買股票,EQ低,唔識cutloss,搞唔掂!
31. 麒麒 2016-01-22 16:48:30
就算係,都係D人自己跳落去姐,關人鬼事
32. 引刀一快 2016-01-23 04:32:59
To 28樓打工仔兄

樓市嚟講,時間只不過係撫平一切咋。
33. 引刀一快 2016-01-23 04:41:54
To 29樓 過來人兄

你嘅經歷,有三點值得討論:
1,你所講嘅係已經賺咗,只不過未摸頂。

2,點解所得一定係炒股?點解炒股又一定係輸?

3,點解個個都話2012年賣,2014賣就唔係咁講法喇。