主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 28127    回應 : 32
文亮言
官員不應明碼實價打壓樓價
 
湯文亮博士
紀惠集團行政總裁
2016年1月20日

  我相信不太多官員了解政府為了打擊樓價所做工夫,他們大多數會認為政府出了三項特別印花稅,俗稱三辣招,但原來在三辣招之前,早已出九招十二式,市建為求自保,又出了市建四式,招式花多眼亂,不過,尚未完結,還有金管局的壓力測試,以及逆一至逆七,在這個情況下,樓價仍然上升,這代表政府官員根本不了解樓價上升主因,直至知道供應不足這個原因而努力開拓土地,而在加息,經濟轉壞陰影下,樓價開始下跌,在出了數唔盡招式情況下才令樓價下跌,有什麼好炫耀,簡直是勝之不武,有本事就放寬晒所有辣招,將逆七變回正常,我們睇吓到時候樓價升抑或跌。

  我講大家或者會唔信,就算政府現在將一切回復正常,樓價仍然會下跌,除了現在樓價過高之外,大前提是政府要提供足夠供應量,否則,如果供應不足,招式再辣也沒有用。

  如果我是政府官員,早已考慮減辣的程序,或者為減辣設一個龍門框,而非對市民耀武揚威,一般市民會認為,官字兩個口,CY,波哥點做都可以,如果樓價繼續上升,一於再出招,辣招唔夠,出租管,甚至規定賣出價不得高於買入價,樓價一定跌,官員們認為是大勝,其實是大敗,敗給自由巿場,我相信,很多做官的不明白這個道理。

  在社會上,市民若果以物業作分類,只得兩種人,有或者沒有,官員們明碼實價話要將樓價壓下去,是會得罪有物業的人,雖然,大多數擁有物業的人都是用作自住,樓價升跌似乎對他們影響不大,只是心理上有所影響,其實不然,大多數業主是要付出努力才可以有個人資產,如果因為政府出招而令他們有所損失,對於沒有物業的人,樓價升跌對他們沒有影響,而打算買樓的人知道政府以打壓樓價為己任,又點會買樓,不如申請公屋就算了,官員們只是簡單講,他們會盡力壓抑樓價上升,並不需要提及要樓價下跌,這樣講就不會得罪任何一個市民,做官,要有些天份才可以。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 占士 2016-01-20 09:02:42
Sofa !
2. Ca1on 2016-01-20 09:09:00
湯博士又一好文. 但以內地強人政治環境之下, 睇怕阿爺對於不斷得罪人嘅官, 有特別偏好.
3. 占士 2016-01-20 09:14:41

我認識一位前輩說過,現在做官嘛,真正有能力的不願做,不夠能力的卻爭著做。

4. 路過的人 2016-01-20 09:16:00
請問博士:受環保,城市規劃,司法複核,政府開發新的土地的速度較預期慢。會不會被市場解讀為無地可批,籌碼有限?
5. 打工仔 Andy 2016-01-20 09:25:18
買咗就要好好守住, 十年八年後回望, 好可能都只是茶杯裡的風波而已。
6. 占士 2016-01-20 09:30:00

打工仔兄,對,團結起來!堅守陣地!風暴過後就是明媚的陽光!哈哈哈

7. 得啖笑 2016-01-20 09:34:35
傻波話樓價跌多一百萬係好。
呢屆政府除左識得出口術/語言藝術 其他乜都做唔到。

8. 西門吹雪 2016-01-20 10:11:54

幾時都覺得打工兄係有氣魄,有實力既業主~~好一句"茶杯裡的風波",笑看風雲。

占士兄亦不皇多讓~哪句"風暴過後就是明媚的陽光"。有時候真的感覺到有實力既好友,係甚麼風都吹不倒的。

比起哪些"升、升、升","買、買、買",不知強多少倍了...

9. 陌生人 2016-01-20 10:17:20
5樓打工仔說得好,想當年在02-04年買樓後,所處經濟環境同樣風風雨雨、身邊亦不乏冷嘲熱諷,然而樓價卻大幅趨升3-4倍,以前啲野已變成笑話,冧吓去邊度飲茶好過啦‧‧‧
10. 湯粉 2016-01-20 10:39:04
博士已經幾次委婉地勸政府撤辣招,同老師目的一樣,不過老師好直接地呼籲政府
11. 打工仔 Andy 2016-01-20 10:53:14
西門兄

市場太負面不是好事, 都要同高位入了市的小業主打下氣先得! 
唔通, 真係要唱到死人先安樂咩 ? 
12. Ca1on 2016-01-20 11:09:43
香港現今面對的危機係好似97 嘅貨幣危機, 但今日, 曾蔭權, 任志剛已被打倒及退休, 再來一波衝擊香港點應付呢? 政府應該及早準備, 及早應對, 唔好去到港元7.85時才做嘢.
13. 狗頭貓 2016-01-20 11:27:18
市民分兩種 , 官員亦分兩種 , 一種是真專家 , 一種是好演員 .
14. 路人甲 2016-01-20 11:29:41

眼見樓價下跌,D官出來講多兩句話會做野, 其實, 某程度, 係度認叻!! 

15. 胡中 2016-01-20 11:36:07
博士肯講真言 切中社會真正脉博 有風骨 有見地 講得好!
16. 占士 2016-01-20 11:41:39



官員也可以分4


1 有能力,有抱負,2 有能力,無抱負,3 無能力,有抱負, 4 無能力,無抱負。



   
17. Ca1on 2016-01-20 11:46:08
占士兄, 似你來說, 有抱負比有能力重要嗎? :P (講笑)
又或者, 有些人有抱負, 但環境人事所限、言路蔽塞, 不能讓其發揮所能.
18. 路人甲 2016-01-20 11:46:37

TO: 16F

哈哈! 不止呀, 還有些:

'' 以為自己有能力, 兼且又無抱負的''
呢D 最差!!
 叫低B級?
19. 占士 2016-01-20 11:50:27

Carson兄,謝謝提醒! 打得快了點,已經改回!

20. 十郎 2016-01-20 11:55:32


      To : 12/F

      正如 " 望兄 " 所說,  官員瞓覺都祈禱港元快D到7.85,  咁樣佢地可以沽售手上的美元,  然後加息,  否則港元一路被追擊,  都唔加得息.  官員愁眉不展,  正如 Lam 兄說,  係做得好好睇睇.


21. 占士 2016-01-20 12:05:01

路人甲姐,'' 以為自己有能力, 兼且又無抱負的''其實是無能力,無抱負屬於4級!:P

22. 路人甲 2016-01-20 12:28:24

有些人沒有自知之明! 以為自己好掂,
有些則知道自己唔掂...:)) 
有分別的

哈哈!
23. CD ROM 2016-01-20 12:50:47
占士兄, 有能力有抱負還肯去當官, 我看真的沒多少個了........
24. 天份 2016-01-20 13:05:29
做官真的要有才會是好官,否則不做也吧!
25. MSK 2016-01-20 18:03:21
請問那位才官系係波叔嗎
26. 引刀一快 2016-01-20 18:23:36
To 3樓 占士兄

原來占士兄識得李+成!
27. 真真薯片 2016-01-20 19:08:23
明碼實價其實係好, 港官就係習慣唔做唔錯太耐, 先會出現貪憎之流, 689話新樓要每個賣平100萬, 做到就達標, 做唔到就叫佢去食屎, 依家只係形勢有利, 距離達標仲有距離, 我係佢就出少句聲, 推多d地好過
28. 占士 2016-01-20 19:54:29

CD兄,因為太少了,所以有的話大家要支持一下。


刀兄,我真的認識很多人,而最不認識的就是我自己!哈哈哈

29. 引刀一快 2016-01-20 20:27:12
哈哈哈,我諗+成哥認識嘅人冇你多。
30. MSK 2016-01-20 20:32:01
OIC

http://ps.hket.com/content/1125790/%E8%B7%8C%E5%83%B9%E4%B8%80%E6%88%90%20%E6%94%BF%E5%BA%9C%E6%88%BF%E7%AD%96%E6%96%B0%E6%8C%87%E6%A8%99%EF%BC%9F
31. Tony lam 2016-01-20 20:42:22
香港係水流柴格局,卡薩布蘭卡咁,好多007玩緊、有本事嘅梗去做生意揾大錢啦、赢得到就攞得走、点嘆都得、只能羨慕冇得葡萄 ! 呢個先真正係香港核心價值、官就留比D高學歷低智商嘅去做嘞!比人亂tell都眼光光、講嘢又冇point,總之唔洗識做嘢、襟tell冇腰骨就得、林鄭稍稍敢回两句、即响個綽號叫好打得、問吓老湯特首佢肯做冇?
32. 儍波 2016-01-20 21:21:32

矛波話樓價跌得少,如果每間樓平均跌一百萬,巿民就會多左錢,可以用呢百萬做好多野。

樓價插緊,平均每間隨跌超過百萬,到時全港巿民就發達啦!我都想睇下全港巿民去邊度收果筆錢同點用。

香港得此奇才父母官,真萬民之福!